Morgunblaðið - 04.02.2022, Blaðsíða 9

FRÉTTIR 9Innlent
MORGUNBLAÐIÐ FÖSTUDAGUR 4. FEBRÚAR 2022
Funahöfði 1 | 110 Reykjavík | Sími 567 4840 | www.bilo.is | bilo@bilo.is
Komdu í BÍLÓ!
M.BENZ EQC 400 4MATIC POWER 2021
Nýskráður 12/2020, ekinn aðeins 10 Þ.km, rafmagn (408 km drægni), sjálfskiptur, fjórhjóladrifinn.
Alveg hlaðinn aukabúnaði s.s. AMG-line bæði innan og utan. Sjónlínuskjár, 20“ álfelgur, rafdrifin framsæti,
skynvæddur hraðastillir, 360° bakkmyndavél. BURMESTER hljómkerfi o.fl. Raðnúmer 253703
VERÐ11.790.000
Laugavegi 178, 105 Reykjavík | Sími 551 3366 | misty.is
Opið virka daga kl. 11-18, laugardaga kl.11-15
NÝ SENDING AF
BRA30
Toppar og bolir úr þéttu
supima bómull.
Efnið virkar þannig að óþarfi er að
vera í haldara undir.
4 snið í boði
Verð frá: 6.950,-
Samráðsnefnd Vesturbyggðar og
Tálknafjarðarhrepps kom saman
til fundar í vikunni þar sem álykt-
að var um samgöngur á svæðinu.
„Á sama tíma og Vestfirðir eru
auglýstir sem einn af eftirsóknar-
verðustu áfangastöðum heimsins
sumarið 2022, þá eru samgöngu-
innviðir á sunnanverðum Vest-
fjörðum ónýtir og að helstu nátt-
úruperlum Vestfjarða, eins og
Látrabjargi og Rauðasandi, liggja
úr sér gengnir malarvegir,“ segir
m.a. í ályktuninni.
Samráðsnefndin er vettvangur
sveitarfélaganna tveggja til að
fjalla um ýmis mál og hagsmuni
sem sveitarfélögin tvö eiga sam-
eiginleg. Í nefndinni sitja þrír
kjörnir fulltrúar úr bæjarstjórn
Vesturbyggðar og tveir úr sveit-
arstjórn Tálknafjarðarhrepps.
Leggur nefndin áherslu á að við
endurskoðun samgönguáætlunar
verði samgönguinnviðir á sunn-
anverðum Vestfjörðum bættir.
Svæðið hafi setið á hakanum um
áratugaskeið þegar kemur að
vegaframkvæmdum. Þrátt fyrir að
framlög til vegaframkvæmda á
Vestfjörðum í heild sinni hafi auk-
ist hafi sunnanverðir Vestfirðir
setið eftir.
Tekið er dæmi um veginn um
Mikladal, hann sé ónýtur, siginn
og vegaxlir illa farnar. Bent er á
að síðustu þrjá mánuði hafi orðið
þarna fjórar bílveltur en þessi kafli
sé fjölfarnasti vegur Vestfjarða.
Hefja þurfi undirbúning að jarð-
göngum undir Mikladal og Hálf-
dán.
Samgönguinnviðir ónýtir
- Samráðsnefnd Vesturbyggðar og Tálknafjarðar ályktar
Elín Björk Jónas-
dóttir, formaður
Reykjavíkur-
félags Vinstri-
grænna og hóp-
stjóri veður-
þjónustu Veður-
stofu Íslands,
býður sig fram í
fyrsta sæti í for-
vali VG í Reykja-
vík fyrir kom-
andi kosningar. Líf Magneudóttir,
oddviti VG í Reykjavík, og Elín
Oddný Sigurðardóttir varaborgar-
fulltrúi sækjast einnig eftir því að
leiða listann. Ljóst er því að bar-
áttan um oddvitasætið gæti orðið
spennandi. Meðan á forvali stendur
mun Elín stíga til hliðar sem for-
maður Reykjavíkurfélags Vinstri-
grænna.
Elín Björk í slaginn
hjá VG í Reykjavík
Elín Björk
Jónasdóttir
Róbert Zakarías-
son, 45 ára sjálf-
stætt starfandi
listamaður,
fæddur í Pól-
landi, gefur kost
á sér í 3. sæti í
forvali Samfylk-
ingarinnar í
Kópavogi.
Hann hefur
unnið ýmis störf
síðan hann fluttist til Íslands 19 ára
að aldri. Róbert hefur búið í Kópa-
vogi sl. 14 ár ásamt dóttur sinni.
Hann segir að vistfræði og um-
hverfisvernd séu sér afar mikilvæg,
einnig málefni ungs fólks. Hlusta
þurfi á raddir ungra borgara við
uppbyggingu Kópavogs. Þá þurfi
að heyrast raddir frá fleiri menn-
ingarsvæðum og fulltrúum þeirra.
Róbert sækist eftir
3. sæti í Kópavogi
Róbert
Zakaríasson
2022
Sólrún Lilja Ragnarsdóttir
solrun@mbl.is
Sú útreið sem starfsfólk Eflingar
fékk í fjölmiðlum af hálfu fyrrver-
andi formanns og framkvæmda-
stjóra félagsins eftir starfsmanna-
fund í lok október síðastliðins hefur
haft alvarleg áhrif á líðan þess. Mikil
vinna er fram undan við að byggja
upp öryggi og traust gagnvart
stjórnendum og samstarfsfólki.
Þetta er meðal þess sem kemur
fram í niðurstöðum vinnustaðagrein-
ingar sem sálfræði- og ráðgjafarstof-
an Líf og sál vann fyrir Eflingu. Þar
lýsa 90 prósent starfsfólks á skrif-
stofu Eflingar vanlíðan vegna fram-
komu fyrrverandi stjórnenda.
Skýrslan var kynnt á starfsmanna-
fundi í gærmorgun.
Í niðurstöðum og samantekt
skýrslunnar er tekið fram að jákvæð
samskipti og almenn kurteisi þurfi á
vinnustað til að tryggja jákvætt sál-
rænt öryggi og góðan starfsanda.
Stjórnendur þurfi að vera til fyrir-
myndar þar og stíga inn í og leysa
samskiptavanda eða leita utanað-
komandi aðstoðar. Fyrrverandi for-
maður og framkvæmdastjóri hafi
hins vegar brugðist þeim skyldum.
„Notaðar voru ógagnlegar og nei-
kvæðar aðferðir til að mæta kvört-
unum og vanlíðan starfsfólks. Jók
það á vandann og endaði með algjöru
rofi á trausti á fundi í okt. sl. og
vegna umfjöllunar fyrrverandi
stjórnenda í kjölfar hans,“ segir í
niðurstöðum skýrslunnar.
Þá kemur fram að Viðar Þor-
steinsson, fyrrverandi fram-
kvæmdastjóri, hafi brugðist í hlut-
verki sínu sem stjórnandi á skrif-
stofunni. Flestir hafi lýst honum sem
hvössum og ósveigjanlegum og
nokkrar konur lýstu upplifun sinni af
kvenfyrirlitningu. Þá hafi einhverjir
upplifað eða orðið vitni að kynbund-
inni áreitni og mismunun af hálfu
Viðars.
Nokkrir töldu einnig, að því er
fram kemur í skýrslunni, að bæði
Viðar og Sólveig Anna Jónsdóttir,
fyrrverandi formaður Eflingar,
hefðu lagt einhverja á vinnustaðnum
í einelti og beitt andlegu ofbeldi með
misbeitingu valds og stöðu. Viðar
hefði þó verið oftar nefndur í þessu
samhengi en gjarnan hefði verið tal-
að um að hann hefði verið í skjóli for-
manns.
Þá kemur fram í skýrslunni að
ánægja sé með hvernig leyst var úr
þeim stjórnunarvanda sem kom upp
í október. Flestir lýsa betri líðan en
áður og segja hópinn þéttari og
sterkari. Jafnframt er ánægja með
samskipti við núverandi formann og
varaformann, sem séu skilningsrík-
ari og njóti því meira trausts.
Segir ásakanir ósannar
Viðar Þorsteinsson sendi frá sér
yfirlýsingu í gær þar sem hann segir
að ásakanir um einelti og kven-
fyrirlitningu af hans hálfu séu ósann-
ar.
„Hið rétta er að ég axlaði ábyrgð á
því hlutverki mínu sem fram-
kvæmdastjóri að gera eðlilegar kröf-
ur til stjórnenda, með hagsmuni
starfseminnar og félagsmanna Efl-
ingar í huga. Ég harma það að þessir
einstaklingar notfæri sér vanlíðan
þeirra sem upplifað hafa raunveru-
legt einelti og kvenfyrirlitningu til að
koma höggi á mig vegna ósættis sem
snýst um frammistöðu og vinnu-
brögð í starfi,“ segir meðal annars í
yfirlýsingu Viðars, sem má lesa á
mbl.is. auk fleiri frétta um málið.
Morgunblaðið/Eggert
Gagnrýnd Sólveig Anna Jónsdóttir og Viðar Þorsteinsson, fyrrverandi
stjórnendur Eflingar, eru gagnrýnd í vinnustaðagreiningu sem birt var í gær.
Stjórnendur brugð-
ust skyldum sínum
- Vinnustaðagreining á skrifstofu Eflingar