Fréttablaðið - 02.03.2022, Blaðsíða 28

www.husgagnahollin.is
Sími: 558 1100
Fyrir lifandi
heimiliAF ÖLLUM SÓFUM
OG STÓLUM*
TAX
FREE
2. - 7. MARS
* Taxfree tilboðið gildir af öllum sófum og stólum
nema sérpöntunum og Skovby.
Afsláttur jafngildir 19,35% afslætti. Að sjálfsögðu fær
ríkissjóður virðisaukaskatt af söluverði. Afslátturinn er
alfarið á kostnað Húsgagnahallarinnar.
SCOTT
Hornsófi úr sterku koníaksbrúnu bonded leðri
(leðurblöndu). Sterkir fætur úr svörtu járni.
Hægra eða vinstra horn (ekki færanlegt).
Stærð: 293 x 217 x 85 cm.
225.812 kr. 279.990 kr.
FRÉTTIR, FÓLK &
MENNING
á Hringbraut
Dýpra reyndist á ljósmyndum
frá löngu liðnum öskudögum
en ráð var fyrir gert þegar
Fréttablaðið freistaði þess að
fá fullorðin öskudagsbörn
til þess að deila minningum
sínum með alþjóð. Enda öll
þau sem leitað var til komin af
léttasta grímubúningaskeiði
áður en snjallsímavæðingin
leysti filmumyndavélar og
framköllun af hólmi.
odduraevar@frettabladid.is
toti@frettabladid.is
Ragnhildi Steinunni, Manuelu Ósk,
Birgittu Líf og Laufeyju Haraldsdótt-
ur tókst þó af harðfylgi og útsjónar-
semi að grafa upp gamlar myndir af
til dæmis ljóni, engli, lítilli mús og
hjúkrunarfræðingi með Madonnu-
klippingu sem staðfesta rækilega að
heimagerðir búningar rúma mikla
gleði og ljúfar æskuminningar ekk-
ert síður en Marvel- og Disney-hetjur
og uppblásin furðufyrirbæri. ■
Öskudagsminningar fyrir
tíma Marvel og snjallsíma
Alltaf elskað engla
Birgitta Líf Björnsdóttir
„Ég hef alltaf elskað engla og
verið mikill engill sjálf. Þetta
á því vel við mig enn þann dag
í dag,“ segir Birgitta Líf sem
heldur að hún hafi verið níu
ára gömul þegar hún skartaði
þessum öskudagsbúningi.
Alltaf elskað öskudaginn
Laufey Haraldsdóttir
„Ég hef alltaf elskað öskudag-
inn því mér finnst svo gaman
að vera í búningi. Ég man að
ég var mjög fúl að vinna ekki
búningakeppnina þegar ég var
næturdrottningin,“ segir Laufey
sem gat betur og töfraði fram hvorki
fleiri né færri en fjórar öskudagsmyndir.
„Hér koma krúttlegustu myndir af mér í heimin-
um!“ segir hún um myndirnar þar sem hún birtist
sem tveggja ára mús, þriggja ára kanína, fjögurra
ára álfaprinsessa og sjö ára næturdrottningin sem
missti af verðlaununum.
Ég heiti Manuela, ég er ljón
Manuela Ósk Harðardóttir
„Þetta er ljón, augljóslega,“ segir Manuela við
heldur kjánalegri spurningu um hvort þarna hafi
verið á ferðinni köttur eða ljón. Hún telur öruggt
að hún hafi verið níu ára þegar myndin var tekin.
Hjúkrunarfræðingur með Madonnu-klippingu
Ragnhildur Steinunn Jónsdóttir
„Sko, ástæðan fyrir að ég er snoðuð fjögurra
ára gömul er sú að ég fékk Madonnu-plötuna á
heilann 1983. Hlustaði á Holiday, Borderline og
öll þessi lög daginn út og daginn inn og heimtaði
að vera stutthærð eins og átrúnaðargoðið,“ segir
Ragnhildur Steinunn Jónsdóttir sem féll ung fyrir
tónlist Madonnu af fyrstu plötu poppdívunnar.
„Af klippingunni að dæma hefur þetta líklegast verið
„hjemmelavet“ en við fjölskyldan bjuggum í Danmörku á þessum
tíma þar sem foreldrar mínir voru
í námi,“ segir Ragnhildur Steinunn
og bætir við að eftir að næsta
plata Madonnu, Like a Virgin, kom
út hafi ekki verið aftur snúið.
„Ég er nokkuð viss um að dans-
spor frumburðar foreldra minna
hafi valdið þeim töluverðum
áhyggjum af því sem koma skyldi
og örugglega nokkuð góð ástæða
fyrir því að þau töldu mig af því að
vera Madonna þennan öskudag
og sannfærðu mig um að snoð-
aður hjúkrunarfræðingur væri
töff.“
„Ekki eru myndgæðin mikil en fjögurra ára gömul var ég snoðaður hjúkrunar-
fræðingur,“ segir Ragnhildur Steinunn. MYND/AÐSEND
24 Lífið 2. mars 2022 MIÐVIKUDAGURFRÉTTABLAÐIÐLÍFIÐ FRÉTTABLAÐIÐ 2. mars 2022 MIÐVIKUDAGUR