Strandapósturinn - 01.06.2018, Page 187

185
og Valgerði Jónsdóttur en Þorgeir sonur hennar er kominn í
Naustvík og nefndur tökudrengur. Þar var hann hjá Guðmundi
Árnasyni bónda og Steinunni Guðmundsdóttur ráðskonu hans.
Árið eftir var Guðbjörg enn á Krossnesi en Þorgeir orðinn létta-
drengur í Naustvík. Árið eftir (1919-20) voru þau bæði áfram
í sömu vistum. Fardagaárið 1920-21 var Þorgeir orðinn vinnu-
maður í Naustvík en Guðbjörg áfram vinnukona á Krossnesi og
var þar fram í fardaga 1922. Þorgeir var vinnumaður í Naustvík
fram í fardaga 1922 en þá flutti hann sig um set í Reykjarfjörð
til bræðranna Þórarins Á. og Guðmundar Guðmundssona frá
Finnbogastöðum sem þar bjuggu. Þar var Þorgeir fram í fardaga
1925.
Guðbjörg er vinnukona í Kjós 1922-23 hjá Alexander
Árnasyni bónda og Sveinsínu Ágústsdóttur konu hans. Hún
var svo vinnukona í Reykjarfirði 1923-26 hjá þeim bræðrum frá
Finnbogastöðum. Í Reykjarfirði varð Guðbjörg ófrísk í þriðja
sinn. Faðirinn var húsbóndi hennar Þórarinn Á. Guðmundsson.
Barnið, sem var stúlka, fæddist 26. október 1926 og þá var
Guðbjörg orðin vinnukona í Árnesi. Barnið var skírt 30. október
í Árnesi og fékk nafnið Hulda. Skírnarvottar voru Guðmundur
Guðmundsson oddviti á Finnbogastöðum, Jóhannes Magnússon
vinnumaður í Árnesi og Ingibjörg Jónasdóttir prestkona á sama
stað. Hulda var tekin af Guðbjörgu og Guðfinna Guðmundsdóttir
(Gyða) á Finnbogastöðum gekk henni í móðurstað. Hulda giftist
og átti tvö börn. Hún bjó á Akureyri.
Árið 1925 gerðist Þorgeir vinnumaður hjá séra Sveini
Guðmundssyni presti í Árnesi og konu hans Ingibjörgu
Jónasdóttur og árið eftir, 1926, kom Guðbjörg þangað á eftir syni
sínum. Þau voru þar bæði í vinnumennsku fram í fardaga 1928.
Þá fór Guðbjörg í vinnumennsku til Guðmundar Jónssonar
bónda og Önnu Benediktsdóttur konu hans í Stóru-Ávík og var
þar eitt ár, 1928-29. Þorgeir var vinnumaður á Eyri þetta sama
ár hjá Guðrúnu Jónsdóttur búandi ekkju og einnig það næsta
(1929-30). Guðbjörg kom aftur í Árnes árið 1929.
Nokkur straumhvörf verða í lífi Þorgeirs árið 1930. Þá hvarf
hann aftur í vinnumennsku í Árnesi, fyrst hjá séra Sveini en svo
frá 1931 hjá Sigmundi Guðmundssyni búfræðingi og Sigrúnu
Guðmundsdóttur konu hans sem bjuggu á móti séra Sveini og