Morgunblaðið - 04.02.2022, Page 4

4 FRÉTTIR
Innlent
MORGUNBLAÐIÐ FÖSTUDAGUR 4. FEBRÚAR 2022
IB ehf | Fossnes A | 800 Selfoss | ib.is
Nánari upplýsingar ib.is
Ábyrgð og þjónusta fylgir öllum nýjum bílum frá IB
Sími 4 80 80 80
25 ára reynsla
INNFLUTNINGUR AF NÝJUM
OG NOTUÐUM BÍLUM
VERKSTÆÐI
VARAHLUTIR
Ragnheiður Birgisdóttir
ragnheidurb@mbl.is
Skólameistari Hússtjórnarskóla
Reykjavíkur, Margrét Dóróthea Sig-
fúsdóttir, lætur af störfum í byrjun
sumars og hefur staða skólameist-
ara því verið auglýst laus til um-
sóknar. Margrét hefur stýrt skól-
anum síðan árið 1998 og því verða
viðbrigði fyrir hana að segja skilið
við skólann. „Þetta er óskaplega
skrýtið en það er kominn tími á að
hætta að vinna. Ég verð 75 ára núna
í ár,“ segir skólameistarinn.
Hún segir að árin í Hússtjórnar-
skólanum hafi verið skemmtileg og
gefandi. „Það er líka svo gott að
vakna á hverjum morgni og hlakka
til að fara í vinnuna. Það er óskap-
lega gaman að vera með ungu og
áhugasömu fólki. Það er bara ynd-
islegt. Húsið er líka svo fallegt og
það er svo góður andi í því.“ Skólinn
er til húsa á Sólvallagötu 12.
Námið við Hússtjórnarskólann
segir Margrét að geti nýst mörgum.
„Þetta er ekki bara til þess að verða
húsmóðir, þetta er til þess að geta séð
um sjálfan sig og vera sjálfum sér
nægur. Allir þurfa að borða hollan
mat en hvar eiga þeir að læra það?
Maður þarf líka að læra að hugsa um
fötin sín. Svo lærir maður að sauma,
vefa og prjóna,“ segir hún.
„Ég vona að við fáum góðan
skólastjóra sem er með áhugann og
ákveðna sýn á þetta nám og þróun
þess. Það verða náttúrulega alltaf
breytingar með nýju fólki. Ég vona
líka að skólinn fái pening til þess að
endurnýja og laga húsið. Það er orð-
ið illa farið.“
Skólinn hefur starfað óslitið frá 7.
febrúar 1942 og á skólinn því 80 ára
starfsafmæli á mánudag, 7. febrúar
2022.
Margrét segist á þessum tímamót-
um þurfa að læra að vera löt. „Mað-
ur er búinn að vinna fulla vinnu síð-
an 1967 og þá er skrýtið að hætta
allt í einu að vinna.“ Hún lýkur störf-
um 1. júní og þá er förinni heitið í
sumarbústað. „Ég ætla að njóta þess
að vera til. Svo hef ég gaman af því
að prjóna og lesa svo núna fer mað-
ur bara að gera meira af því. Mér
finnst það hljóma vel.“
Þarf að læra að vera löt
Morgunblaðið/Ásdís
Skólameistarinn Margrét hefur stjórnað Hússtjórnarskólanum síðan 1998
en hyggst njóta lífsins í sumarbústað sínum þegar hún lætur af störfum.
- Skólameistari
lætur af störfum
Alls voru ríflega 141 þúsund úti-
standandi fasteignalán hjá heimilum
landsins í september síðastliðnum,
samtals 2.127 milljarðar kr., og voru
rúmlega 38 þúsund þessara lána, að
fjárhæð 531 milljarður kr., verð-
tryggð með jöfnum greiðslum og
föstum vöxtum.
Heldur færri fasteignalán neyt-
enda, eða um 35.501 (605 milljarðar
kr.), voru á sama tíma óverðtryggð á
jöfnum greiðslum en með breytileg-
um vöxtum.
Þessar upplýsingar koma fram í
svari fjármála- og efnahagsráðherra
á Alþingi við fyrirspurn Ásthildar
Lóu Þórsdóttur, þingmanns Flokks
fólksins, um skuldir heimila við fjár-
málafyrirtæki.
Svörin eru byggð á upplýsingum
Seðlabankans og ná til útistandandi
fasteignalána Arion banka, Íslands-
banka, Landsbanka, Íbúðalánasjóðs
og níu lífeyrissjóða, sem eru með vel
yfir 95% allra fasteignlána á landinu.
Skipting fasteignalána lands-
manna eftir tegunum leiðir einnig í
ljós að ríflega 20 þúsund lán eru verð-
tryggð með jöfnum greiðslum og á
breytilegum vöxtum (samtals 356
milljarðar kr.) og tæplega 19 þúsund
fasteignalán eru óverðtryggð lán með
jafnar greiðslur og fasta vexti (sam-
tals 382 milljarðar kr.).
Þegar heildarskuldir heimilanna
við fjármálafyrirtæki og lífeyrissjóði
eru sundurgreind kemur í ljós að
skuldir með veði í íbúðarhúsnæði
voru alls um 2.159 milljarðar í sept-
ember sl., þar af voru rúmlega 1.117
milljarðar óverðtryggð lán en 1.041
milljarður verðtryggð.
Verðtryggð fasteignalán
með fasta vexti eru algengust
- Fasteignalán heimilanna ríflega 141 þúsund talsins
Vetrarhátíð 2022 hófst í Reykjavík í gærkvöldi
og stendur fram á sunnudag. Áhersla er lögð á
ljóslistaverk utandyra og á útilistaverk. Svo-
nefnd Ljósaslóð verður í lykilhlutverki en það er
slóð rúmlega 20 ljóslistaverka sem liggur um
miðborgina frá Hallgrímskirkju til Ráðhússins á
kvöldin frá klukkan 18.30 til 22 meðan hátíðin
stendur yfir. Er ljósaslóðin unnin í samvinnu við
hina seyðfirsku hátíð List í ljósi.
Vetrarhátíð hafin í Reykjavík
Morgunblaðið/Arnþór
Dylan, Óríon, Lucy og Telekía eru á
meðal þeirra eiginnafna sem hafa
fengið grænt ljós hjá mannanafna-
nefnd. Sömuleiðis hafa kynhlutlausu
nöfnin Norður og Ragn fengið sam-
þykki. Karlmenn mega núna heita
Dylan, Óríon og Matheo og konur
mega heita Telekía, Ástmarý og Lucy.
Beiðni um kvenkyns eiginnafnið Ýda
var aftur á móti hafnað, en úrskurðir
nefndarinnar voru nýlega birtir.
Í ákvörðuninni vegna nafnsins Dyl-
an reyndi á skilyrði nefndarinnar,
miðað við að nafnið sé borið fram með
enskum hætti, og væri þá „eðlileg ís-
lensk stafsetning“ Dillan. Manna-
nafnanefnd taldi þó ekki hægt að gefa
sér þær forsendur að framburður
nafnsins yrði þannig. Var nafnið því
samþykkt og fært á mannanafnaskrá.
Einnig var tekin fyrir endur-
upptökubeiðni vegna karlkyns eig-
innafnsins Eldhamars. Ástæða beiðn-
innar var sú að í upphaflegri umsókn
sinni hafði úrskurðarbeiðandi óskað
eftir að taka upp nafnið Eldhamar
sem millinafn. Síðar kom í ljós að
hann gat ekki borið það sem milli-
nafn. Því var óskað eftir því að
mannanafnanefnd tæki málið upp aft-
ur og fjallaði um nafnið Eldhamar
sem eiginnafn. Samþykkti nefndin
beiðnina. Millinafnið Eldhamar var
jafnframt tekið af mannanafnaskrá.
Nöfn fá
grænt ljós
- Óríon, Matheo,
Telekía og Ástmarý