Víkurfréttir - 01.09.2021, Blaðsíða 12

Eva Björk Sveinsdóttir, skólastjóri Gerðaskóla í Suðurnesjabæ, segir að það hafi
verið stór stund að verða amma í sumar. Það er margt í gangi í skólanum sem hún
stýrir en hann er innleiða nýjungar í starfið.
Hvernig varðir þú sumarfríinu?
„Þetta var sumar eftirvæntingar, við fjölskyldan
fórum lítið í burtu því lítill prins var á leiðinni í
heiminn. Það var farið á marga fótboltaleiki hjá
Keflavík og eltum við uppi alla leiki hjá yngsta
fjölskyldumeðliminum. Við hjónin fórum þó eina
stutta ferð á Egilsstaði til að kíkja aðeins í sólina
og var það alveg dásamlegt.“
Hvað kom skemmtilega á óvart í sumar?
„Hvað það er dásamlegt að vera amma og þetta
veður kemur alltaf á óvart!“
Áttu þér uppáhaldsstað til að sækja heim innan-
lands?
„Margir fallegir staðir út um allt land, engin
kannski uppáhalds en Keflavíkin er alltaf best.“
Hvernig myndir þú skipuleggja góða dagsferð
með gesti á Suðurnesjum?
„Það fer auðvitað eftir hvort það væru börn með
eða ekki. Leiksvæðið við Gerðaskóla heillar marga
litla fætur, Skessuhellirinn og Duushúsin, Rokk-
safnið og Vatnaveröld. Svo væri líka bara gaman
að taka göngu á Þorbjörn, kíkja til Höllu og fara í
Bláa lónið.“
Hver er tilfinningin fyrir haustinu og komandi
vetri?
„Góð, alltaf gleði og gaman þegar skólastarfið er að
byrja. Við erum að fá aftur skólarými sem er búið
að endurnýja vegna myglu og erum að fá nýjar
kennslustofur með stækkun skólans þannig að
þetta lítur allt vel út.“
Hver eru stærstu málin í þínum skóla um þessar
mundir?
„Við erum m.a. að innleiða velferðarkennslu,
tæknisvæði og bræðing sem er samþætting á
námsgreinum á unglingastigi. Einnig erum við
að prófa okkur áfram með að breyta hinni hefð-
bundnu stundaskrá í meira flæði í náminu. Við
erum búin að taka út hefðbundnar frímínútur
hjá 1. til 6. bekk og í staðin fara nemendur í nesti
og svo hreyfistundir með kennurum þegar það
hentar á hverjum degi. Það er mikil þróun í gangi
hjá okkur. Innleiðing tekur tíma og því þarf að gefa
þessu öllu svigrúm.“
Helga Hildur Snorradóttir
er skólastjóri Holtaskóla í
Reykjanesbæ og mikil hesta-
og göngukona. Það kemur
því ekki á óvart að hesta-
ferð og gönguferðir séu
ofarlega á listanum hennar
yfir skemmtilegheit í sumar.
Skólastarfið leggst vel í hana.
Hvernig varðir þú sumarfríinu?
„Sumarið var ansi ljúft þrátt fyrir
sólarleysi hér á suðvesturhorninu.
Það markverðasta sem ég gerði var
að fara í fimm daga hestaferð með
góðum vinum. Við fórum svokall-
aðan Tindfjallahring að Fjallabaki.
Ég fór í tvær fjallgöngur, sú fyrri
var tveggja daga ganga á Hengils-
svæðinu í roki og rigningu með
æskuvinkonunum. Seinni gangan
var dagsferð að Grænahrygg.
Mögnuð ganga og landslagið stór-
fenglegt, algjört náttúruundur. Ég
fór síðan í frekar óvænta helgarferð
í góða veðrið á Akureyri. Ég var að
bugast á sólarleysinu einn föstudag
í ágúst og í hádeginu hringdi ég
í eiginmanninn og bað hann um
að skutlast með mér norður yfir
helgina sem hann var að sjálfsögðu
til í.“
Áttu þér uppáhaldsstað til að
sækja heim innanlands?
„Ég á svo sem ekki neinn uppá-
haldsstað en Grænihryggur er
magnaður og það er einstaklega
fallegt í Ásbyrgi, Stuðlagili, Þórs-
mörk og á Húsavík. Merkigil í
Skagafirði og Löngufjörur eru staðir
sem standa upp úr í hestaferðum.“
Hvernig myndir þú skipuleggja
góða dagsferð með gesti á Suður-
nesjum?
„Ég myndi eflaust bjóða mínum
gestum í hesthúsið og í góðan
reiðtúr á Mánagrund. Ef svo ólík-
lega vildi til að viðkomandi hefði
ekki áhuga á að fara á hestbak með
mér þá er ganga um fallegu strand-
leiðina okkar í Reykjanesbæ mjög
skemmtileg. Heimsækja Siggu
skessu í leiðinni og fara jafnvel rúnt
út á Garðskaga og Stafnesið. Gosið í
Fagradalsfjalli kemur líka sterkt inn
og þá væri ekki amalegt að enda í
Bláa lóninu.“
Hver eru stærstu málin í þínum
skóla um þessar mundir?
„Við í Holtaskóla byrjum nýtt
skólaár af krafti og erum full af
bjartsýni og vonumst til að skóla-
árið verði sem eðlilegast. Við erum
m.a. að byrjað að vinna í því að
uppfæra skólastefnu Holtaskóla í
tengslum við nýja menntastefnu
Reykjanesbæjar. Einnig erum við
að byrja með svokallaðar smiðjur á
yngsta- og miðstigi og það verður
gaman að fylgjast með verkefninu
vaxa og þróast. Á unglingastigi
höldum við áfram að þróa sam-
þættingu námsgreina með áherslu
á tækni. Þar eru nemendur m.a. að
nýta sér hlaðvarp og myndvinnslu
í kennslustundum.“
Eysteinn Þór Kristinsson er nýráðinn skólastjóri Grunnskóla Grinda-
víkur en hann hefur alið manninn í Neskaupstað alla tíð. Er nú kominn
í „heitasta“ bæjarfélagið á landinu og segist hafa fengið mjög góðar
móttökur.
Hvernig varðir þú sumarfríinu?
„Sumarfríið að þessu einkenndist af þeim
breytingum sem áttu sér stað hjá mér. Að
ljúka störfum sem skólastjóri Nesskóla
Neskaupstað, flytja búferlum milli lands-
hluta og undirbúa mig fyrir nýtt og spenn-
andi verkefni sem skólastjóri Grunnskóla
Grindavíkur.“
Hvað kom skemmtilega á óvart í sumar?
„Ja ... kannski aðallega hversu vel mér
hefur tekist að aðlagast nýjum aðstæðum
og heimkynnum. Er fæddur og uppalinn í
Neskaupstað, fyrir utan námsárin og eitt
auka knattspyrnuár á Sauðárkróki hef ég
búið þar alla ævi.“
Áttu þér uppáhaldsstað til að sækja heim
innanlands?
„Ég er kannski svo skrýtinn en mér finnst
uppeldisstöðvarnar og fyrrum heima-
hagar, Norðfjörðurinn, alltaf fallegastur.
Hef gengið þar á alla fjallstoppa, eyðifirði
og víkur.“
Hvernig hefur gengið að koma sér fyrir í
Grindavík og hvernig líst þér á aðstæður
í þessu „heita“ bæjarfélagi?
„Það hefur gengið vel að aðlagast nýjum
stað. Ég byrjaði ásamt öðrum stjórnendum
strax í byrjun ágúst og greinilegt að þar er
öflugt teymi á ferð, aðra starfsmenn hitti
ég síðan um miðjan ágúst er þeir byrjuðu
að tínast inn. Mjög vel hefur verið tekið
á móti mér og ljóst að þessi tæplega eitt
hundrað manna vinnustaður býr yfir
miklum mannauð.“
Myndi bjóða
gestum í hest-
húsið og reiðtúr
á Mánagrund
Dásamlegt að verða amma
– Eva Björk Sveinsdóttir, skólastjóri Gerðaskóla, er spennt fyrir haustinu og nýjungum í skólastarfinu.
Helga Hildur
Snorradóttir er
skólastjóri Holtaskóla
í Reykjanesbæ:
Norðfjörðurinn
er alltaf fallegastur
– segir Eysteinn Þór Kristinsson, nýráðinn
skólastjóri Grunnskóla Grindavíkur.
12 // vÍkurFrÉttir á suðurNesJuM Í 40 ár