Skessuhorn - 18.08.2021, Blaðsíða 12

MiðVikudaGur 18. ÁGúSt 202112
Menntamálaráðuneytið hefur gef-
ið út leiðbeinandi reglur um sótt-
varnir í skólum í haust. Núgild-
andi reglugerð heilbrigðisráðherra
nr. 878/2021 um takmörkun á sam-
komum gildir til og með 27. ágúst
næstkomandi og tekur nú einnig til
skólastarfs. Með hliðsjón af henni
veitir mennta- og menningarmála-
ráðuneyti nánari leiðbeiningar til
skóla um áhrif gildandi sóttvarnar-
áðstafana á mismunandi skólastig-
um. Markmið sóttvarnaráðstafana í
skólum eru sem fyrr að stuðla að ör-
yggi og velferð nemenda, kennara
og annars starfsfólks en jafnframt
að tryggja, eftir því sem kostur er,
kraftmikið og fjölbreytt skólastarf á
öllum skólastigum.
Viðbragðsáætlanir vegna smita
eru til staðar í öllum skólum.
rekstraraðilar skóla og skólastjór-
nendur geta gripið til frekari sótt-
varnaráðstafana sem mæta að-
stæðum á hverjum stað, s.s. frekari
hólfaskiptinga í starfsemi og auk-
innar grímunotkunar, m.a. til að
vernda viðkvæma hópa, draga úr
smithættu og auðvelda rakningu,
svo fremi sem það bitni ekki á þjón-
ustu við nemendur. Áhersla skal
vera á sem eðlilegast skólastarf eins
og kostur er á öllum skólastigum.
reglurnar eru svohljóðandi:
Leikskólar:
• Leikskólabörn eru undanskil-
in fjöldatakmörkunum, eins metra
fjarlægðarreglu og grímuskyldu.
• Samanlagður hámarksfjöldi þeirra
sem fæddir eru 2016 og fyrr er 200
í rými.
• Þegar starfsfólk nær ekki að halda
nálægðarmörk (einn metra) sín á
milli ber að nota andlitsgrímu.
• Blöndun hópa er heimil, hvort
sem um ræðir börn eða starfsfólk
en starfsfólk skal gæta fyllstu var-
úðar og virða nálægðarmörk eftir
því sem frekast er unnt.
• Foreldrar, aðstandendur og aðr-
ir utanaðkomandi sýni aðgát þeg-
ar þeir koma inn í skólabyggingar
og gæti að sóttvörnum. Hvatt er til
grímunotkunar gesta í skólabygg-
ingum.
• Við aðlögun barna skal viðvera
foreldra skipulögð þannig að þeir
þurfi sem minnst að nota hreinlæt-
is- og mataraðstöðu í skólabygg-
ingum og skulu þeir gæta að ná-
lægðartakmörkun jafnt sín á milli
og gagnvart starfsfólki.
• Um viðburði á vegum leikskóla
gilda sömu sóttvarnaráðstafanir og
200 manna fjöldatakmörkun full-
orðinna.
Grunnskólar, frístunda-
heimili og félagsmið-
stöðvar:
• Grunnskólabörn eru undanskil-
in eins metra fjarlægðarreglu og
grímuskyldu, en þau skulu hvött
til fyllstu varkárni og persónulegra
sóttvarna.
• Samanlagður hámarksfjöldi starfs-
fólks og nemenda í rými er 200.
• Þegar starfsfólk nær ekki að við-
hafa nálægðarmörk (1 m) sín á milli
ber að nota andlitsgrímu.
• Blöndun hópa er heimil, hvort
sem um ræðir börn eða starfsfólk.
• Foreldrar, aðstandendur og aðrir
utanaðkomandi eiga að sýna aðgát
þegar þeir koma inn í skólabygg-
ingar og gæta að sóttvörnum. Hvatt
er til grímunotkunar gesta í skóla-
byggingum, en skólum er jafnframt
heimilt að takmarka enn frekar
komu gesta í skólabyggingar.
• Um viðburði á vegum grunnskóla
gilda sömu sóttvarnaráðstafanir og
200 manna fjöldatakmörkun full-
orðinna.
Tónlistarskólar:
• Nemendur á grunnskólaaldri eru
undanþegnir eins metra fjarlægð-
arreglu og grímuskyldu, en þau
skulu hvött til fyllstu varkárni og
persónulegra sóttvarna.
• Leyfilegur hámarksfjöldi starfs-
fólks og nemenda er 200 í rými.
• Þegar starfsfólk og nemendur
fæddir árið 2005 og fyrr ná ekki að
virða nálægðarmörk (1 m) ber að
nota andlitsgrímu.
• Blöndun hópa er heimil, hvort
sem um ræðir nemendur eða starfs-
fólk.
• Foreldrar, aðstandendur og aðr-
ir utanaðkomandi eiga að sýna að-
gát þegar þeir koma inn í skóla-
byggingar og gæta að sóttvörnum.
Hvatt er til grímunotkunar gesta
í skólabyggingum, en skólum er
jafnframt heimilt að takmarka enn
frekar komu gesta í skólabygging-
ar.
• Um viðburði á vegum skóla gilda
sömu sóttvarnaráðstafanir og 200
manna fjöldatakmörkun fullorð-
inna.
Framhaldsskólar og
skólar sem kenna á
framhaldsskólastigi:
• Nemendur og starfsfólk skal bera
grímu þar sem ekki er hægt að virða
eins metra nándarreglu.
• Þó er heimilt að víkja frá grímu-
skyldu eftir að nemendur eru sestir
niður inni í skólastofu.
• Leyfilegur hámarksfjöldi starfs-
fólks og nemenda er 200 í rými.
• Blöndun hópa er heimil, hvort
sem um ræðir nemendur eða starfs-
fólk. umraða má í hópum milli
kennslutíma og lesaðstöðu en
mælst er til að sótthreinsað verði
milli hópa.
• Um viðburði á vegum framhalds-
skóla eða nemendafélaga þeirra
gilda sömu sóttvarnaráðstafanir og
200 manna fjöldatakmörkun full-
orðinna.
Háskólar:
• Nemendur og starfsfólk skal bera
grímu þar sem ekki er hægt að virða
eins metra nándarreglu.
• Þó er heimilt að víkja frá grímu-
skyldu eftir að nemendur eru sestir
niður inni í skólastofu.
• Leyfilegur hámarksfjöldi starfs-
fólks og nemenda er 200 í rými.
• Blöndun hópa er heimil, hvort sem
um ræðir nemendur eða starfsfólk.
umraða má í hópum milli kennslu-
tíma og lesaðstöðu en mælst er til
að sótthreinsað verði milli hópa.
• Um viðburði á vegum skóla eða
nemendafélaga þeirra gilda sömu
sóttvarnaráðstafanir og 200 manna
fjöldatakmörkun fullorðinna.
„Í reglugerð heilbrigðisráðherra er
fjallað sérstaklega um þrif og sótt-
hreinsun rýma. Skóla skal þrífa eins
og oft og unnt er, sér í lagi algenga
snertifleti. auk þess skal minna
á einstaklingsbundnar sóttvarnir,
tryggja góða loftræstingu og lofta
reglulega út. Við alla innganga skal
tryggja aðgang að sótthreinsandi
vökva fyrir hendur og eins víða um
rými og talin er þörf á.“ mm
Í síðustu viku undirritaði Guð-
mundur ingi Guðbrandsson, um-
hverfis- og auðlindaráðherra aug-
lýsingu um stækkun friðlands-
ins í Flatey. Markmið friðlýsing-
arinnar er að vernda fjölbreytt líf-
ríki svæðisins og búsvæði fugla,
sér í lagi varpsvæði fágætra fugla-
tegunda eins og þórshana, kríu og
lunda, auk þess að tryggja rann-
sóknir og vöktun á lífríki svæðisins.
„Friðlandið hefur hátt vísinda- og
fræðslugildi og er vel þekkt á með-
al vísindamanna og fuglaáhuga-
fólks. Búsvæði og lífríki í fjörum og
í sjó er afar fjölbreytt og mikilvægt
fæðusvæði margra fuglategunda.
Náttúrufegurð svæðisins er einnig
mikil og þar finnst m.a. marhálmur
sem er sjaldgæfur á landsvísu,“ seg-
ir í tilkynningu frá umhverfisráðu-
neytinu.
Eftir stækkun verður friðlandið
tvöfalt stærra, 1,62 ferkílómetri og
er stækkunin austan marka vernd-
arsvæðis í byggð og nær til eyja,
hólma og skerja suður af Flatey.
„Þar sem friðlandið nær í sjó fram
tekur friðlýsingin til hafsbotns, líf-
ríkis og vatnsbóls. Friðlandið er inn-
an verndarsvæðis Breiðafjarðar sem
er verndað með sér lögum,“ segir á
vef Stjórnarráðs Íslands. „Flatey er
óumdeilanlega perla Breiðafjarðar.
Náttúran sjálf segir sína sögu um
það hvað gerði eyna að ákjósanlegri
miðstöð mannlífs við Breiðafjörð.
Hér er merkileg saga búsetu þar
sem samspil manns og náttúru var
og er í jafnvægi. Líffræðileg fjöl-
breytni svæðisins er mikil enda fjöl-
skrúðugt fuglalíf í eynni sem bygg-
ir afkomu sína á fjölbreyttu fæðu-
framboði á landi, í fjörum og í sjó.
Það er því mikilvægt fyrir komandi
kynslóðir, okkur sjálf og gesti okk-
ar að tryggja verndun perlu eins og
Flateyjar,“ segir Guðmundur ingi
Guðbrandsson, umhverfis- og auð-
lindaráðherra. arg
Guðmundur Ingi Guðbrandsson, umhverfis- og auðlindaráðherra og ráðuneytisstjóri og fulltrúar ábúenda í eyjunni, Reyk-
hólahrepps, Breiðafjarðarnefndar, Umhverfisstofnunar og umhverfis- og auðlindaráðuneytisins. Ljósm. Stjórnarráð Íslands.
Stækka friðlandið í
Flatey á Breiðafirði
Leiðbeiningar um sóttvarnir í skólastarfi nú í haust