Strandapósturinn - 01.06.2018, Qupperneq 82

80
einhver verslun var þar á sumrin. Á árunum 1784–1796 lágu
siglingar alveg niðri og á árunum 1798–1803 virðist ekki hafa
verið um aðra siglingu til Reykjarfjarðar að ræða en eitt og eitt
lausakaupmannsskip, [stundum kallaðir spekúlantar = kaupmað-
ur sem siglir með vörur sínar og selur þær á skipsfjöl] á sumrin,
en nú skyldi verða breyting þar á.
Árið 1804 markar því tímamót í verslunarsögu Reykjarfjarðar
því ætíð síðan var rekin þar verslun árið um kring í nærri
eina og hálfa öld. Samkvæmt sóknarmannatali Árnesprestakalls
sem tekið er í janúar 1805 eru eftirtaldir skráðir til heimilis á
„Reykjarfjarðar-kaupstað“ og verða þeir að teljast frumbyggjar
kaupstaðarins:
Christian Knud Thyrrestrup factor [verslunarstjóri] 25 ára.
(1779–1853)
Edele Leonora husholderske (bústýra – ráðskona) 24 ára
(1782–1834).
Jacob Christiansen skipper 28 ára–Ólafur Ólafsson assistent
48 ára.
Loftur Jóhannsson assistent (1744–1819) – Guðný Eyjólfsdóttir
kona hans (1726–1811).
Guðrún Loftsdóttir þeirra dóttir 35 ára – Jón Loftsson ekkju-
maður 33 ára. Ólafur Ólafsson vinnumaður 21. árs.
[Loftur Jóhannsson assistent var gamall bóndi og hafði búið
á Kambi 1789–1803 og víðar í hreppnum. Annað fólk en til-
heyrir fjölskyldu hans er að öllum líkindum aðkomufólk. Ólafur
Ólafsson hafði viðurnefnið assistent. Þetta gæti verið sami mað-
urinn og kallaður var Stranda-Ólafur].
Þau Christian Knud og Edele Leonora eignuðust fyrsta barnið
sem fæddist á Reykjarfjarðarverslunarstað. Um það hafði prestur-
inn í Árnesi þetta að segja í kirkjubókinni:
Þann „15. desember 1805 fædd og sama dag skírð, Gertrud,
laungetið barn factors Christian Thyrrestrup og Eola Elenora.
Þeirra fyrsta frillulífsbrot hvors um sig.
Guðfeðgin: Ólafur Ólafsson assistent og Margrét Ólafsdóttir
Reykjarfirði.“
Úr þessu bættu þau fyrir næstu barneign, því þau giftu sig
13. febrúar 1806. Síðar eignuðust þau tvær dætur meðan þau
voru á Reykjarfirði, Önnu Mettu og Soffíu Jakobínu. Árið 1815