Strandapósturinn - 01.06.2018, Qupperneq 152

150
Anna Katrín Hafsteinsdóttir
Bessi
Ættardraugar eru ekki svo óalgeng umræða á Ströndum, margir
telja sig og sína eiga einn slíkan. Þar má til að mynda nefna Enn-
is-Móra og þann sem fylgir minni fjölskyldu, Sandnesættinni,
Bessa. Draugurinn hefur fylgt ættinni í að verða 250 ár, hann er
orðin hluti af fjölskyldusögunni og talað er um hann eins og einn
frændann. Hann er heldur stríðinn, sést aldrei en samt eiginlega
alltaf allt um kring.
En hver er þessi Bessi? Ættardraugurinn Bessi er upprunninn á
Ströndum og er hann sagður hafa verið vakinn upp og sendur
Kollafjarðarnesættinni af Jóni Ólafssyni vísilögmanni fyrir tæpum
250 árum. Upprunasögn þessa draugs er til í tveimur útgáfum.
Önnur segir að Jón hafi sent Bessa á tvær systur í Kollafjarðarnesi
því þær vildu ekki selja honum erfðahluti sína í jörðinni. Hin
sögnin er ívið rómantískari eins og Ólafur Sigvaldason frá Sand-
nesi, afi minn heitinn, sagði um drauginn í viðtali við Hallfreð
Örn Eiríksson og Árna Björnsson árið 1970:
„Já Bessi! Hann er gamall draugur! Og náttúrulega sem eðli-
legt er því hann er 200 ára, líklega mætti nú hér um bil orðsetja
hann. Því að það er sagt að Jón Ólafsson vísilögmaður hafi vakið
hann upp. Og sent hann tveimur systrum hérna, ég held að þeir
hafi þá átt heima í Gröf í Kirkjubólshrepp. Með dætrum Jóns
Brynjólfssonar, nei! systrum! Systrum Jóns Brynjólfssonar. Sko,
hitt er víst, hvað sem um það er, að það þykist fólk til þessa dags
sjá hann alveg með okkur ættmennum [hlær]. Hann ber á hurðir