Skessuhorn - 01.12.2021, Blaðsíða 6

MIÐVIKUDAGUR 1. DESEMBER 20216
Margir ljóslausir
að aftan
VESTURLAND: Lögreglu-
menn stöðvuðu för ökumanns
á Borgarbraut í Borgarnesi
á þriðjudag í síðustu viku.
Ók hann um án þess að aft-
urljós væru kveikt. Reyndust
perurnar sprungnar. Sektin
fyrir slíkt brot nemur 20 þús-
und krónum. Lögreglan segir
allt of algengt að fólk gleymi
að kveikja afturljósin þegar
lagt er af stað í ökuferð. Hvet-
ur hún alla ökumenn til að
gæta að sér og hafa afturljósin
kveikt svo og öll önnur lög-
bundin ljós. -frg
Bílvelta á
Bröttubrekku
VESTURLAND: Bíll fór út
af veginum um Bröttubrekku
síðdegis á þriðjudag í síðustu
viku. Ökumaður missti stjórn
á bílnum sem rakst á vegrið,
fór fjórar veltur, niður bratta
hlíð, og hafnaði á hliðinni
um 20 metra utan vegar. Ök-
umaður kenndi sér eymsla
víða og var fluttur á slysadeild
í Fossvogi í Reykjavík. Bíllinn
var mikið skemmdur og var
um síðir fluttur á brott með
kranabíl. -frg
Aftanákeyrsla á
Vesturlandsvegi
VESTURLAND: Á föstu-
daginn í síðustu viku varð um-
ferðaróhapp á Vesturlandsvegi
við Litla-Skarð. Bíl var ekið
á annan bíl sem hægt hafði
skyndilega á sér til þess að taka
beygju. Óhappið átti sér stað
á löngum og beinum vegar-
kafla. Ökumenn kenndu sér
eymsla og voru fluttir á brott í
sjúkrabíl. Báðir ökumenn voru
í bílbeltum. Annar bíllinn var
óökuhæfur. Slökkvilið hreins-
aði vettvang og Vegagerðin
saltaði vegarkaflann að loknu
hreinsunarstarfi. -frg
Próflaus stal
sama bílnum
tvisvar
VESTURLAND: Laust eftir
miðnætti, aðfararnótt fimmtu-
dags í síðustu viku barst lög-
reglu tilkynning um rásandi
aksturslag bifreiðar á leið um
Hvalfjarðargöng. Lögreglu-
menn af Akranesi óku til móts
við ökumanninn og stöðvuðu
hann. Reyndist bíllinn vera
ljóslaus, ökumaður án réttinda
og grunaður um akstur und-
ir áhrifum fíkniefna. Sagð-
ist ökumaður hafa verið að
kaupa bílinn. Það reyndist
ekki rétt heldur hafði bílnum
verið stolið. Var hann hand-
tekinn og fór mál hans hefð-
bundna leið. Ökumaður baðst
gistingar í fangaklefa og þegar
hann reis úr rekkju daginn
eftir tók hann hinn stolna bíl
traustataki á ný og ók á brott.
Lögreglumenn veittu hon-
um eftirför, handtóku hann og
verður hann ákærður fyrir öll
brotin í tvígang. -frg
Eldur í kodda
SNÆFELLSNES: Á þriðju-
daginn í síðustu viku barst
Neyðarlínu tilkynning um
að kviknað hefði í rafmagns-
ofni og eldur borist í kodda.
Atburðurinn átti sér stað á
Snæfellsnesi. Íbúi vaknaði
við brunalykt. Betur fór en á
horfðist, eldurinn var slökktur
hratt og örugglega og enginn
hlaut skaða af. -frg
Nokkuð um
sóttvarnabrot
VESTURLAND: Að sögn
lögreglunnar á Vesturlandi
hafa nokkrar tilkynningar
borist um möguleg sóttvarna-
brot í umdæminu. Eitthvað er
um að fólk gleymi sér í sótt-
kví og skjótist í búðina en slíkt
er með öllu óheimilt. Lög-
regla hefur haft samband við
fólk og bent á reglur sem um
þetta gilda. Hvetur lögreglan
alla til þess að fara sérstak-
lega varlega um þessar mundir
enda mikill fjöldi smitaður og
í sóttkví. -frg
Fíkniefnaakstur
við Akranes
AKRANES: Ljóslaus bíll
á ferð á Akrafjallsvegi vakti
athygli lögreglumanna á
snemma á fimmtudags-
morgun í síðustu viku. Við
nánari athugun vaknaði grun-
ur um að ökumaðurinn væri
undir áhrifum og svaraði hann
jákvætt á fíkniefnaprófi. Öku-
maðurinn var handtekinn og
fór mál hans hefðbundna leið.
-frg
Mennta- og menningarmálaráðu-
neytið hefur gert umfangsmiklar
breytingar á aðalnámskrá grunn-
skóla og er unnið að kynningu á
þeim fyrir skólasamfélagið. Mark-
mið breytinganna er að tryggja
börnum með annað tungumál
en íslensku og öðrum fjöltyngd-
um börnum menntun sem undir-
býr þau betur undir virka þátttöku í
samfélaginu og nám á öðrum skóla-
stigum.
„Þessar breytingar eru mikil-
vægur liður í því að efla umgjörð
í menntakerfinu til að mæta bet-
ur aðstæðum nemenda með annað
móðurmál en íslensku, sem er for-
gangsmál eins og sjá má í aðgerða-
áætlun nýrrar menntastefnu. Nem-
endur með fjölbreyttan tungumála-
og menningarbakgrunn þurfa fjöl-
þættan stuðning til þess að ná sem
mestum árangri. Þar skiptir fag-
fólk í skóla- og frístundastarfi lyk-
ilmáli og virk samvinna þeirra,“
sagði Lilja Alfreðsdóttir, fráfarandi
mennta- og menningarmálaráð-
herra. Breytingarnar felast í endur-
skoðun á umfjöllun um íslensku
sem annað tungumál sem byggir á
tungumálaramma Evrópuráðsins
og nýjum köflum sem fjalla um
menningarfærni, móttöku nýrra
nemenda og fjöltyngi.
Samráð um breytingar
Víðtækt samráð var haft við skóla-
samfélagið við mótun og útfærslu
breytinganna en þá vinnu leiddi
Þorbjörg Halldórsdóttir, sér-
fræðingur hjá Menntamálastofnun.
Breytingar á aðalnámskrá grunn-
skóla verða innleiddar í samvinnu
við Menntamálastofnun m.a. með
útgáfu stuðningsefnis í námsgrein-
um, fræðsluvef um kennslu íslensku
sem annars máls, útgáfu námsefn-
is í íslensku sem öðru tungumáli,
fræðslufundum og starfsþróunar-
tilboðum.
Nýr vefur
Menntamálastofnun hefur sett í
loftið vefinn adalnamskra.is þar
sem nálgast má rafræna útgáfu
gildandi aðalnámskrár grunnskóla.
Vefsvæðinu er ætlað að dýpka um-
fjöllun um aðalnámskránna, vinna
með kennslufræði námsgreina og
margt það sem fram hefur komið
að skorti í tengslum við stuðning
um framkvæmd náms og kennslu.
Vefnum er ætlað að auðvelda að-
gengi að námskránni og dýpka um-
fjöllun um hana, auk þess að skapa
umgjörð um annað efni sem styður
við framkvæmd hennar.
Helstu áherslur
breytinganna:
• •Ábyrgð á íslenskunámi hvílir
á skólastjórnendum, umsjónar-
kennurum, íslenskukennurum
og kennurum allra námssviða
sem þurfa að vinna saman til að
námið verði markvisst. Brýnt er
að allt starfsfólk sem kemur að
námi eða frístundastarfi nem-
enda sé upplýst um hæfni þeirra
í íslensku og taki þátt í að styðja
við námið.
• Markmið með kennslu íslensku
sem annars máls eru að nemend-
ur tileinki sér og læri íslensku
þannig að þeir geti stundað al-
hliða nám í íslensku skólastarfi
með jafnöldrum og tekið virkan
þátt í samfélaginu. Gera má ráð
fyrir að nemendur fylgi hæfni-
viðmiðum í íslensku sem öðru
tungumáli í tvö til fjögur ár. Eftir
það fylgja þeir aðalnámskrá í ís-
lensku samkvæmt aldurstengd-
um viðmiðum.
• Foreldrar bera ábyrgð á að styðja
við íslenskunám barna sinna og
að rækta og þróa eigið móður-
mál til að stuðla að virku fjöl-
tyngi. Mikilvægt er að foreldrar
séu reglulega upplýstir um stöðu
og framfarir barna sinna og þarf-
ir þeirra til að foreldrarnir geti
stutt við námið.
• Nemendahópurinn sem lær-
ir íslensku sem annað tungu-
mál er fjölbreyttur. Margt get-
ur haft áhrif á íslenskunámið sem
nauðsynlegt er að taka mið af, s.s.
bakgrunnur, móðurmál og fyrri
skólaganga. Hver einstaklingur
hefur sinn sérstaka persónuleika,
áhugasvið, þekkingu og náms-
getu og aðrir þættir geta skipt
máli, s.s. líðan, stuðningur heim-
ilis, væntingar, áhugahvöt og
hversu mikið nemandi leggur sig
fram.
• Kanna skal námslega stöðu nem-
enda meðal annars á sterkasta
tungumáli þeirra. Námsáætlun
byggir á því mati að höfðu sam-
ráði við foreldra. Nemendur sem
hafa náð færni í móðurmáli og
öðrum tungumálum skulu hvatt-
ir og þeim gefin tækifæri til að
tengja málin við íslensku. Þannig
geta þeir byggt upp færni og
þekkingu út frá hæfni í öðrum
tungumálum.
• Við lok grunnskóla skal gefa
nemendum lokaeinkunn í ís-
lensku sem öðru tungumáli ef
þeir hafa fylgt viðmiðum um
hæfni samkvæmt hæfnirömm-
um íslensku sem annars tungu-
máls allt til loka grunnskóla. Á
því mati skal áframhaldandi nám
byggja. Þó ber að hafa í huga
að nemendur þurfa markvissa
kennslu og stuðning þegar þeir
byrja að fylgja aldurstengdum
viðmiðum í íslensku.
mm
Breytingar á aðalnámskrá til að
styðja við fjöltyngd börn
Svipmynd úr Grunnskóla Snæfellsbæj-
ar. Ljósm. úr safni.