Strandapósturinn - 01.06.2018, Qupperneq 195

193
reiðarslagið. Í ágúst 1882 komu mislingar upp á Ósi. Það er
skemmst frá því að segja að þá deyja Margrét húsmóðirin og
dæturnar tvær. Margrét deyr 8. ágúst en dæturnar báðar 9.
ágúst. Þær voru allar grafnar í sömu gröf þ. 21. ágúst. Það var
eins og öllu hefði verið kippt undan Magnúsi Ólafssyni. Hann
flytur árið eftir, 1883, frá Ósi og vestur í Arnardal. Hann lifði
ekki lengi eftir þetta og dó 24. mars 1885 og var grafinn í
Eyrarkirkjugarði í Skutulsfirði 30. mars sama ár. Hann var
skráður húsmaður á Ósi en vinnumaður vestur í Arnardal.
3. Ólafur Ólafsson f. 5. október 1848 á Bakka í Bjarnarfirði.
Hann var skírður 7. október. Skírnarvottar voru: faðirinn,
Ingibjörg Jónsdóttir ekkja og Bjarni Bjarnason á Stað.40 Hann
fylgdi foreldrum sínum allt til ársins 1875. Þá fer hann norð-
ur í Árneshrepp og verður vinnumaður á Reykjanesi 1875 til
1881. Ólafur var fermdur 1862, 14 ára að aldri. Klerkur segir
um hann: Kann, skilur og les vel. Skikkanlegur. Árið 1881
flytur hann í Norðurfjörð og
gerist þar vinnumaður hjá
ekkjunni Soffíu Jakobínu
Hansdóttur. Eitthvað var
hann búinn að koma þar við
áður því þeim fæddist dótt-
ir 28. apríl 1881 sem skírð
var heima af presti 13. júlí
og fékk nafnið Guðbjörg.
Þá er Ólafur sagður ógiftur
vinnumaður í Norðurfirði.
Skírnarvottar voru Gísli
Gíslason bóndi í Norðurfirði,
Jakob Þorsteinsson búandi í
Árnesi og Vilborg Jónsdóttir
gift kona í Norðurfirði.
Barnið dó 12. september
þá um haustið og var graf-
ið í Árnesi 2. október.41 Þau
40 Skírður í höfuðið á afa sínum Ólafi Bjarnasyni.
41 Soffía var áður gift Ólafi Jónssyni bónda í Norðurfirði en hann dó 9. október 1878.
Þau áttu sama einn son, Jón Ólafsson f. 2. apríl 1877 - d. 31. júlí 1881. Soffía missti
bæði börnin sem hún átti sama árið.
Eigandi ljósmyndar Snorri Marteinsson.
Arnfríður Ólafsdóttir.