Strandapósturinn - 01.06.2018, Qupperneq 137

135
árið og Jóhannes fæddist fluttu foreldrar hans frá Skjaldarvík
að Krossnesi. Þar bjuggu þau 1877–1892 og þar ólst Jóhannes
upp. Þau voru í húsmennsku í Litlu-Ávík 1892–1895. Magnús og
Steinunn voru í húsmennsku á Dröngum 1895–1896 en fluttu þá
í Reykjarfjörð í Grunnavíkurhreppi og voru þar í húsmennsku
1896–1908. Jóhannes er hjá foreldrum sínum til ársins 1889 en
þá fer hann að Felli sem smali og var þar fardagaárið 1889–1890.
Hann var smali í Litlu-Ávík 1890–1893. Sagður vinnupiltur í
Litlu-Ávík 1893–1894 en aftur orðinn smali 1894–1895 á sama
bæ. Hann var vinnumaður á Dröngum 1895–1898. Jóhannes fer
svo á eftir foreldrum sínum og gerist vinnumaður í Reykjarfirði
nyrðra 1898 til 1905 en eftir það er hann sagður húsmaður í
Reykjarfirði uns hann flytur 1908 í Drangavík.
Í Reykjarfirði var ung fósturdóttir hjónanna þar og hét hún
Sigríður Jakobsdóttir og var frá Nesi í Grunnavík, fædd 3. sept-
ember 1883. Jóhannes og Sigríður dragast hvort að öðru. Þau
ganga í hjónaband árið 1905 ef marka má sóknarmannatal
Grunnavíkursóknar. Þeim fæddist drengur líklega snemma árs
1905 og var hann skírður Guðmundur Matthías Hólm (I). Þessi
drengur dó 10. febrúar 1907 og var grafinn 8. mars.
Vorið sem þau flytja frá Reykjarfirði fæðist þeim annar dreng-
ur og var hann skírður sömu nöfnum og sá fyrri, Guðmundur
Matthías Hólm (II). Hann fæddist í Reykjarfirði 24. maí 1908 og
hann átti langa ævi fyrir höndum og dó 15. febrúar 1991. Hann
var jarðsettur í Fossvogskirkjugarði 26. febrúar.
Á fardögum 1908 flytja þau öll frá Reykjarfirði í Drangavík,
Magnús og Steinunn og Jóhannes og Sigríður, þar sem Jóhannes
verður bóndi. Steinunn deyr í Drangavík 5. desember 1915 og
Magnús 22. október 1920. Jóhannes býr í Drangavík fram á árið
1924.
Í Drangavík eignuðust Jóhannes og Sigríður fjögur börn til
viðbótar. Þeim fæddist meybarn 8. október 1909 sem var skírt
skemmri skírn heima sama dag. Barnið var skírt Guðrún (III).
Hún dó sama daginn og var grafin í Árnesi 18. nóvember.
Foreldrarnir munu hafa tekið þetta mjög nærri sér.
Þann 26. maí 1911 fæddist þeim drengur sem var skírður
skemmri skírn 22. júní og staðfest af presti 14. ágúst sama ár.
Drengurinn hlaut nafnið Jóhannes Vagn (IV). Hann lifði lengi