Morgunblaðið - 19.02.2022, Blaðsíða 37

ÍÞRÓTTIR 37
MORGUNBLAÐIÐ LAUGARDAGUR 19. FEBRÚAR 2022
Þegar Valsmenn töpuðu öllum
fjórum Evrópuleikjum sínum í fót-
boltanum síðasta sumar þótti
það ekkert sérstök frammistaða.
Þeir biðu lægri hlut fyrir Di-
namo Zagreb frá Króatíu, 2:3 og
0:2, og töpuðu síðan tvisvar 0:3
fyrir Bodö/Glimt frá Noregi.
Þessir leikir fóru allir fram í
júlí en núna í febrúar eru bæði
þessi lið, Dinamo Zagreb og
Bodö/Glimt enn með í Evr-
ópumótunum, í útsláttarkeppni
Evrópudeildar og Sam-
bandsdeildar.
Dinamo-menn eiga reyndar á
brattann að sækja eftir 3:1 ósigur
gegn Sevilla á Spáni en Alfons
Sampsted og samherjar hans í
norska meistaraliðinu Bodö/
Glimt skelltu skoska stórliðinu
Celtic í Glasgow í fyrrakvöld, 3:1.
Dinamo hefur í vetur m.a.
unnið West Ham á útivelli og Alf-
ons og félagar unnu ótrúlegan
sigur á José Mourinho og hans
mönnum í Roma frá Ítalíu, 6:1, í
riðlakeppninni fyrir jól.
Ævintýri Bodö/Glimt er
magnað. Liðið er frá 50 þúsund
manna bæ í norðanverðum Nor-
egi, skammt norðan við heim-
skautsbauginn, og er því með
heimavöll norðar en Grímsey.
Félagið varð árið 2020 fyrsta
fótboltalið norðan heimskauts-
baugs sem verður meistari í Evr-
ópulandi. Bodö/Glimt hefur nú
orðið norskur meistari tvö ár í
röð, sem eru fyrstu meistaratitlar
félagsins í sögunni.
Nú blasir sæti í 16 liða úrslit-
um í Evrópukeppni við liðinu.
Þegar Norðmennirnir og íslenski
bakvörðurinn þeirra unnu Val á
Hlíðarenda í júlí var slík staða
ekki í kortunum.
En þetta er hægt og árangur
Bodö/Glimt ætti að vera öðrum
félögum á norðlægum slóðum
góð fyrirmynd.
BAKVÖRÐUR
Víðir Sigurðsson
vs@mbl.is
KÖRFUKNATTLEIKUR
Úrvalsdeild kvenna, Subway-deildin:
Dalhús: Fjölnir – Keflavík................. S18.15
Ásvellir: Haukar – Njarðvík ............. S18.30
1. deild kvenna:
Akranes: Aþena/UMFK – KR .............. L17
Dalhús: Fjölnir b – ÍR............................ L18
Ísafjörður: Vestri – Stjarnan................. L18
HANDKNATTLEIKUR
Coca Cola-bikar karla, 8-liða úrslit:
Hlíðarendi: Valur – Víkingur................. L16
KA-heimilið: KA – Haukar..................... S16
Selfoss: Selfoss – ÍBV............................. S16
Coca Cola-bikar kvenna, 8-liða úrslit:
KA-heimilið: KA/Þór – HK .................... S14
Austurberg: ÍR – Fram.......................... S16
1. deild karla, Grill 66-deildin:
Dalhús: Vængir J. – Haukar U ......... S13.30
ÍSHOKKÍ
Íslandsmót karla, Hertz-deildin:
Akureyri: SA – SR............................. L16.45
KNATTSPYRNA
Deildabikar karla, Lengjubikarinn:
Seltjarnarnes: Grótta – Þróttur V ........ L11
Árbær: Fylkir – Grindavík .................... L11
Víkingsvöllur: Víkingur R. – HK ..... L11.30
Akraneshöll: ÍA – KV............................. L12
Framvöllur: Fram – Selfoss .................. L12
Leiknisv.: Kórdrengir – Afturelding .... L14
Boginn: Þór – Stjarnan .......................... L15
Boginn: KA – FH.................................... L17
Egilshöll: KR – Vestri ....................... S11.45
Deildabikar kvenna, Lengjubikarinn:
Egilshöll: KR – ÍBV ............................... L18
GLÍMA
Bikarglíma Íslands í flokkum barna og full-
orðinna fer fram í íþróttamiðstöð Hvols-
vallar í dag frá kl. 11 til 17.
UM HELGINA!
Sandra Erlingsdóttir, landsliðskona
í handknattleik, hefur samið við eitt
sterkasta lið Þýskalands, Metzingen,
um að leika með því næstu tvö tíma-
bil en hún kemur þangað í sumar.
Sandra leikur nú sitt annað tímabil
með EH Aalborg í dönsku B-
deildinni. Hún gekk til liðs við félag-
ið frá Val árið 2020 en hún hefur
einnig leikið með ÍBV og Füchse
Berlín í Þýskalandi á ferlinum.
Sandra, sem er 23 ára, varð Íslands-
og bikarmeistari með Val árið 2019
og þá hefur hún verið fastamaður í
íslenska landsliðinu frá árinu 2018.
Sandra á leið
til Þýskalands
Morgunblaðið/Óttar Geirsson
Þýskaland Sandra Erlingsdóttir
fer til Metzingen í sumar.
Bjarki Már Elísson, landsliðsmaður í
handknattleik, mun á næsta keppnis-
tímabili leika með ungverska stórlið-
inu Veszprém. Tilkynnt var í gær að
Bjarki hefði gert tveggja ára samn-
ing við Veszprém og flytur hann til
Ungverjalands næsta sumar en er nú
hjá Lemgo. Varð hann bikarmeistari
með Lemgo.
„Mig langaði að taka skref í lík-
ingu við þetta og það gekk eftir,“
sagði Bjarki Már þegar Morgun-
blaðið ræddi við hann í gær en viðtal
við Bjarka er að finna á mbl.is/
sport/handbolti.
Langaði að taka
skref sem þetta
Ljósmynd/Szilvia Micheller
Hornamaður Bjarki Már mun flytj-
ast til Ungverjalands í sumar.
ÓL 2022
Bjarni Helgason
bjarnih@mbl.is
Skíðakonan Hólmfríður Dóra Frið-
geirsdóttir stóð sig mjög vel á sín-
um fyrstu Vetrarólympíuleikum í
Peking á dögunum þar sem hún
keppti í stórsvigi, risasvigi og
svigi.
Hún féll úr keppni í fyrri ferð
sinni í stórsvigi en hafnaði í 38.
sæti í svigi og loks í 32. sæti í risa-
svigi sem verður að teljast afar
góður árangur hjá Hólmfríði sem
er í 322. sæti heimslistans í grein-
inni.
Hólmfríður, sem er 24 ára göm-
ul, tók þá ákvörðun árið 2018 að
flytja til Åre í Svíþjóð til þess að
einbeita sér alfarið að skíða-
mennskunni eftir að hafa æft og
búið í Reykjavík alla sína tíð.
„Að taka þátt í sínum fyrstu
Vetrarólympíuleikum var bæði
ólýsanleg upplifun og ótrúlega
skemmtilegt á sama tíma,“ sagði
Hólmfríður Dóra í samtali við
Morgunblaðið.
„Leikarnir stóðust allar mínar
væntingar og rúmlega það. Á
sama tíma setti kórónuveiran risa-
stórt strik í reikninginn og sinn
svip á leikana. Ég átti til að
mynda ekki von á því að þetta yrði
jafn mikil „búbbla“ og raun bar
vitni en það var mikið lagt upp úr
því að það væri gott bil á milli
fólks á þessum fjölförnu stöðum
eins og í ólympíuþorpinu og í mat-
salnum. Við deildum hæð með
Bretunum í þorpinu og hittum þau
á hverjum einasta degi en máttum
í raun ekki eyða neinum tíma með
þeim utan þess.
Matsalurinn var stúkaður af og
það borðuðu allir á sínu eigin
borði. Þetta voru í raun bara mat-
arbásar eins og lesbásarnir á Þjóð-
arbókhlöðunni en í matsalnum var
gler sem stúkaði hvern einn og
einasta bás af. Ég borðaði alltaf
með þjálfaranum mínum en allan
tímann var gler sem aðskildi okk-
ur. Það var svo fullt af starfsfólki
og sjálfboðaliðum þarna sem sáu
um að þrífa borðin eftir hvern og
einn. Fólk þurfti að vera með bæði
grímur og hanska allan tímann
þannig að það var mikil lagt upp
úr öllum sóttvörnum á leikunum.
Við vorum líka algjörlega bund-
in við ólympíuþorpið og svo æf-
inga- og keppnissvæðið í Yanqing.
Þetta voru einu staðirnir sem við,
sem kepptum í alpagreinunum,
máttum heimsækja. Við gátum
gengið beint út úr ólympíuþorpinu
inn í kláfinn sem flutti okkur á æf-
inga- og keppnissvæðið sem var
mjög þægilegt og við þurftum því
ekki að ferðast langar vegalengdir.
Við fengum leyfi til þess að fara
og horfa á sleðakeppnirnar sem
voru einnig í Yanqing en annars
vorum við ekkert á ferðinni, að
undanskilinni setningarathöfninni
sem fram fór í Peking,“ sagði
Hólmfríður Dóra.
Sátt með frammistöðuna
Þrátt fyrir að hafa fallið úr leik í
fyrstu keppnisgrein sinn á leik-
unum fann Hólmfríður Dóra ekki
fyrir neinu stressi, þegar hún fór
inn í svig- og risasvigkeppnina.
„Ég ætlaði mér stóra hluti í
stórsviginu og gerði mestar kröfur
til sjálfrar mín í þeirri grein. Mér
tókst að standa hverja einustu
keppni í stórsvigi á síðasta keppn-
istímabili en ég lenti í því að detta
í einni æfingaferðinni í Peking og
það sat aðeins í mér. Ég flaug svo
á hausinn í sjálfri keppninni og
lenti frekar illa. Ég óttaðist um
tíma að ég gæti ekki keppt í svig-
inu og risasviginu en lækna- og
sjúkraþjálfarateymið stóð þétt við
bakið á mér og þeim tókst að
tjasla mér saman aftur.
Gengið mitt í sviginu fór fram
úr mínum björtustu vonum og ég
átti satt best að segja engan veg-
inn von á því að hafna í 38. sæti í
greininni. Ég var staðráðin í að
skíða brautina af fullum krafti eft-
ir vonbrigðin í stórsviginu og það
gekk eftir. Ég var því full sjálfs-
trausts þegar ég fór inn í keppni í
risasviginu og þótt ég hafi gert
smá mistök sem kostuðu mig ein-
hvern tíma þá er ég mjög sátt með
mína frammistöðu heilt yfir.“
Sá þetta ekki fyrir
Hólmfríður Dóra velti því vel og
lengi fyrir sér að flytja til Svíþjóð-
ar á sínum tíma en sér alls ekki
eftir þeirri ákvörðun í dag.
„Það er alveg klárt mál að ég
hefði ekki farið á leikana í ár ef ég
hefði ekki flutt út til Svíþjóðar á
sínum tíma. Þessir Ólympíuleikar
gáfu mér þvílíkan kraft og hvatn-
ingu um að halda áfram á sömu
braut og reyna að gera enn þá
betur í komandi framtíð. Núna
geri ég mér líka betur grein fyrir
því hvar ég stend gagnvart þeim
bestu í heiminum í dag. Ég sá það
svart á hvítu í Peking að ég er
ekki það langt á eftir þeim og
stefnan er sett á keppni í Evrópu-
bikarnum á næsta keppnistímabili
þar sem ég mun vonandi öðlast
enn þá meiri reynslu sem mun
nýtast mér á komandi stórmótum.
Þessir leikar sýndu mér líka að
það er allt hægt, líka fyrir ein-
hvern sem kemur frá litla Íslandi
og hefur æft og búið þar allt sitt
líf. Ég byrjaði að æfa skíði seinna
en margir af þessum stærstu
keppendum á leikunum í ár, en
það er klárlega allt hægt ef viljinn
og metnaðurinn er fyrir hendi. Ég
hefði aldrei getað ímyndað mér
það að ég væri að fara keppa á
Vetrarólympíuleikunum fyrir
nokkrum árum síðan og ég vona
innilega að minn árangur veiti öðr-
um á Íslandi hvatningu og kraft
um að þeim séu allir vegir færir
með rétta hugarfarinu.“
Stór framtíðarmarkmið
Hólmfríður Dóra ætlar sér stóra
hluti í framtíðinni og hefur sett
stefnuna á stærstu skíðamót heims
á komandi árum.
„Stefnan er að eyða meiri tíma í
hraðagreinarnar það sem eftir lifir
vetrar, það er að segja brunið og
risasvigið. Ég hef einbeitt mér að
tæknigreinunum [svigi og stór-
svigi] í langan tíma en ég sé líka
mikla möguleika í hraðagreinunum
og það er vel hægt að stunda og
keppa í öllum fjórum greinunum.
Ísland hefur aldrei átt keppanda í
hraðagreinum í þessum stærstu
mótum eins og Evrópu- og heims-
bikar og það væri frábært að öðl-
ast keppnisrétt í þessum greinum í
náinni framtíð.
Vissulega er þetta mikið hark og
allt það en þetta er klárlega allt
þess virði enda er skíðamennskan
skemmtilegasta íþrótt í heimi. Ég
æfði margar íþróttir á mínum
yngri árum en mér hefur alla tíð
liðið best með skíðin við fæturna.
Ég vakna glöð á hverjum einasta
degi og þakklát fyrir það að fá að
gera það sem mér finnst skemmti-
legast að gera. Ég öfunda sjálfa
mig meira að segja oft og tíðum
yfir að fá að gera þetta alla daga
og þarf reglulega að klípa mig ef
ske kynni að mig sé að dreyma.
Ég ætla mér stóra hluti í framtíð-
inni og ég er hvergi nærri hætt,“
bætti Hólmfríður Dóra við í sam-
tali við Morgunblaðið.
Allir vegir færir þótt mað-
ur komi frá litla Íslandi
- Hólmfríður Dóra horfir þakklát til baka eftir sína fyrstu Vetrarólympíuleika
Ljósmynd/Erla Ásgeirsdóttir
Kína Hólmfríður Dóra ásamt þjálfara sínum Erlu Ásgeirsdóttur á Vetrar-
ólympíuleikunum í Peking eftir að hún hafði lokið leik í svigkeppninni.