Strandapósturinn - 01.06.2018, Page 188

186
var hjá þeim meðan þau bjuggu í Árnesi, eða til fardaga 1939.
Guðbjörg var þar með syni sínum fram í fardaga 1933 en þá
fór hún á Gjögur og var þar bústýra hjá Elíasi32 Eiríkssyni hús-
manni – þar var hún fardagaárið 1933-34. Þau bjuggu ásamt
fleirum í svonefndu Steinhúsi á Gjögri. Árið eftir var hún aft-
ur komin í Árnes og var þar með syni sínum fram í fardaga
1937. Í fardögum árið 1937 flutti Guðbjörg sig um set og varð
vinnukona á Munaðarnesi. Hún mun hafa verið hjá Guðmundi
barnsföður sínum og hjúkrað honum meðan hann lifði. Hann
dó 9. nóvember 1939. Sagt er að Guðmundur hafi tekið það
loforð af sonum sínum áður en hann dó að Guðbjörg þyrfti
ekki að fara á flæking aftur. Guðbjörg var vinnukona hjá Jóni
Meyvant Sigurðssyni 1939-40 á Munaðarnesi. Árið 1940 varð
hún ráðskona hjá Einari og Indriða Guðmundssonum þar á
bæ. Guðbjörg veiktist alvarlega árið 1954 og mun hafa fengið
heilablóðfall. Henni var fyrst hjúkrað heima en svo var hún flutt
í sjúkraskýlið á Hólmavík og komst hún þar til nokkurrar heilsu.
Hún fór aftur að Munaðarnesi og hélt áfram að halda heimili
fyrir bræðurnar af sömu elju og dugnaði sem fyrr. Hún veiktist
seinna aftur og var flutt inn á Hólmavík og dvaldi þar uns hún
dó 11. september 1959.
Sigmundur Guðmundsson flytur að Melum í fardögum árið
1939. Þorgeir varð áfram vinnumaður í Árnesi hjá séra Þorsteini
Björnssyni og Sigurrósu Torfadóttur konu hans. Þorsteinn hvarf
á braut 1943 og þá var Þorgeir skráður húsmaður í Árnesi (1943-
44) ásamt Alberti Valgeirssyni. Séra Yngvi Þórir Árnason tók við
preststörfum í Árnesi 1944 og Þorgeir var vinnumaður hjá honum
og konu hans Guðrúnu Jóhönnu Helgadóttur fardagaárið 1944-45.
Þorgeir, sonur Guðbjargar, flutti að Melum til Sigmundar
Guðmundssonar árið 1945 og var þar vinnumaður alla tíð síðan.
Þorgeir veiktist fyrir norðan og var fluttur suður með sjóflugvél.
Þar kom í ljós að hann var með krabba og ekkert hægt að gera.
Hann dó í Reykjavík 17. júlí 1952. Þegar Þorgeir var vinnumað-
ur í Reykjarfirði 1924-25 var þar vinnukona að nafni Ingveldur
Jónsdóttir (f. 16. maí 1902 - d. 7. mars 1950).33 Hún var hjá
32 Ýmist nefndur Elías eða Elíeser. Hann var Strandapóstur um tíma. Hann var Hún-
vetningur.
33 Ingveldur fæddist í Húsavík við Steingrímsfjörð og voru foreldrar hennar Sigur-
laug Guðmundsdóttir og Jón Björnsson, gift hjón sem þar voru í vinnumennsku.