Strandapósturinn - 01.06.2018, Síða 184

182
með Steinvöru og titluð húsfrú á Guðlaugsstöðum. Vorið 1922
fluttu þau á Blönduós. Þau bjuggu þar í Afabæ 1922-23 og í húsi
Stefáns Þorkelssonar 1923-24.
Jónína kom aftur í Norðurfjörð árið 1924 og þá með eigin-
mann sinn Gísla Þorleifsson og dóttur, Steinvöru Ingibjörgu.
Gísli var þá titlaður húsmaður og var í skjóli Soffíu. Finnbogi
var áfram ráðsmaður hjá ekkjunni. Svona var staðan á heimil-
inu alveg til ársins 1936 er Soffía deyr. Þá varð Gísli Þorleifsson
bóndi og Finnbogi var hjá þeim hjónum og skráður sem hús-
maður. Árið 1937 flutti Steinvör Gísladóttir inn á Djúpavík og
giftist Skarphéðni Njálssyni frá Njálsstöðum í Norðurfirði. Gísli
var bóndi í Norðurfirði til fardaga 1943 er hann flyst á Krossnes
og gerist þar bóndi móti Skarphéðni tengdasyni sínum. Finnbogi
fylgir Gísla og Jónínu að Krossnesi. Þar voru þau öll fram á árið
1954 er Skarphéðinn og Steinvör fluttu með flest öll börn sín
vestur að Kirkjubóli í Skutulsfirði. Gísli, Jónína og Finnbogi
fluttu eftir þeim vestur vorið 1955. Þar voru þau í skotinu hjá
Skarphéðni og Steinvöru. Finnbogi var á Kirkjubóli uns hann
var fluttur á sjúkrahúsið á Ísafirði og þar dó hann 10. júlí 1963.29
Jónína fór á elliheimilið á Ísafirði um 1961 en lést á sjúkrahúsinu
á Ísafirði 25. desember 1962.30
Finnbogi kvæntist ekki né átti afkomendur.31 Jónína átti
Steinvöru Ingibjörgu eitt barna en Steinvör átti níu börn og þar
af komust átta upp. Steinvör lést 6. febrúar 1989 í Reykjavík.
Steinvör á fjölda afkomenda.
29 Ranglega sagður dáinn 11.2. 1971 í Íslendingabók.
30 26. desember er í Íslendingabók.
31 Finnbogi fór oft um eggjatímann norður að Horni til Kristins bróður síns. Eitt
skiptið kom hann róandi að norðan ásamt Einari Guðmundssyni á Munaðarnesi á
nýrri skekktu sem Finnbogi hafði látið Frímann á Horni smíða fyrir sig. Skekktan
var full af eggum og fugli. Það var gott veður á leiðinni að norðan og þeim hitnaði
við róðurinn og var svo komið þegar þeir komu fyrir Skerjasundin að þeir ákváðu
að lenda í Engjanesi og þar lögðu þeir sig og sofnuðu drjúga stund.
Höfundur þessarar greinar svaf í sama herbergi og Finnbogi allmörg sumur og
kynntist honum allvel. Eitt var það sem Bogi vildi ekki ræða um en það var gamli
tíminn. Gísli mágur hans og Jónína voru aftur á móti mjög ræðin um gamla tím-
ann. Ég er ekki í vafa um að sá tími sem Bogi var niðursetningur hafi brennt sig í
barnssálina enda hefur honum vafalaust verið núið því um nasir á þeim tíma. Því
hefur hann ekki viljað ræða um þann tíma. Hann fékk að kenna á miskunnarleysi
nítjándu aldar.