Skessuhorn - 29.09.2021, Side 16

MiðVikudaGur 29. sEpTEMBEr 202116
Í tilefni af degi íslenskrar nátt­
úru 16. september síðastliðinn var
landsátakinu Hvar er?, sem Land­
mælingar Íslands og stofnun Árna
Magnússonar í íslenskum fræð­
um standa fyrir, hleypt af stokk­
unum. Átakið hófst formlega deg­
inum áður í félagsheimlinu Lyng­
brekku á Mýrum með því að Guð­
mundur ingi Guðbrandsson, um­
hverfis­ og auðlindaráðherra skráði
fyrsta örnefnið á heimaslóðum sín­
um á Brúarlandi á Mýrum.
Í kvarðanum, rafrænu frétta­
bréfi Landmælinga Íslands, segir
að markmiðið með átakinu sé að
staðsetja sem flest örnefni úr örnef­
naskrám sem nýlega voru gerðar
aðgengilegar á vefnum Nafnið.is.
Örnefnaskrárnar eru um 12.500
talsins og innihalda um 500.000
örnefni. „Í örnefnaskránum er
staðsetningu örnefnanna lýst en
til að staðsetja þau nákvæmlega í
landinu er nauðsynlegt að fá hjálp
frá staðkunnugum á hverju svæði.
Til að auðvelda þá vinnu og fjölga
skráningaraðilum örnefna var Hvar
er? verkefnið sett á laggirnar. Gag­
nagrunnar Árnastofnunar og Land­
mælinga Íslands voru samtengdir
og til að hefja skráningu er nóg að
skrá sig með Íslykli eða rafrænum
skilríkjum og gefa upp tengsl við
staðinn sem örnefnaskráin nær yfir.
Einfaldur örnefnaritill var þróaður
fyrir verkefnið en fyrir þá sem ekki
treysta sér í rafræna skráningu eru
aðrar aðferðir í boði.“
mm
akraneskaupstaður ákvað árið 2020
að efna til hugmyndasamkeppni um
skipulag og hönnun Langasand­
ssvæðisins á akranesi í samstarfi við
FÍLa, Félag íslenskra landslagsarki­
tekta. Markmiðið með samkeppn­
inni var að fá hugmyndir um fram­
tíðarskipulag svæðisins í heild sem
tengir m.a. strandsvæði, skólasvæði,
framtíðar uppbyggingarreit og hafn­
arsvæðið. svæðið er um 35 hektarar
að stærð og er stór hluti þess innan
hverfisverndar í gildandi aðalskipu­
lagi. Það nær yfir útivistarsvæði frá
Leynisfjöru, sólmundarhöfða, með
fram Langasandi að Faxabraut. Eft­
ir svæðinu liggur strandstígur og á
því er íþróttasvæðið að Jaðarsbökk­
um, íbúðabyggð á sólmundarhöfða,
hjúkrunar­ og dvalarheimilið Höfði
sem og fjölbýlishús við Garðabraut,
Höfðabraut og Jaðarsbraut.
apríl arkitektar, kanon arki­
tektar og Landmótun sf. ásamt sei
stúdíó voru þau þrjú teymi sem
tóku þátt í hugmyndasamkeppn­
inni en þau voru formlega dregin
út í útdrætti þann 20. mars 2021.
síðastliðinn föstudag var tilkynnt
um sigurvegara í hugmyndasam­
keppni um Langasandinn. Það var
teymi Landmótunar og sei stúdíós
sem bar sigur úr býtum. ragnar B.
sæmundsson, formaður skipulags­
og umhverfisráðs akraneskaup­
staðar og formaður dómnefndar­
innar, sagði þegar tilkynnt var um
sigurvegara að dómnefndin hefði
verið einróma um sína niðurstöðu:
„Þykir vinningstillagan í þessari
samkeppni sannfærandi og höfðar
til allra notenda. Ásamt því virðir
hún þolmörk og staðaranda svæðis­
ins. Tillagan Langisandur fyrir alla
er val dómnefndar um sigurvegara í
hugmyndasamkeppninni um skipu­
lag og hönnun Langasandssv æðis­
ins á akranesi.“
Langisandur fyrir alla
Í umsögn dómnefndar um vinnings­
tillöguna kom eftirfarandi fram:
„Tillagan Langisandur fyrir alla
er lágstemmd en full næmni sem
dregur fram fegurð og notagildi
svæðisins. Þá ber að nefna hvern­
ig aðgengi að sandinum og sjónum
er aukið á einstakan hátt með að­
gengi fyrir alla í fyrirrúmi. ramp­
ar liggja sitt hvort megin niður með
grjótgarði og mætast á svæði með
útisturtum og þaðan áfram með
steyptri bryggju út í sjó. annars
vegar frá Jaðarsbraut úr vestri sem
tengir þannig svæðið við sements­
reitinn og hins vegar frá akranes­
velli og aggatorgi úr austri. Þannig
geta allir öðlast dýrmætt aðgengi að
sjónum. Á milli akraneshallarinnar
og fótboltavallanna er síðan göngu­
svæði sem leiðir upp í hverfið fyrir
ofan og þaðan með aflíðandi rampi
niður að sjó, út að Merkjaklöpp,
en slítur þó ekki gönguleið í gegn­
um svæðið þar sem hún fer yfir á
göngubrú. Bátaleiga við rampinn er
skemmtilega leyst undir torgsvæði
í góðum tengslum við rampinn og
sjóinn. Greining á náttúrulegum
línum og hæðarlegu í Merkjaklöpp
er yfirfærð á sannfærandi hátt í út­
færslu stígsins og göngubrú. Torg­
svæði milli íþróttahallar og akra­
nesvallar er fjölnota og auðvelt að
sjá fyrir sér mikið líf skapast á því
svæði við ýmis tilefni. Fyrrgreint
svæði nær að svæði Guðlaugar með
fallegri útfærslu á útsýnis­ og sól­
palli. Þá er stúkan skemmtilega
útfærð með hugmyndum að fjöl­
breyttri starfsemi og fellur hönn­
un hennar vel umhverfi svæðisins.
Ljósvistarskipulag tillögunnar er
metnaðarfullt og settar eru fram
tillögur um upplýsta áningarstaði
með fram gönguleið. Tillagan sker
sig frá öðrum tillögum með þessari
áherslu.“
vaks
Landsátak hafið í staðsetningu örnefna
Eydís Líndal Finnbogadóttir forstjóri Landmælinga íslands, Guðmundur Ingi Guðbrandsson umhverfis- og auðlindaráðherra,
Guðrún Nordal forstöðumaður Stofnunar Árna Magnússonar í íslenskum fræðum og Ragnhildur Helga Jónsdóttir aðjúnkt í
Landbúnaðarháskóla Íslands fluttu erindi við setningu landsátaksins um staðsetningu örnefna. Ljósm. LMÍ/ Kvarðinn.
Kynntu niðurstöðu dómnefndar í
hugmyndasamkeppni um Langasand
Landmótun ásamt Sei Stúdíói eru sigurvegarar hugmyndasamkeppninnar um
Langasand. Ljósm. vaks
Sigurvegar ásamt forsvarsmönnum Akraneskaupstaðar. Ljósm. vaks.
Myndir af vinningstillögunni.