Strandapósturinn - 01.06.2018, Blaðsíða 197

195
fram sem vinnukona á Reykjanesi í Víkursveit 1880 og var þar
til 1884. Líklega hefur hún komið að Reykjanesi í fardögum
1877. Síðan var ævi hennar einn samfelldur flækingur úr
einni vist í aðra. Það er sett fram á meðfylgjandi mynd. Frá
Reykjanesi fór hún vestur í Arnardal 1884 um sama leyti og
Magnús bróðir hennar. Þar var hún vinnukona í tvö ár (1884-
86) en flutti sig svo um sett inn í Vigur og var þar í fimm ár
(1886-91) og svo tvö ár (1891-93) í Ögri. Vorið 1893 flutti hún
sig enn um set og fór að Neðri-Gufudal og var þar til 1898.
Hún var 1898-99 að Hjöllum í Þorskafirði og flutti sig þaðan
að Dönustöðum í Laxárdal í Dalasýslu vorið 1899. Þar var
hún fram í fardaga 1904. Hún var vinnukona á Lambastöðum
1904-05 og í Búðardal 1905-06 en þá flutti hún sig að Borðeyri
og var þar 1906-07. Hún var í Hlíð í Reykhólasveit 1907-08 og
í Bæ í Króksfirði 1908-10. Þá fór hún að Svarfhóli í Geiradal
og dvaldi þar frá 1910 til vorsins 1924 og dvaldi ekki eins
lengi annars staðar. Hún var vinnukona á Kletti 1924-25. Þá
venti hún kvæði sínu í kross og flutti með Árna bróður sínum
og fjölskyldu hans að Halldórsstöðum á Vatnsleysuströnd og
þar bjuggu þau 1925-28. Líklega bjó Arnfríður í Hafnarfirði
á árunum 1928-33 en eftir það flutti hún til Reykjavíkur.
Hún bjó á Langholtsvegi 46A 1933-36, á Nýlendugötu 11
1936-37 og síðast á Lokastíg 15 frá 1937-40. Hún dó 12. apríl
1940 í Reykjavík og var grafin í Fossvogskirkjugarði 19. apríl.
Arnfríður giftist ekki né átti afkomendur.
5. Elísa Ólafsdóttir f. 29. september 1853 á Klúku í Bjarnarfirði.
Um hana er fjallað hér á undan.
6. Árni Ólafsson f. 3. október 1855 í Sunndal. Hann var skírður
heima 5. október. Skírnarvottar voru: faðirinn, Guðlaugur
Helgason bóndi í Goðdal og Þorbjörg Aradóttir sama bæ.43
Hann fylgdi foreldrum sínum að minnsta kosti fram á
árið 1873. Hann var vinnumaður á Grænanesi 1875-78, á
Hrófbergi 1878-79 og á Gautshamri 1880-81. Hann virðist
vera vinnumaður 1883-1884 í Kálfadal í Gufudalssveit og í
Hlíð í Staðarsókn 1884-1886. Árið 1886 er hann sagður fara
frá Hofstöðum í Staðarsókn og að Gufudal en þar finnst hann
43 Skírður eftir föðurbróður sínum Árna Ólafssyni sem dó ungur.