Strandapósturinn - 01.06.2018, Page 24

22
og meðlæti. Enn á ný var haldið af stað og næsta stopp var heima
hjá kórfélögunum Herdísi Kristjánsdóttur og Trausta Svein-
björnssyni, en þangað höfðu þau ákveðið að bjóða öllum hópn-
um. Eftir góða og notalega samveru á heimili þeirra lá leiðin nið-
ur í miðbæ Hafnarfjarðar þar sem veitingastaðurinn Fjörukráin
kúrir undir hamrinum. Þar beið hópsins dýrindis kvöldverður og
kvöldið leið með góðri skemmtun og samveru kórfélaga og maka.
Að lokinni vorferð var kórinn kominn í sumarleyfi. Hver hélt
til síns heima og söngur Kórs Átthagafélags Strandamanna þagn-
aður þetta vorið. Á sama tíma missti kórinn áralanga æfingarað-
stöðu sína í Skaftfellingabúð og leit hófst að hentugu húsnæði.
Húsnæðið fannst og fyrsta æfing haustsins 10. september var í
Safnaðarsal Kópavogskirkju sem er hin nýja æfingaraðstaða.
Fyrsta verkefni haustsins var að syngja í tónlistarmessu sunnu-
daginn 1. október í Víðistaðakirkju og var það greiðsla fyrir að-
stöðuna vegna upptökunnar sem að framan er getið. Annað á
dagskrá haustsins var að byrja að æfa bæði fyrir vortónleikana vor-
ið 2018 og fyrir aðventuhátíðina sem haldin var í Bústaðarkirkju
sunnudaginn 10. desember. Þar söng Sigrún Hjálmtýsdóttir með
kórnum auk þess að syngja tvö einsöngslög. Barnakórinn hafði að
venju sinn fasta sess á hátíðinni og eru börnin alltaf jafn yndisleg
á að heyra og horfa. Hugvekjuna flutti Bjarki Sveinbjörnsson en
hann starfaði sem dagskrárgerðarmaður hjá Rás 1 um árabil og er
nú að vinna að uppbyggingu á tónlistarsafni Íslands í Þjóðarbók-
hlöðunni. Eins og undanfarin ár var Agata Joó stjórnandi kórsins
og Vilberg Viggósson studdi sönginn með undirleik á flygil.
Átthagafélagi Strandamanna eru færðar bestu þakkir fyrir
stuðning við kórinn auk þess sem allir þeir fjölmörgu sem komu
á vortónleikana og aðventuhátíðina fá góðar þakkir.
Haukur Guðjónsson,
kórformaður.