Strandapósturinn - 01.06.2018, Síða 174

172
og þau Jón og Elísa gengu í hjónaband 12. október 1884 eftir
þrjár lýsingar. Hann var þá sagður húsmaður á Steinstúni 30
ára að aldri og hún sögð bústýra hans og 31 árs. Svaramenn
voru Jón Gíslason bóndi á Krossnesi og Ólafur Ólafsson bóndi í
Norðurfirði.
Næsta barn fæddist 12. júlí 1886 og var skírt 19. júlí. Það var
drengur sem hlaut nafnið Guðmundur Finnbogi. Skírnarvottar
voru Eyjólfur Kolbeins Eyjólfsson stud. art. og Böðvar Eyjólfsson
í Árnesi og Vilborg Jónsdóttir í Norðurfirði. Finnbogi, eins
og hann var ávallt nefndur, var hjá foreldrum sínum fram yfir
áramótin 1886-87 en þá var hann tekinn af þeim og settur
niður í Stóru-Ávík hjá Guðmundi Guðmundssyni húsmanni og
Ragnheiði Eiríksdóttur bústýru hans. Finnbogi var þá nefndur
sveitarbarn sem er fínna orð yfir sveitarómaga. Árið 1890 var
ekki verið að skafa utan af hlutunum og Finnbogi sagður sveitar-
ómagi. Svo er að sjá að Finnbogi hafi verið kominn á framfæri
Jóns Magnússonar bónda í Litlu-Ávík og konu hans Jóhönnu
Magnúsdóttur árið 1891 en þess má þó geta að Guðmundur
Guðmundsson og Ragnheiður Eiríksdóttir fluttu einnig milli
bæjanna um þetta leyti. Ómaganafnbótin færðist með Finnboga
milli bæjanna. Þar var hann til 1893. Árið 1893 var hann sveitar-
barn á Krossnesi hjá Guðmundi Ólasyni og Sigríði Pétursdóttur.
Finnbogi var þá orðinn 7 ára gamall. Árið eftir, 1894, var hann
kominn til Ólafs Ólafssonar bónda í Norðurfirði og konu hans
Soffíu Hansdóttur. Finnbogi var þá enn sagður sveitarbarn.
Þarna hitti hann fyrir Jónínu hálfsystur sína. Nú var Finnbogi
kominn í það skjól sem dugði honum ævina á enda. Árið eft-
ir var Finnbogi sagður tökubarn og seinna fóstursonur þeirra
hjóna.
Þriðja barn þeirra hjóna, Jóns og Elísu, fæddist 27. maí 1888
og skírt 30. maí sama ár. Nú var það stúlkubarn sem hlaut nafnið
Guðbjörg. Nú var Jón sagður tómthúsmaður. Skírnarvottar voru
Sigríður Pétursdóttir ljósmóðir í Bæ og Böðvar Eyjólfsson yngis-
maður í Árnesi.
Búskapur þeirra hjóna á Steinstúni var lítill. Steinstún var
hjáleiga frá Krossnesi og var fyrst byggð á seinni öldum árið
1881 af Jóni Sigurðssyni sem seinna bjó í Kolbeinsvík. Jón bjó