Víkurfréttir - 01.09.2021, Síða 20

Öflugri heilbrigðisþjónusta
á Suðurnesjum
Svandís Svavarsdóttir. heilbrigðisráðherra.
Heilbrigðisumdæmi Suðurnesja er
fjórða fjölmennasta heilbrigðisum-
dæmið á landinu, ef horft er til fjölda
þeirra sem eru skráð á heilsugæslu-
stöðvar. Mikilvægt er að öll nauðsyn-
leg heilbrigðisþjónusta sé í boði í um-
dæminu, hún standist gæðakröfur og
njóti trausts meðal íbúa umdæmisins.
Jafnt aðgengi að heilbrigðisþjónustu er
mjög mikilvægt, og raunar eitt af mark-
miðum heilbrigðisstefnu. Því hefur á
kjörtímabilinu verið lögð áhersla á efl-
ingu og styrkingu heilbrigðisþjónust-
unnar í umdæminu.
Sterkari heilbrigðisstofnun
Heilbrigðisstofnun Suðurnesja (HSS)
sinnir heilbrigðisþjónustu í heilbrigð-
isumdæminu. Á sjúkrasviði HSS í
Reykjanesbæ er legudeild með sjúkra-
rýmum, endurhæfingarrými, slysa- og
bráðamóttaka sem opin er allan sólar-
hringinn og ljósmæðrastýrð fæðingar-
þjónusta.
Stofnunin hefur verið styrkt veru-
lega fjárhagslega á kjörtímabilinu, en
raunhækkun fjárframlaga til Heilbrigð-
isstofnunar Suðurnesja frá árinu 2014
til fjárlaga ársins 2021 nemur 17,3% á
föstu verðlagi. Sem dæmi um eflingu
verkefna innan stofnunarinnar má
nefna fjármögnun heilsueflandi heim-
sókna, styrkingu geðheilsuteyma og
álagsgreiðslur til heilbrigðisstarfsfólks
vegna Covid-19.
HSS fékk einnig 200 milljónir króna
í fjárfestingarátaki ríkisstjórnarinnar
árið 2020 og aðrar 200 á fjárlögum
árið 2021 sérstaklega til þess að vinna
að breyttri aðkomu fyrir sjúkrabíla og
til þess að gera endurbætur á innra
skipulagi húsnæðisins, en þær breyt-
ingar munu hafa mjög jákvæð áhrif á
þjónustu og aðstæður stofnunarinnar.
Í ágúst á þessu ári samþykkti ég tíma-
bundna fjölgun sjúkrarýma á HSS um
tíu rými sem er ætlað að styðja við
Landspítala vegna álags á spítalanum
tengt Covid-19. Sá stuðningur HSS er
mikilvægur og minnir okkur á að heil-
brigðiskerfið okkar er einn samfelldur
vefur þjónustu um allt land.
Heilsugæsla í lykilhlutverki
Heilsugæslan í Reykjanesbæ gegnir
lykilhlutverki í að veita fyrsta stigs
heilbrigðisþjónustu í umdæminu
en HSS rekur heilsugæslustöðvar í
Reykjanesbæ og Grindavík.
Heilsugæslan í Reykjanesbæ er nú
ein fjölmennasta stöð landsins en í lok
júlí á þessu ári voru 23.661 einstakl-
ingar skráðir á heilsugæslustöðvar á
Suðurnesjum, þ.a. 20.560 á heilsu-
gæslu Reykjanesbæjar sem sinnir auk
Reykjanesbæjar Suðurnesjabæ og
sveitarfélaginu Vogum. Mikil þörf er á
byggingu nýrrar heilsugæslustöðvar á
starfssvæði Heilbrigðisstofnunar Suð-
urnesja í Reykjanesbæ. Undirbúningur
að þeirri byggingu er þegar hafinn og
gert er ráð fyrir fjármagni vegna bygg-
ingar nýrrar heilsugæslustöðvar á fjár-
lögum ársins 2021, auk þess sem bygg-
ingin er fjármögnuð samkvæmt gild-
andi fjármálaáætlun.
Þar sem þörfin á nýrri heilsugæslu-
stöð er brýn hefur verið ákveðið að
taka tímabundið á leigu húsnæði undir
heilsugæslu, þar til byggingu nýrrar
heilsugæslustöðvar er lokið. Þannig
er hægt að bæta aðstöðu til þjónustu
hið fyrsta. Sú vinna er í undirbúningi
og vonandi opnar ný heilsugæslustöð
í leiguhúsnæði á fyrri hluta næsta árs.
Það verður löngu tímabært.
Bætt þjónusta við aldraða
Á Suðurnesjum eru nokkuð færri
hjúkrunarrými á hverja þúsund íbúa
80 ára og eldri en í hinum heilbrigð-
isumdæmunum. Við þeirri stöðu hefur
verið brugðist með undirritun samn-
ings um stækkun hjúkrunarheimilis
að Nesvöllum um 60 rými, en þar af
eru 30 ný rými. Rýmin verða komin í
rekstur árið 2024 og munu rétta hlut
Suðurnesja töluvert í þessu samhengi.
Nýlega var ákveðið að fjölga al-
mennum dagdvalarrýmum um átta í
Suðurnesjabæ og hefur SÍ verið falið
að ganga frá samningum um það við
sveitarfélagið. Fyrir liggur að þörf er
fyrir fjölgun dagdvalarrýma í heil-
brigðisumdæmi Heilbrigðisstofnunar
Suðurnesja sé horft til nýtingar þeirra
rýma sem eru fyrir hendi og mann-
fjölda í umdæminu og eins og staðan
er nú eru engin dagdvalarrými í Suður-
nesjabæ en 33 slík eru í Reykjanesbæ,
þar af fimmtán sérhæfð dagdvalarrými
fyrir fólk með heilabilun og fimm al-
menn rými í Grindavík.
Geðheilbrigðisþjónusta í nærum-
hverfi
Geðheilbrigðisþjónusta hefur verið
styrkt á marga vegu á kjörtímabilinu,
t.d. með fjölgun sálfræðinga í heilsu-
gæslu og stofnun geðheilsuteyma um
land allt.
Sem viðbragð við Covid-19 heims-
faraldi var fjármögnun geðheilbrigðis-
þjónustu styrkt um land allt um 540
milljónir árið 2020 og aftur um 540
milljónir. árið 2021. Af þessum fjár-
munum runnu þrettán milljónir til
fjölgunar sálfræðinga á HSS og þret-
tán milljónir til að fjölga stöðugildum
í geðheilbrigðisteymum. Þetta fjár-
magn var einnig nýtt til frekari aðgerða
sem gagnast umdæmi HSS, til dæmis
staða geðlæknis sem þjónar landinu
öllu með fjarþjónustu og heimsóknum
sem og aðgerðir sem Þróunarmiðstöð
íslenskrar heilsugæslu hefur verið falið
og snúa að gæðastarfi og þekkingar-
miðlun til heilsugæsla í landinu.
Efling um allt land
Á kjörtímabilinu hefur verið lögð
áhersla á eflingu heilbrigðisþjónust-
unnar um land allt. Heilbrigðisstofn-
anir og heilsugæslur um allt land hafa
verið styrktar, auk þess sem unnið
hefur verið að ýmsum verkefnum
sem hafa jákvæð áhrif á heilbrigðis-
þjónustuna um allt land, bæði í þéttbýli
og dreifbýli, borgum og bæjum. Nefna
má lækkun greiðsluþátttöku sjúkl-
inga, stofnun landsráðs um mönnun
og menntun í heilbrigðiskerfinu, sam-
þykkt heilbrigðisstefnu og breytingar
á lögum um heilbrigðisþjónustu í kjöl-
farið. Jafnt aðgengi að heilbrigðisþjón-
ustu óháð búsetu er markmið sem við
munum halda áfram að vinna að, ekki
síst á Suðurnesjum.
Framsóknar- og Sjálf-
stæðisflokkurinn fóru með
valdið til Reykjavíkur
Guðmundur Auðunsson.
Höfundur er oddviti J-lista Sósíalistaflokks Íslands
í Suðurkjördæmi.
Það er orðið ljóst að baráttan á lands-
byggðinni verður á milli sósíalískrar
byggðastefnu Sósíalistaflokksins ann-
ars vegar og gömlu landsbyggðar-
flokkanna Framsóknarflokksins og
Sjálfstæðisflokksins hins vegar. Fram-
sóknar- og Sjálfstæðisflokkurinn hafa
stjórnað landinu meira og minna frá
stofnun. Framsóknarflokkurinn tók
samvinnuhreyfingu almennings og
skildi hana eftir í rjúkandi rúst, eftir
að innvígðir Framsóknarmenn höfðu
stolið úr henni bestu bitunum eins
og Samskipum. Sjálfstæðisflokkurinn
hefur ávallt verið flokkur stórfyrir-
tækjanna og erfitt að sjá hvaða hag al-
menningur á landsbyggðinni hefur af
því að styðja þann flokk. Á vakt þess-
ara tveggja flokka hafa völd og auður
streymt frá landsbyggðinni. Ákvarð-
anir um uppbyggingu samfélagsins
eru ekki lengur teknar heima heldur
langt í burtu. Þar sem áður voru sjálf-
stæðir bæir er núna stærsti hluti fyr-
irtækjanna útibú stórfyrirtækja með
höfuðstöðvar annars staðar. Bæjarút-
gerðir voru færðar vildarvinum og
seldar úr heimabyggð og með þeim
fór kvótinn. Það er í raun ótrúlegt að
fólk í landsbyggðarkjördæmum kjósi
Framsóknar- og Sjálfstæðisflokkinn
enn. Gegn þessari eyðileggingarstefnu
teflir Sósíalistaflokkurinn fram sósíal-
ískri byggðastefnu.
Heilbrigðisþjónustuna heim
Nýfrjálshyggjuvæðing almannaþjón-
ustunnar hefur leitt til þess að heil-
brigðiskerfið er út frá reiknilíkönum
úr Excel-skjölum í stað þess að miða
þjónustuna við þörf íbúanna. Meira
og meira af þjónustunni er flutt til
Reykjavíkur og er staðan jafnvel sú
að engan geðlækni er að finna á mest-
öllu Suðurlandi. Fátækt fólk ræður illa
við að sækja slíka þjónustu til Reykja-
víkur. Fólk með börn sem þurfa sér-
staka þjónustu þurfa að vera sífellt á
ferðinni með börnin sín. Heilbrigðis-
starfsfólki er þrælað út, sérstaklega yfir
aðalferðamannatímann. Fólk gefst upp
í starfi þar sem það brennur einfaldlega
út sem síðan leiðir til enn meira álags á
þá sem eftir eru. Úr þessum vítahring
verðum við að losna. Það þarf að stór-
auka fjármagn til heilbrigðiskerfisins til
viðbótar við að byggja hátæknisjúkra-
hús í Reykjavík. Það þarfaverk má ekki
bitna á þjónustunni úti á land.
Stórfelld uppbygging óhagnaðardrif-
ins húsnæðis
Þegar herinn fór af landi brott þá eign-
aðist almenningur hundruðir íbúða á
Suðurnesjum. Það var tilvalið tækifæri
til að nota það húsnæði sem byrjun-
ina á að byggja upp félagsleg húsnæði.
Það var ekki gert heldur voru íbúð-
irnar seldar Heimavöllum fyrir slikk.
Á lánum sem ætluð voru fyrir óhagn-
aðardrifið húsnæði! Það var auðvitað
augljóst frá upphafi að leigan myndi
hækka upp úr öllu valdi, sem hún gerði.
Til viðbótar komust húsnæðisbraskar-
arnir yfir blokkir á Selfossi og í Hvera-
gerði. Þetta var gert í tíð ríkisstjórnar
Sjálfstæðis- og Framsóknarflokks, enda
eru þessir flokkar gegn félagslegum
lausnum. Gegn þessari einkavæðing-
arstefnu nýfrjálshyggjunnar teflum
við Sósíalistar fram öflugri húsnæðis-
stefnu þar sem við viljum byggja 30
þúsund óhagnaðardrifnar íbúðir út um
allt land. Það er ekki bara fólk á höfuð-
borgarsvæðinu sem býr í leiguhúsnæði,
á Suðurlandi eru fjölmargar fjölskyldur
að greiða bröskurum okurleigu. Þessu
munum við Sósíalistar breyta.
Sósíalísk landbúnaðarstefna og
gjaldfrjálst vegakerfi
Framsóknar og Sjálfstæðisflokkurinn
hafa ávallt lagt áherslu á stórbýli og
milliliði. Gegn þessu tefla Sósíalistar
alvöru landbúnaðarstefnu sem leggur
áherslu á smærri og millistór býli og
uppbyggingu fjölskyldurekinnar ferða-
þjónustu. Við viljum veita afslátt á raf-
orkuverði til gróðurhúsaræktar og setja
búsetuskyldu eða aðrar takmarkanir á
jarðir sem seldar eru. Sósíalistar hafna
algjörlega stefnu Samgönguráðherra,
Sigurðs Inga Jóhannssonar, um vega-
gjöld. Vegagjöld eru skattur á lágtekju-
fólk og fólk sem þarf að ferðast daglega
vegna vinnu. Vegir og samgöngur eru
almannagæði.
Valdið heim
Grundvallarstefna Sósíalistaflokksins
er að fá valdið og þjónustuna heim
í byggðirnar. Sósíalistaflokkurinn
er landsbyggðarflokkur og sósía lísk
byggðastefna er eitt af lykilstefnu-
málum flokksins. Ákvörðun okkar
sem kjósenda í haust er því gífurlega
mikilvæg. Kjósum því J-lista Sósíalista-
flokks Íslands í Alþingiskosningunum
25. september næstkomandi.
Fiskur og fjallagrös
Guðbrandur Einarsson,
skipar 1. sæti á lista Viðreisnar í Suðurkjördæmi
í komandi alþingiskosningum.
Lausnir og loforð frambjóðenda um at-
vinnumál, í aðdraganda kosninga, hafa
stundum verið skrautleg. Það skiptir
máli hvernig byggja á upp atvinnu og
fjölga eggjunum í körfunni. En ábyrgir
stjórnmálamenn lofa ekki stóriðju í
hvern bæ, fiskeldi í hvern fjörð og refa-
og minkarækt í hvern dal. Við þurfum
að fjölga eggjunum í körfunni, án þess
að gera lítið úr nýjum hugmyndum
með því að tala um lopapeysulið sem
ætlar þjóðinni að lifa á fjallagrösum.
Á hverju viljum við lifa?
Ný atvinnutækifæri byggjast á þeirri
sýn sem við höfum um menntamál og
hvernig henni er framfylgt. Í kjölfar
efnahagshrunsins, óx ferðaþjónustan
verulega. Við græddum á því að ís-
lenska krónan var lágt skráð og því var
ódýrt að koma til Íslands og njóta hér
þjónustu. Allt þar til íslenska krónan
styrktist, vegna þess hve margir ferða-
menn keyptu hér krónur sem hafði nei-
kvæð áhrif á allar okkar útflutnings-
greinar – og að lokum á íslenskan al-
menning.
Ferðaþjónustan er orðin ein af okkar
helstu útflutningsgreinum en til að
hafa hér fjölbreytt atvinnulíf þurfum
við meira til. Við þurfum að skapa hér
grunn fyrir mörg vel launuð störf fyrir
vel menntaða þjóð. Til að börnunum
okkar þyki Ísland spennandi kostur til
að búa á og það sé samkeppnishæft
þurfum við að byggja upp atvinnulíf
sem byggir á hugviti og sköpun.
Menntum börnin okkar
Menntakerfið okkar þarf að miðast að
fjórðu iðnbyltingunni og þeim breyt-
ingum sem þar verða á samfélaginu.
Við þurfum að nýta alla þá krafta sem
við höfum til að vinna að nýsköpun og
þróunarstarfi. Þar þurfum við ekki að
finna upp hjólið. Þegar Íslands var um-
sóknarríki að ESB, opnuðust t.d. alls
konar möguleikar á að sækja um í sjóði
ESB til þess að efla nýsköpun og þró-
unarstarf á Íslandi. Möguleikar sem því
miður lokuðust aftur þegar umsóknar-
ferlið var sett á ís.
Nýtum því möguleika okkur í sam-
starfi við vinaþjóðir okkar í Evrópu,
menntum börnin og sköpum þeim
vettvang til þess að vinna við það sem
þau hafa áhuga á.
Greinar og annað aðsent efni sem óskað
er að birtist í Víkurfréttum þarf að hafa
borist ritstjórn fyrir hádegi mánudags
á netfangið vf@vf.is
Fjölgun kjörstaða vegna atkvæða-
greiðslu utan kjörfundar
Þann 1. september nk. lengist opnunartími á sýsluskrifstofunni í Reykjanesbæ og kjörstaðir
verða opnaðir í Sveitarfélaginu Vogum og Suðurnesjabæ, í samstarfi við sveitarstjórnir.
Því verður unnt að kjósa utan kjörfundar á eftirfarandi tímum og stöðum:
Í Reykjanesbæ, að Vatnsnesvegi 33:
• virka daga til 31. ágúst frá kl. 08:30
til 15:00
• virka daga frá 1. september til 24.
september frá kl. 08:30 til 19:00
• alla laugardaga í september frá kl.
10:00 til 14:00.
Í Suðurnesjabæ, að Sunnubraut 4,
Garði (bæjarskrifstofunni)
• virka daga frá 1. september til 24.
september frá kl. 09:30 til 15:00,
nema á föstudögum til kl. 12:30.
Í Grindavík, að Víkurbraut 25:
• virka daga til 17. september frá kl.
08:30 til 13:00
• dagana 20. september til 24. septem-
ber frá kl. 08:30 til 18:00.
Í Sveitarfélaginu Vogum, að Iðndal 2
(bæjarskrifstofunni)
• virka daga frá 1. september til 24.
september frá kl. 08:30 til 15:30,
nema á föstudögum til kl. 12:30.
Kjósendur skulu framvísa gildum skilríkjum við kosninguna.
Atkvæðagreiðsla á sjúkrahúsum og hjúkrunar- og dvalarheimilum aldraðra fer fram dag-
ana 20. til 24. september nk. skv. nánari auglýsingu á viðkomandi stofnun.
Þeir kjósendur sem uppfylla skilyrði til að greiða atkvæði í heimahúsi og óska eftir að nýta
sér þann rétt skulu sækja um það skriflega til sýslumanns, eigi síðar en
kl. 10:00 fimmtudaginn 23. september nk.
30. ágúst 2021
Ásdís Ármannsdóttir, sýslumaður.
20 // vÍkurFrÉttir á suðurNesJuM Í 40 ár