Morgunblaðið - 08.02.2022, Page 26

HANDBOLTINN
Gunnar Egill Daníelsson
gunnaregill@mbl.is
Hafnarfjarðarliðin Haukar og FH
héldu áfram sigurgöngu sinni í úr-
valsdeild karla, Olísdeildinni, í
gærkvöldi. Haukar unnu afar
sterkan útisigur á Stjörnunni og
FH lenti ekki í neinum vandræðum
með botnlið HK á heimavelli.
Í Garðabænum hófu heimamenn
í Stjörnunni leikinn af krafti og
komust í 5:2 forystu snemma leiks.
Haukar tóku þá vel við sér og skor-
uðu fjögur mörk í röð og komust
þannig yfir, 6:5, í fyrsta skiptið í
leiknum um miðbik fyrri hálfleiks.
Það sem eftir lifði hálfleiks var allt
í járnum enda staðan í leikhléi jöfn,
13:13.
Í síðari hálfleik var áfram mjótt
á munum enda náðu Haukar mest
tveggja marka forystu í honum líkt
og í þeim fyrri. Eftir æsispennandi
baráttu lengst af í hálfleiknum
reyndust gestirnir úr Hafnarfirði
hlutskarpari í blálokin og unnu að
lokum frábæran fjögurra marka
sigur, 33:29, eftir að hafa skorað
síðustu fjögur mörk leiksins.
Brynjólfur Snær Brynjólfsson
var markahæstur Hauka í leiknum
með níu mörk. Aron Rafn Eðvarðs-
son varði níu skot í marki liðsins.
Leo Snær Pétursson var þá
markahæstur Stjörnumanna, einn-
ig með níu mörk. Arnór Freyr
Stefánsson varði 12 skot í marki
liðsins og Brynjar Darri Bald-
ursson sex.
Auðvelt hjá toppliðinu
Í Kaplakrika var nokkurt jafn-
ræði með FH og HK til að byrja
með en þegar fyrri hálfleikurinn
var tæplega hálfnaður náðu heima-
menn að slíta sig frá botnliðinu.
FH komst í 6:3, HK minnkaði
muninn niður í tvö mörk en FH-
ingar skoruðu næstu þrjú mörk og
munurinn þar með orðinn fimm
mörk, 9:4. Eftir það varð ekki aftur
snúið og leiddu heimamenn með
sex mörkum í hálfleik, 17:11.
Í síðari hálfleik var talsvert jafn-
ræði með liðunum til að byrja með,
sem hentaði FH-ingum vel enda
sex mörkum yfir. Þegar líða tók á
síðari hálfleikinn sigldu FH-ingar
hins vegar enn frekar fram úr og
unnu að lokum feikilega öruggan
níu marka sigur, 33:24.
Markahæstur í liði FH var fyrir-
liðinn Ásbjörn Friðriksson með
sex mörk. Fast á hæla honum kom
svo Einar Örn Sindrason með
fimm mörk. Svavar Ingi Sig-
mundsson varði tíu skot í marki
liðsins.
Markahæstir hjá HK og í leikn-
um voru hins vegar þeir Kristján
Ottó Hjálmsson og Hjörtur Ingi
Halldórsson, báðir með átta mörk.
Eftir sigra Hafnarfjarðarliðanna
eru þau í tveimur efstu sætum
deildarinnar, bæði með 22 stig eft-
ir 14 leiki, en FH er á toppnum
með betri markatölu.
FH og Haukar
jöfn á toppnum
- Hafnarfjarðarliðin slá hvergi af
Morgunblaðið/Unnur Karen
Skot Adam Haukur Baumruk býr sig undir að skjóta að marki Stjörnunnar.
Stjörnumaðurinn Jón Ásgeir Eyjólfsson setur sig í varnarstellingar.
26 ÍÞRÓTTIR
MORGUNBLAÐIÐ ÞRIÐJUDAGUR 8. FEBRÚAR 2022
HANDKNATTLEIKUR
Úrvalsdeild karla, Olísdeildin:
Framhús: Fram – Grótta..................... 19.30
KÖRFUKNATTLEIKUR
1. deild karla:
Álftanes: Álftanes – Haukar................ 19.15
ÍSHOKKÍ
Íslandsmót kvenna, Hertz-deildin:
Laugardalur: SR – Fjölnir .................. 19.45
Í KVÖLD!
Flauta þurfti leik Vals og Þróttar í
Reykjavíkurmóti kvenna í knatt-
spyrnu af í hálfleik vegna afleitra
aðstæðna á Hlíðarenda í gær. Um
var að ræða uppgjör toppliðanna
tveggja í mótinu þar sem efsta sæt-
ið í mótinu var undir.
Staðan var 2:0, gestunum í Þrótti
í vil, í hálfleik áður en hætta þurfti
leik vegna gífurlegrar snjókomu og
hvassviðris. Andrea Rut Bjarna-
dóttir og Ólöf Sigríður Kristins-
dóttir skoruðu mörk Þróttar.
Ekki liggur fyrir hvenær eða
hvort leiknum verði haldið áfram.
Ekki hægt að
halda leik áfram
Ljósmynd/Jón Helgi Pálmason
Efni Andrea Rut var búin að skora
fyrir Þrótt áður en leik var hætt.
Egypski sóknarmaðurinn Mohamed
Salah sneri aftur til Englands í gær
og hyggst hefja æfingar að nýju
með Liverpool í dag þó hann hafi
einungis lokið þátttöku sinni með
Egyptalandi á Afríkumótinu í
knattspyrnu á sunnudag. Vill hann
ná leik Liverpool gegn Leicester
City í ensku úrvalsdeildinni á
fimmtudagskvöld.
Salah spilaði manna mest á Afr-
íkumótinu, 750 mínútur auk upp-
bótartíma í sjö leikjum á tæpum
mánuði þar sem fjórir leikjanna
enduðu í framlengingu.
Salah ann sér
ekki hvíldar
AFP
Tap Salah og félagar í Egyptalandi
töpuðu úrslitaleik Afríkumótsins.
Subway-deild karla
Breiðablik – Tindastóll....................... 107:98
Þór Ak. – Vestri ................................. frestað
Valur – KR ............................................ 81:78
Staðan:
Þór Þ. 15 11 4 1434:1317 22
Njarðvík 14 10 4 1309:1153 20
Keflavík 14 10 4 1221:1155 20
Valur 14 9 5 1141:1099 18
Grindavík 14 8 6 1177:1157 16
Stjarnan 15 8 7 1355:1311 16
Tindastóll 14 7 7 1217:1263 14
Breiðablik 14 6 8 1501:1449 12
ÍR 15 6 9 1332:1350 12
KR 13 6 7 1155:1217 12
Vestri 14 3 11 1096:1222 6
Þór Ak. 14 1 13 1057:1302 2
1. deild karla
Selfoss – Hrunamenn....................... 113:103
Fjölnir – Höttur.................................. 90:107
Staðan:
Höttur 19 16 3 1936:1605 32
Haukar 16 14 2 1655:1238 28
Álftanes 18 12 6 1704:1528 24
Fjölnir 18 11 7 1647:1660 22
Sindri 18 10 8 1681:1557 20
Selfoss 17 9 8 1501:1502 18
Skallagrímur 19 8 11 1603:1675 16
Hrunamenn 19 6 13 1655:1846 12
Hamar 17 3 14 1330:1627 6
ÍA 19 1 18 1412:1886 2
NBA-deildin
Chicago – Philadelphia .................... 108:119
Minnesota – Detroit ......................... 118:105
Denver – Brooklyn ........................... 124:104
Cleveland – Indiana ............................. 98:85
Orlando – Boston................................ 83:116
Dallas – Atlanta .................................. 103:94
Houston – New Orleans................... 107:120
LA Clippers – Milwaukee................ 113:137
>73G,&:=/D
_ Jón Dagur Þorsteinsson, landsliðs-
maður í knattspyrnu, fór á kostum í
gær þegar þrír Íslendingar komu við
sögu í æfingaleik á Spáni. Danska úr-
valsdeildarliðið AGF burstaði þá
sænska úrvalsdeildarliðið Elfsborg 6:1.
Jón Dagur skoraði tvö marka AGF og
lagði upp önnur tvö. Sveinn Aron Guð-
johnsen skoraði mark sænska liðsins
og Hákon Rafn Valdimarsson varði
mark þess.
_ Brasilísku knattspyrnumennirnir
Alex Telles og Fred eru smitaðir af
kórónuveirunni og leika því ekki með
Man. Utd þegar liðið heimsækir Jó-
hann Berg Guðmundsson og félaga í
Burnley í ensku úrvalsdeildinni í kvöld.
Telles smitaðist í síðustu viku og
missti því einnig af bikarleik á föstu-
dag en Fred smitaðist um helgina og
gæti misst af einum leik til viðbótar.
_ Marc Overmars, fyrrverandi leik-
maður Arsenal og hollenska landsliðs-
ins í knattspyrnu, er hættur störfum
sem yfirmaður knattspyrnumála hjá
hollenska félaginu Ajax. Hafði hann
gegnt stöðunni í tæp tíu ár. Overmars
dró sig í hlé eftir að hafa sent sam-
starfskonum sínum hjá félaginu óvið-
eigandi skilaboð. Hann sagðist í yfir-
lýsingu á heimasíðu Ajax skammast
sín fyrir hegðun sína sem hefði verið
óafsakanleg.
Eitt
ogannað
KÖRFUBOLTINN
Gunnar Egill Daníelsson
gunnaregill@mbl.is
Valur hafði með naumindum betur
gegn KR í Reykjavíkurslag á Hlíð-
arenda og Breiðablik vann sterkan
sigur á Tindastóli í Kópavogi í úr-
valsdeild karla í körfuknattleik,
Subway-deildinni, í gærkvöld. Valur
heldur því í við efstu liðin og Blikar
styrktu stöðu sína í baráttunni um
sæti í úrslitakeppninni.
Leikur Vals og KR var jafn og
skemmtilegur. Valsmenn leiddu að
loknum fyrsta leikhluta, 21:14, en
KR-ingar voru sterkir í öðrum leik-
hluta og minnkuðu muninn niður í
aðeins eitt stig fyrir leikhlé. Staðan í
hálfleik 41:40.
Í síðari hálfleik var áfram allt í
járnum og eftir æsispennandi loka-
sekúndur náðu KR-ingar varnar-
frákasti þegar 13 sekúndur voru eft-
ir og staðan 81:78.
Gestirnir höfðu því nægan tíma til
þess að fara í eina lokasókn og
freista þess að jafna metin en
þriggja stiga skottilraun Dani Kolj-
anin geigaði á ögurstundu og Vals-
menn fóru því með nauman þriggja
stiga sigur af hólmi.
Koljanin lék annars afar vel og
náði tvöfaldri tvennu. Var hann
stigahæstur allra með 26 stig og tók
tíu fráköst. Skammt undan var
Brynjar Þór Björnsson með 22 stig.
Pablo Bertone var stigahæstur
Valsmanna með 23 stig, auk þess
sem hann tók níu fráköst. Hjálmar
Stefánsson kom næstur með 17 stig.
Ótrúlegur 44 stiga leikur
Í leik Breiðabliks og Tindastóls
voru heimamenn sterkari í fyrri
hálfleik enda leiddu þeir með átta
stigum, 57:49, í leikhléi. Í síðari hálf-
leik var allt í járnum og reyndu gest-
irnir frá Sauðárkróki hvað þeir gátu
til þess að jafna metin en þrátt fyrir
góða baráttu komust Stólarnir ekki
nær Blikum en fimm stigum, seint í
fjórða og síðasta leikhluta. Niður-
staðan því að lokum góður níu stiga
sigur Blika, 107:98.
Everage Richardson átti sann-
kallaðan stórleik fyrir Blika og skor-
aði 44 stig. Í liði Tindastóls var
landsliðsmaðurinn Sigtryggur Arn-
ar Björnsson með 24 stig auk þess
sem hann tók 9 fráköst.
Morgunblaðið/Unnur Karen
44 Richardson var óstöðvandi í sigri Breiðabliks á Tindastóli í gærkvöldi.
Valur marði KR í
Reykjavíkurslag
- Richardson leiddi Blika til sigurs