Víkurfréttir - 01.09.2021, Blaðsíða 21

Sterkari Suðurnes!
Oddný G. Harðardóttir og Viktor S. Pálsson.
Höfundar skipa 1. og 2. sætið á lista Samfylkingarinnar
í Suðurkjördæmi.
Vegna mikillar fjölgunar íbúa á Suður-
nesjum verður að styrkja innviði til
að takast á við aukið álag, einkum á
heilsugæslu og lögreglu.
Sérstakar áherslur Samfylkingar-
innar fyrir Suðurnes fyrir næsta kjör-
tímabil eru þessar:
Heilbrigðisþjónusta fyrir alla
Til að mæta þessum áskorunum
og tryggja góða heilbrigðisþjónustu
á Suðunesjum þarf að stórauka fjár-
magn til Heilbrigðisstofnunar Suður-
nesja, bæta húsnæði og starfsaðstöðu,
styrkja stofnunina faglega og fjölga
heilbrigðisstarfsfólki til muna.
• Ný heilsugæslustöð í Reykjanesbæ
taki til starfa strax á næsta ári og
tímasett og fjármögnuð áætlun
unnin fyrir heilsugæslu í Suður-
nesjabæ. Námsplássum fjölgað
fyrir hjúkrunar- og læknanema.
• Félagsþjónusta og heilsugæsla
vinni saman með skipulögðum
hætti í öllum sveitarfélögunum.
Dagdvalarrýmum og hjúkrunar-
rýmum fyrir eldra fólk fjölgað.
Fjölbreyttari atvinnutækifæri
Gáttin er inn í landið um alþjóðaflug-
völl á Suðurnesjum og nánast allir er-
lendir ferðamenn fara þar um. Tryggja
þarf lögreglunni og viðbragðssveitum
fjármagn til að sinna auknum verk-
efnum. Ferðaþjónusta og sjávarút-
vegur eru öflug á svæðinu en fleiri
stoðum þarf að renna undir atvinnu-
lífið.
• Bæta aðstöðu á vinsælum ferða-
mannastöðum og fjölga viðkomu-
stöðum með betra aðgengi.
• Efla nýsköpun og veita þróunar-
styrki til sprotafyrirtækja á sviði
líftækni, hugverkaiðnaðar og fram-
leiðslu heilsuvarnings og matvæla.
Fjölga störfum án staðsetningar.
• Efla listnám og fjölga störfum í
menningu og skapandi greinum.
Námsframboð og aðgengi að námi
verði bætt með stuðningi við
menntastofnanir.
• Efla lögregluembættið. Fjölga lög-
reglumönnum og bæta starfsað-
stöðu þeirra. Flytja Landhelgis-
gæsluna til Suðurnesja.
Samgöngu- og loftlagsmál
Ljúka þarf tvöföldun Reykjanes-
brautar sem fyrst og auka samvinnu
Vegagerðarinnar og sveitarfélaga um
lagningu göngu- og hjólastíga. Styrkja
flutningsgetu rafmagns með öflugri
Suðurnesjalínu.
• Efla og styrkja Keflavíkurflugvöll
sem umhverfislega, félagslega og
efnahagslega sjálfbæra miðstöð
farþegaflugs í Norður-Atlantshafi.
Endurskoða áform um byggingu
flugvallar í Hvassahrauni vegna
eldsumbrota við Fagradalsfjall og
meta Keflavíkurflugvöll sem kost
fyrir innanlandsflug.
• Hefja undirbúning að Keflavíkur-
línu, grænni tengingu milli Reykja-
víkur og Keflavíkurflugvallar.
• Ýta undir nýsköpun í umhverfis-
málum og möguleika á að skapa
verðmæti úr sorpi. Styrkja frá-
veituframkvæmdir sveitarfélaga
og tilraunir með lífrænar rotþrær.
Samfylkingin setur fjölskylduna í for-
gang með óskertum barnabótum að
meðallaunum, bættum kjörum eldra
fólks og öryrkja og aðgerðum í hús-
næðismálum. Öflugra heilbrigðiskerfi
er sérstakt áherslumál ásamt því að
renna fleiri stoðum undir atvinnulífið,
ráðast í kröftugar aðgerðir í loftslags-
málum, setja nýja stjórnarskrá aftur á
dagskrá ásamt þjóðaratkvæðagreiðslu
um umsókn um aðild að ESB. Nánar
má lesa um kosningaáherslur Sam-
fylkingarinnar fyrir landið allt á
vefnum www.xs.is.
Hver nennir pólitískum
skylmingum?
Jóhann Friðrik skrifar um heilbrigðismál og lýðheilsu.
Höfundur skipar 2. sæti á lista Framsóknarflokksins
í Suðurkjördæmi í komandi alþingiskosningum.
Það kemur mér ekki á óvart að komandi
kosningar snúist um heilbrigðismál. Í
síðasta blaði Víkurfrétta mátti líta heilar
fjórar greinar eftir frambjóðendur til Al-
þingis sem allar snerust um málaflokkinn.
Ráðherra málaflokksins síðustu fjögurra
ára fór yfir stöðuna frá sínu stjórnarhorni,
oddviti Sjálfstæðisflokksins talaði fyrir
auknum einkarekstri, oddviti Samfylk-
ingar talaði um mikilvægi hins ríkisrekna
kerfisins og frambjóðandi Miðflokks tal-
aði um afglöp heilbrigðisráðherra. Nú
væri auðvelt að ráðast á einstaka þætti
þessara greina og benda á margt sem
er ekki alveg nákvæmt eða ekki mér að
skapi en ég ætla alveg að sleppa pólit-
ískum skylmingum. Frekar ætla ég að
gera tilraun til þess að hafa greinina eins
hnitmiðaða og mér er frekast unnt og
benda á það augljósa.
Við leysum ekki málin með því að
plástra kerfið endalaust
Heilbrigðismál snúast ekki bara um
heilsugæslu eða fjölda hjúkrunarrýma.
Heilbrigðismál snúast ekki bara um fjölda
heimilislækna eða vinnuumhverfi starfs-
fólks í heilbrigðisþjónustu. Málaflokkur-
inn er ekki bara sjúkrahúsþjónusta eða
skortur á sérfræðilæknum, heilbrigðismál
snúast um heildræna heilsu okkar og það
kerfi sem við höfum byggt upp í gegnum
tíðina til þess að halda heilsu okkar sem
allra bestri yfir æviskeiðið. Heilbrigðis-
kerfið okkar er bara nokkuð gott í alð-
þjóðlegum samanburði, eini gallinn á
gjöfum Njarðar er að heilbrigðiskerfin
sem við berum okkur saman við eru ekk-
ert sérstök að flestra mati. Frakkar eru
einna hlutskarpastir út frá alþjóðlegum
mælikvörðum en það er þó samdóma
álit sérfræðinga að helsti lösturinn á heil-
brgiðisstefnum margra ríkja sé skortur
á forvörnum, samráði, teymisvinnu og
fyrirbyggjandi aðgerðum. Við leysum
nefnilega ekki málin með því að plástra
kerfið endalaust. Ok, þá vitum við það.
Bregðumst þá við.
Þar vill framsókn vera
Íslendingar verja innan við 3% af út-
gjöldum til heilbrigðismála til forvarna.
Það hljóta allir að vera sammála um það
að sú skipting er varla boðleg. Við getum
gert betur. Heilbrigðismál eiga að snúast
mun meira um að fyrirbyggja sjúkdóma
og leiðin er sú að tengja mun betur saman
velferðar-, mennta- og heilbrigðiskerfið í
því sambandi. Lengi býr að fyrstu gerð
og því verðum við að byrja á börnunum
okkar. Það er löngu sannað að ein besta
heilsufarslega forvörnin liggur í virkni,
menntun og félagslegri velferð barna. Þar
vill Framsókn vera.
Reykjanesbær hefur með stofnun lýð-
heilsuráðs tekið forystu á landsvísu og
lagt áherslu á heilsusamlegt umhverfi og
heilsueflingu íbúa. Góður stuðningur er
við þessa vegferð hjá öllum flokkum sem
eiga sæti í bæjarstjórn. Reykjanesbær var
eitt fyrsta bæjarfélagið til þess að taka
þátt í heilsueflingu 65+ og mun þessi veg-
ferð skila ríkulegum árangri þegar fram
líða stundir. Á síðasta fundi ráðsins var
ákveðið að vinna að fýsileikakönnun um
aukna hreyfingu barna í grunnskólum en
rannsóknir sýna að aukin hreyfing barna
hefur m.a. góð áhrif á líðan þeirra og
námsárangur. Framsókn ásamt samstarfs-
flokkum sínum hefur stutt við hækkun
hvatagreiðslna til íþrótta- og tómstunda-
iðkunar en bæjarfélög eru misvel sett til
þess að veita börnum sömu tækifæri á því
sviði. Ríkið þarf að koma þar á móti og
því leggur Framsókn áherslu á stuðning
við íþrótta-og tómstundastarf barna fyrir
komandi Alþingiskosningar. Það er mín
hugsjón að á endandum verði íþróttir og
tómstundir gjaldfrjálsar hér á landi. Þetta
getum við gert. Þetta getum við gert til
þess að draga úr kostnaði og efla heilsu
þjóðarinnar til framtíðar. Það er frábær
fjárfesting í fólki.
Öryggisvistun fyrir ósakhæfa
í miðri íbúðabyggð
Margrét þórarinsdóttir, bæjarfulltrúi Miðflokksins.
Félagsmálaráðuneytið hefur óskað
eftir því að í Reykjanesbæ verði
sett á laggirnar öryggisvistun fyrir
ósakhæfa einstaklinga. Byggja þarf
húsnæði og breyta skipulagsmálum
vegna þess. Málið hefur verið inn á
borði umhverfis- og skipulagssviðs.
Þann 1. júlí samþykkti bæjarráð að
vísa því til endurskoðunar á aðal-
skipulagi. Stefnt er að því af hálfu
meirihluta bæjarstjórnar að aðstaða
fyrir öryggisvistun verði í miðri
íbúðabyggð. Ég tel það mikið óráð.
Vegna eðli þessa reksturs á hann að
mínum dómi að vera í útjaðri bæjar-
ins. Málið hefur ekkert verið kynnt
fyrir íbúum Dalshverfis þar sem fyr-
irhugað er að húsnæði fyrir öryggis-
vistun verði staðsett. Vinnubrögð
meirihluta bæjarstjórnar; Fram-
sóknar, Samfylkingar og Beinnar
leiðar eru afleit í þessu máli. Í þetta
verkefni á ekki að ráðast nema fullt
samþykki íbúa á svæðinu liggi fyrir.
fyrir þig, þína fjölskyldu
og komandi kynslóðir
Betra líf
Kynning á kosningastefnu
2. sept | 20:30 | Park Inn by Radisson
Opnun kosningamiðstöðvar
3. sept | 17:00 | Hafnargata 19a
vÍkurFrÉttir á suðurNesJuM Í 40 ár // 21