Strandapósturinn - 01.06.2018, Page 43

41
Endanlegri uppbyggingu samkvæmt fyrirliggjandi teikningum
var ekki lokið fyrr en 1951 eða 1952 og þá voru seinustu torfhúsin
rifin, nema hænsnakofinn (sjá mynd), sem stóð vestarlega á
grundinni og kartöflugeymslan, sem stóð suður af hænsnakofan-
um á bökkum Leirlágar, allt þar til búskapur lagðist af á Undra-
landi.
Það er athyglisvert að strax var reist 12 volta vindrafstöð við
íbúðarhúsið, í geymslunni var komið fyrir rafgeymum og lagt fyrir
ljósum innanbæjar. Seinna var keyptur lítill bensíndrifinn 12
volta rafmagnsmótor til að hlaða geymana þegar logn var og
vindrafstöðin hlóð ekki. Á Undralandi er því rafmagnslýsing frá
fyrstu tíð sem var nokkur nýlunda í hreppnum þar sem olíulamp-
ar voru notaðir til lýsingar á flestum bæjum. Annað atriði sem var
nokkur nýlunda í sveitinni var að í húsinu var klósett, þannig að
fólk þurfti ekki á útikamar eða í útihús eins og tíðkaðist á öðrum
bæjum. Samtímis byggingu hússins var steypt „hlandfor“ til að
taka við frárennslinu úr klósettinu. Einusinni á ári var hlandforin
tæmd og innihaldinu dreift yfir túnin til áburðar.
Undraland, séð yfir að Litla-Fjarðarhorni. Mynd: Tryggvi Samúelsson.19
Myndin er tekin á sjötta áratugnum, fyrir tíma votheysverkunar.