Strandapósturinn - 01.06.2018, Qupperneq 171

169
Elísa var fermd á Kaldrananesi
1868. Prestur færir í kirkjubók-
ina: kann, skilur, les dável, sið-
látleg. Hún var kúabólusett 28.
janúar 1868 af aðstoðarlæknin-
um Jóni Guðmundssyni. Hún
fluttist með foreldrum sínum
að Ósi 1868 og var þar þegar
manntal var tekið haustið 1870
og er þar a.m.k. fram í fardaga
1874. Hún er vinnukona á
Hafnarhólmi 1875-78. Næst skýt-
ur henni upp í manntalinu 1880
og þá var hún orðin vinnukona
á Reykjanesi í Víkursveit. Líklega
hefur hún komið þangað í far-
dögum 1878. Ólafur Ólafsson
(f. 5. október 1848 á Bakka í Bjarnarfirði) bróðir hennar og
seinna bóndi í Norðurfirði (frá 1881) kemur norður í Víkursveit
í maí 1875 og var þá vinnumaður á Reykjanesi fram í fardaga
1881. Telja verður víst að Elísa hafi farið norður í Víkursveit árið
1878.7 Á Reykjanesi bjó þá Guðrún Sveinbjörnsdóttir ekkja og
hjá henni sonur hennar Jón Sigurðsson og kona hans Guðbjörg
Jörundsdóttir. Sagt var að Jóni væri ekki sjálfrátt þegar konur
væru annars vegar og svo fór að hann barnaði Elísu vinnukonu
móður sinnar. Hún fæddi stúlkubarn 26. janúar 1882 og var
það skírt heima af presti 1. febrúar sama ár og var gefið nafnið
Jónína. Í kirkjubókinni stendur: foreldrar Jón Sigurðsson giftur
búandi á Reykjanesi og Elísa Ólafsdóttir ógift vinnukona saman
stað. Skírnarvottar voru Vilhjálmur Jóhannsson og Sigurður
Eiríksson vinnumenn á Reykjanesi og Guðbjörg Jörundsdóttir
gift kona8 sama stað.
7 Arnfríður Ólafsdóttir systir Elísu er skráð vinnukona á Reykjanesi 1880-1884. Arn-
fríður fór líklega norður 1877 og Elísa árið eftir.
8 Hún var eiginkona Jóns Sigurðssonar.
Ljósm: Eign Soffíu M. Skarphéðinsdóttur.
Jónína Jónsdóttir