Strandapósturinn - 01.06.2018, Qupperneq 138

136
og dó 4. júní 1996. Hann var jarðsettur í Fossvogskirkjugarði 14.
júní.
Fimmta barnið fæddist 29. maí 1912 og var skírt 22. ágúst
sama ár. Þetta var stúlka sem fékk nafnið Jensína Þorbjörg (V).
Hún dó af barnsförum 23. júlí 1951.
Sjötta og síðasta barnið var stúlka sem fæddist 29. mars 1914.
Hún var skírð 26. júlí og hlaut nafnið Guðfinna (VI). Hún lifði
aðeins í um ár og dó 23. júní 1915 og var grafin í Árnesi 2. júlí.
Jóhannes og Sigríður kona hans áttu ekki skap saman og svo fór
að hjónabandið leystist upp og þau skildu.
Eftir skilnaðinn var Jóhannes í vinnumennsku. Fyrst var hann
á Dröngum 1924–25 en svo vinnumaður í Árnesi frá 1925 til 1928
en eftir það lausamaður í Árnesi til ársins 1939. Það ár flytur
hann að Melum og var þar í skjóli Sigmundar Guðmundssonar.
Jóhannes var skráður þar sem lausamaður frá 1939 til 1947 en
eftir það skráður sem sjúklingur eða gamalmenni alveg til 1962.
Það ár (1962) flutti Sigmundur úr sveitinni og Jóhannes færði
sig til og var hjá Eyjólfi Valgeirssyni á Krossnesi frá 1962 til 1970.
Ljósm. Haukur Jóhannesson.
Íbúðarhúsið í Drangavík. Jóhannes Magnússon byggði endann sem nær
er um 1910.