Skessuhorn - 10.11.2021, Side 6

MIÐVIKUDAGUR 10. NÓVEMBER 20216
Óhapp við
Hafnarfjall
VESTURLAND: Ökumaður
trailers með gám í eftirdragi
missti stjórn á bílnum undir
Hafnarfjalli um miðjan dag á
laugardag. Snjóþekja og krapi
var á veginum. Ökumaður var
ómeiddur en bíllinn nokkuð
skemmdur. Dráttarbíl þurfti
til að ná bæði bíl og gám upp á
veg að nýju. -frg
Varð fyrir
barðinu á net-
glæpamönnum
VESTURLAND: Aðili kom
á lögreglustöð í landshlut-
anum í nýliðinni viku og til-
kynnti að teknar hefðu ver-
ið tæpar 260 þúsund krón-
ur út af bankareikningi hans
í heimildarleysi. Hann sagðist
hafa fengið tölvupóst um að
hann ætti pakka á pósthúsin-
um. Í póstinum voru leiðbein-
ingar og hlekkur sem hann
smellti á enda fullviss um að
sendingin væri frá Póstin-
um. Svo reyndist ekki vera
og daginn eftir hafði framan-
greind fjárhæð verið dregin af
reikningnum. Haft var sam-
band við greiðslukortafyrir-
tæki sem lokaði reikningn-
um en þar sem um debetkort
var að ræða getur verið snúið
að ná slíku til baka. Lögregla
segir að slíkum tilkynningum
fjölgi stöðugt og hvetur fólk
til að vera á varðbergi gagn-
vart slíkum póstum. -frg
Ölvunarakstur
AKRANES: Lögreglumenn á
eftirlitsferð stöðvuðu för öku-
manns á Akranesi um hádeg-
isbil á laugardag vegna gruns
um ölvun við akstur. Hann
blés síðan yfir leyfilegum
mörkum og var handtekinn
og fluttur á lögreglustöð. Mál
hans fór síðan í hefðbundið
ferli. -frg
Ók í veg fyrir
sjúkrabíl
VESTURLAND: Ekið var
í veg fyrir sjúkrabíl sem ekið
var um Borgarfjarðarbraut í
forgangsakstri á sunnudaginn.
Ökumaður sjúkrabílsins var að
taka fram úr nokkrum bílum
þegar ökumaður eins þeirra
beygði skyndilega í veg fyr-
ir sjúkrabílinn. Hliðarspegl-
ar bílanna rákust saman en
bílarnir skemmdust ekki að
öðru leyti. Vart þarf að taka
fram hversu mikilvægt fólk
sé á varðbergi gagnvart for-
gangsakstri viðbragðsaðila þar
sem mannslíf geta oltið á því
að náð sé nógu snemma á vett
vang. -frg
Þorrablót Skaga-
manna 2022
AKRANES: Komin er dag-
setning á Þorrablót Skaga-
manna sem er haldið ár hvert
í íþróttahúsinu við Vesturgötu
á Akranesi. Það verður laugar-
daginn 22. janúar á næsta ári
og ljóst að öllu verður til tjald-
að. Umsjón með þorrablótinu
er í höndum árgangs 1979.
-vaks
Með snjóskafl á
framrúðunni
BORGARNES: Lögreglu-
menn á eftirlitsferð í Borg-
arnesi stöðvuðu för öku-
manns sem ók um með hrím-
aða framrúðu og skafl að
auki. Hafði hann lítið gægju-
gat svo hann sæi nú til við
aksturinn. Hann fékk sekt.
Lögregla hvetur ökumenn
til þess að hreinsa vel af rúð-
um bifreiða áður en ekið er
af stað, nú þegar kólna fer í
veðri. -frg
Ók bremsulaus
á bílskúrshurð
BORGARNES: Skömmu
eftir miðnætti á föstudags-
kvöld barst lögreglu tilkynn-
ing um að bíll hefði skyndi-
lega orðið bremsulaus þegar
ekið var niður vegarspotta
í Borgarnesi með þeim af-
leiðingum að hann lenti á
bílskúrshurð. Hurðin brotn-
aði en bíllinn fór þó ekki í
gegnum hana. Ökumaður
var ómeiddur en bíllinn var
nokkuð skemmdur. Þykir
mildi að ekki hafi farið verr.
-frg
Bílvelta á
Snæfellsnesi
SNÆFELLSN: Bílvelta
varð á Snæfellsnesvegi,
gegnt Rauðkollsstöðum, að-
fararnótt mánudags. Þar fór
flutningabifreið út af veg-
inum og hafnaði á hliðinni.
Loka þurfti veginum á með-
an farmur var fjarlægður og
bifreiðinni komið upp á veg.
Aðstoðaði lögregla og björg-
unarsveitin Klakkur við um-
ferðarstjórn á meðan á að-
gerðum stóð. -frg
Björgunarsveitir á Vesturlandi voru
klukkan 13 á laugardaginn kallað-
ar út á Langjökul. Ungur maður
hafði slasast á fæti og komst ekki
af sjálfsdáðum niður af jöklinum.
Hann hafði verið farþegi á gúmmí-
slöngu sem dregin var af bíl.
Skyggni var lélegt og þar að auki
voru þeir á sprungusvæði. Sam-
ferðafólk mannsins treysti sér ekki
til að flytja hann um borð í bíl og
aka til móts við sjúkrabíl. Fóru því
sjúkraflutningamenn í fylgd björg-
unarsveita á jeppum upp á jökul-
inn. Þegar komið var á vettvang
var búið um hinn slasaða, honum
komið vel fyrir á sjúkrabörum og
hann fluttur í björgunarsveitarbíl í
sjúkrabíl í Húsafelli.
Útkallinu var lokið þegar all-
ir viðbragðsaðilar voru komnir í
bækistöð skömmu fyrir kvöldmat.
Vel gekk að flytja manninn en þó
þurfti að gæta fyllsta öryggis þar
sem mikið er af sprungum á jökl-
inum.
mm/ Ljósm. Landsbjörg
Tjaldsvæði í Snæfellsbæ voru vel
nýtt á liðnu sumri. Í heildina dvöldu
10.140 gestir á tveimur tjaldsvæð-
um í Ólafsvík og á Hellissandi í
sumar og fjölgaði um rúm 87,3%
frá síðasta sumri, en hafa verður í
huga að á síðasta ári voru óvenjufá-
ir ferðamenn á landinu vegna kór-
ónaveirufaraldursins. Frá þessu er
greint á heimasíðu sveitarfélagsins.
„Í sumar var áberandi mest að
gera í ágúst, en þann mánuð dvöldu
á tjaldsvæðunum 3.617 gestir. Það
er þó einkum gestafjöldi í sept-
ember sem vekur athygli, en þá
dvöldu 2.225 á tjaldsvæðunum og
er það nokkurn veginn á pari við
árin 2017, 2018 og 2019 þegar um-
talsvert fleiri ferðamenn komu til
landsins en nýliðið sumar. „Vek-
ur það vonir um að aðsókn gesta
verði meiri á næsta ári og e.t.v. nær
heildarfjöldanum á árunum fyrir
kórónuveiru,“ segir í frétt Snæfells-
bæjar. mm
Sóttu slasaðan mann á Langjökul
Búið um manninn til flutnings af jöklinum.
Tjaldsvæði Snæfellsbæjar vel nýtt í sumar
Nýja þjónustuhúsið á tjaldsvæðinu á Hellissandi undir lok septembermánaðar.
Ljósm. SNB.
Í Húsafelli beið sjúkrabif-
reið sem flutti manninn á
sjúkrahús.