Ægir - 2021, Blaðsíða 11

11
höfuðlínukapalsins þar með ekki upp
talda.
,,Léttleikinn, styrkurinn og endingin
eru ef til vill helstu kostirnir þegar öllu
er á botninn hvolft. Þetta er auðvitað
tóg í stað vírs og það er því miklu léttara
í drætti sem sparar umtalsvert af olíu.
Styrkurinn er ótrúlegur og hann gefur
vírunum ekkert eftir, öðru nær. Þá er
endingin eftir, hún er allt að því þreföld
miðað við vírinn. Það er að minnsta
kosti okkar reynsla. DynIce kapallinn
ryðgar ekki en það gerir vírinn. Ég veit
að DynIce Data höfuðlínukapallinn er
eitthvað dýrari en hefðbundnir kaplar
en okkar reynsla er að sú upphæð er
mjög fljót að sparast,” segir Eyjólfur
Guðjónsson.
Kominn í sjö íslensk uppsjávarskip
Hampiðjan hefur selt DynIce Data höfuð-
línukapalinn til útgerða tíu uppsjávar-
veiðiskipa á Íslandi, í Færeyjum og Nor-
egi. Íslensku skipin eru Huginn VE og Ís-
leifur VE frá Vestmannaeyjum, Norð-
fjarðarskipin Börkur NK og Beitir NK,
Vilhelm Þorsteinsson EA frá Akureyri og
Venus NS og Víkingur AK frá Brimi en
heimahafnir þeirra eru annars vegar
Vopnafjörður og hins vegar Akranes.
Færeysku skipin Finnur Friði og Tróndur
í Gøtu eru bæði með DynIce Data höfuð-
línukapla sem og norska skipið Harvest.
 Einar P. Bjargmundsson, sölustjóri
Hampiðjunnar á Íslandi.
 Uppsjávarskipið Ísleifur VE.
Veiðibúnaður
Taktu ábyrgð á þínum hlut!
iTUB hjálpar fyrirtækjum að ná markmiðum sínum
um sjálfbærni í umhverfismálum
iTUB sendir öllum sjómönnum bestu jóla- og nýárskveðjur
www.itub-rental.com