Sjálfsbjörg - 01.07.1996, Side 5

Við setningu Sjálfsbjargarþings. Þrír lykilmenn frá Sjálfsbjörg á höfuðborgarsvæðinu, f.v.: Sigurður
Björnsson, Hannes Sigurösson og Arnór Pétursson.
vanda vegna fötlunar hafi mannsæm-
andi framfærslu. Æ oftar, í ræðu, riti, og
með laga- og reglugerðarbreytingum,
hafi stjórnmálamenn sýnt af sér það
miskunnarleysi, að hætta að viður-
kenna, þann umframkostnað sem hlýst
af fötlun.
Arið 1971 þegar tekjutryggingu var
komið á, var hún hugsuð sem tímabund-
in ráðstöfun til að brúa það bil, sem
myndaðist þar til að lífeyrissjóðir færu
að greiða mannsæmandi eftirlaun til
þeirra sem unnið hefðu 35 til 40 ára
starfsævi. Þar var ekki hugað að öryrkj-
um sérstaklega, sem eiga oft og tíðum
mun styttri ef þá nokkra starfsævi á al-
mennum vinnumarkaði. Síðan þá hefur
vægi lífeyrisins - ár frá ári - alltaf
minnkað en vægi tekjutryggingar í
framfærslunni aukist. Félags- og efna-
hagslegur aðbúnaður öryrkja er í mörgu
tilliti mun erfiðari en annarra þjóðfé-
lagshópa. Sjálfsbjörg hefur bent á þá
staðreynd í áraraðir.
Að lokum sagði Guðríður það kröfu
Sjálfsbjargar, landssambands fatlaðra,
að örorkulaun verði ætíð greidd af rík-
inu, þannig að aldrei komi til þess, eins
og hjá nágrannaþjóðum okkar, að fatl-
aðir gerist flökkufólk á milli sveitarfé-
laga.
Nýtt félag í Sjálfsbjörg
Að þingsetningu lokinni fluttu þing-
fulltrúar sig um set í Hátún 12 og hófu
venjubundin þingstörf. Meðal þess
fyrsta sem tekið var fyrir var umsókn
Félags heilablóðfallsskaðaðra um inn-
göngu í Sjálfsbjörg, lsf. Var hún sam-
þykkt einróma og markar þessi inn-
ganga nokkur tímamót því FHBS er
fyrsta félagið sem gengur í Sjálfsbjörg,
landssamband fatlaðra sem ber ekki
nafnið Sjálfsbjörg. Fulltrúar Félags
heilablóðfallsskaðaðra á þessu fyrsta
Sjálfsbjargarþingi félagsins voru Hjalti
Ragnarsson og Haraldur Steinþórsson.
Kristín Jónsdóttir formaður kjör-
bréfanefndar gerði síðan grein fyrir
störfum nefndarinnar. Kjörbréf voru frá
12 félögum en vantaði frá 4 félögum:
Vopnafirði, Vestmannaeyjum, Stykkis-
hólmi og Höfn í Hornafirði.
Að vanda fluttu formaður, Guðríður
Olafsdóttir, og framkvæmdastjóri, Sig-
urður Einarsson, skýrslu um starfið frá
síðasta þingi árið 1994 en á þessum
tíma hefur stórt skarð verið höggvið í
raðir Sjálfsbjargar við sviplegt fráfall
Jóhanns Péturs Sveinssonar, sem lést
hinn 5. september 1994. Farið var yfir
ársreikninga sambandsins og auk þess
fluttar skýrslur um starfsemina á Vinnu-
og dvalarheimili Sjálfsbjargar. Kom
fram tillaga frá starfsmönnum VDS um
að breyta nafni þess í Sjálfsbjargar-
heimilið og var hún samþykkt sam-
hljóða áður en þingstörfum lauk.
Nokkrar tillögur að lagabreytingum
voru bornar upp og sumar samþykktar
en aðra felldar, eins og gengur og gerist.
Einna mestar umræður urðu um tillögu
framkvæmdastjórnar um að opna sam-
tökin, þannig að ófatlaðir gætu setið í
stjómum og nefndum á vegum samtak-
anna til jafns við fatlaða, þó með á-
kveðnum fyrirvörum. Ekki náði þessi
tillaga fram að ganga í þetta sinn og var
ákveðið að fresta frekari umræðum um
þetta mál a.m.k. fram að næsta þingi
eftir tvö ár.
Framkvæmdastjórn
Þá var kosið í framkvæmdastjóm og
nefndir á vegum landssambandsins.
Formaður framkvæmdastjómar var kos-
inn einróma Guðríður Olafsdóttir. Vara-
formaður er Birna Frímannsdóttir, Ar-
nessýslu; gjaldkeri Ragnar Gunnar Þór-
hallsson, Reykjavík; ritari Sigurður
Björnsson, Reykjavík og meðstjórnandi
Baldur Bragason, Akureyri. Varamenn
voru kosnir Björg Kristjánsdóttir, Bol-
ungarvík, Kolbrún Dögg Kristjánsdóttir,
Reykjavík og Guðmundur Magnússon,
Reykjavík.
Síðan voru kosnir fulltrúar í 19
nefndir á vegum Sjálfsbjargar og stjórn-
ir annarra samtaka og fyrirtækja sem
Sjálfsbjörg á aðild að. Alls voru þetta
um 60 manns og er lista yfir þá að finna
í septemberblaði Klifurs 1996.
Stefna borgarinnar í
málefnum fatlaðra
Þrír fyrirlesarar fluttu erindi um hin
ólíkustu málefni:
SJÁLFSBJÖRG ©