Strandapósturinn - 01.06.2018, Qupperneq 172

170
Jóni Sigurðssyni varð ekki langra lífdaga auðið. Hann fórst á
Húnaflóa með Þorsteini Þorleifssyni frá Kjörvogi 9. september
1882.9
Jónínu er ekki getið í sóknarmannatölum Árnesþinga 1882
og 1883. Höfundur gerði og leit í sóknunum við Steingrímsförð
og víðar en fann hana ekki. Afkomendur Jónínu fullyrða að hún
hafi verið tekin í fóstur af Ólafi Ólafssyni10 og Soffíu Hansdóttur
konu hans strax eftir fæðingu og skulum við hafa það fyrir satt.
Hún var a.m.k. komin í Norðurfjörð þegar sóknarmannatalið
1884 var fært í bók og þá sögð tveggja ára.
9 Börn Jóns Sigurðssonar voru eftirfarandi: 1) Guðlaug Jónsdóttir f. 16. janúar 1876
- d. 25. febrúar 1915 (móðir Þorgerður Sveinsdóttir á Felli), 2) Sigurlína Jónsdótt-
ir f. 10. febrúar 1877 - d. 22. september 1952 (móðir Ólína Sigurðardóttir frá Eyri,
3) Guðrún Jónsdóttir f. 6. desember 1878 - d. 22. apríl 1879 (móðir Helga Guð-
mundsdóttir heitkona Jóns), 4) Jónína Jónsdóttir f. 26. janúar 1882 - d. 20. desem-
ber 1962 (móðir Elísa Ólafsdóttir), 5) Guðrún Jónsdóttir f. 27. maí 1882 - d. 11.
júní 1963 (móðir Guðbjörg Jörundsdóttir kona Jóns).
10 Ólafur Ólafsson í Norðurfirði var albróðir Elísu Ólafsdóttur.
Ljósm. í eigu Guðlaugs Gíslasonar.
Steinstúnsbærinn á árunum 1925-30. Bærinn er fjær en hesthús nær.
Fjær og til hægri við burstabæinn glittir í fjóshlöðuna.