Strandapósturinn - 01.06.2018, Page 185

183
Guðbjörg Jónsdóttir
„Hún stóð ein undir eikinni“
Guðbjörg var sett niður í Ingólfs-
firði er heimilið á Steinstúni var
leyst upp. Þar bjó ekkjan Þor-
gerður Sveinsdóttir. Guðbjörg
var ýmist nefnd sveitarbarn en
þó oftar sveitarómagi og var svo
til 1897 en eftir það var hún
nefnd tökubarn og var svo til
1901. Guðbjörg var fermd árið
1902. Þá skrifar prestur í kirkju-
bókina: les vel, kann vel, skrifar
sæmilega, reiknar laklega, hegð-
un ágæt.
Hún var kúabólusett 21 júní
1894. Árið 1902 var hún nefnd
vinnukona og var þá 14 ára. Árið 1903 var hún orðin vinnu-
kona á Munaðarnesi hjá Guðmundi Gísla Jónssyni og Guðlaugu
Jónsdóttur. Guðlaug var hálfsystir Jónínu Jónsdóttur að föðurn-
um en Jónína var hálfsystir Guðbjargar að móðurinni. Árið eftir
(1904) var Guðbjörg vinnukona, 16 ára, hjá sömu húsbændum
og þar var líka vinnumaður Benjamín Sigurðsson (51 árs).
Þau áttu saman dreng þetta ár. Hann fæddist 11. janúar 1904
og skírður 4 júlí. Hann hlaut nafnið Þorgeir Engilbert og for-
eldrarnir sagðir ógift hjú á Munaðarnesi. Skírnarvottar voru
Jón Gíslason, Guðmundur G. Jónsson og kona hans Guðlaug
Jónsdóttir – öll á Munaðarnesi. Árið 1905 voru Guðbjörg og
sonurinn enn á Munaðarnesi en faðirinn var horfinn á braut.
Þau mæðginin voru á Munaðarnesi hjá sömu húsbændum til
1911 en það ár kom Benjamín, faðir barnsins, aftur og var vinnu-
maður á Munaðarnesi. Þau þrjú voru á Munaðarnesi 1911-1914
en sumarið 1914 fór Benjamín aftur á braut. Guðlaug Jónsdóttir
húsmóðir Guðbjargar dó af barnsförum 25. febrúar 1915. Nú
gerist það sem stundum vill gerast að Guðbjörg varð ófrísk eftir
húsbónda sinn og ól sveinbarn 6. maí 1916. Barnið var skírt
skemmri skírn og fékk nafnið Guðbjörn. Í kirkjubókinni stend-
ur að foreldrar séu Guðmundur Jónsson ekkill á Munaðarnesi
Ljósm. eign Guðmundar G. Jónssonar.
Guðbjörg Jónsdóttir.