Skessuhorn - 23.03.2022, Blaðsíða 2

MIÐVIKUDAGUR 23. MARS 20222
Kosið um
sameiningu á
laugardaginn
SNÆF: Næstkomandi
laugardag ganga íbúar í
Helgafellssveit og Stykkis­
hólmi til kosninga um sam­
einingu sveitarfélaganna.
Kjörfundir í báðum sveitar­
félögum munu standa
yfir frá klukkan 10­18; í
Grunnskólanum Stykkis­
hólmi og Félagsheimil­
inu Skildi. Samstarfsnefnd
hvetur íbúa til að kynna sér
tillögu nefndarinnar vel og
nýta kosningaréttinn. -mm
Framboðs-
frestur er
8. apríl
LANDIÐ: Frestur til að
skila framboðslistum til
sveitarstjórnakosninga til
yfirkjörstjórnar í viðkom­
andi sveitarfélagi renn­
ur út klukkan 12 á hádegi
föstudaginn 8. apríl. Í til­
kynningu frá Landskjör­
stjórn kemur einnig fram
að þeir sveitarstjórnar­
menn sem hyggjast skorast
undan endurkjöri skuli til­
kynna þá ákvörðun innan
sama frests. Utankjörstaða
atkvæðagreiðsla skal hefj­
ast svo fljótt sem kostur er
eftir að framboðslistar hafa
verið auglýstir, þó eigi síðar
en 29 dögum fyrir kjördag,
sem er 14. maí. -mm
Jarðyrkja gerir
skólalóð
AKRANES: Síðastliðinn
mánudag var skrifað und­
ir samning milli Akra­
neskaupstaðar og Jarðyrkju
ehf. um lóðafrágang við
nýbyggingu nýs leikskóla á
Asparskógum 25. Jarðyrkja
ehf. átti lægsta tilboð sem
hljóðaði upp á 112 milljón­
ir króna. Verklok eru áætl­
uð haustið 2022 en búast
má við að vinna við frágang
lóðar fari í gang á næstu
vikum.
-vaks/ Ljósm. akranes.is
Rak sig í tönn
SNÆFELLSNES: Óhapp
varð síðasta fimmtudag á
Útnesvegi á Snæfellsnesi
í vondu veðri og lélegu
skyggni. Bifreið var ekið
utan í traktor og rak sig í
snjómoksturstönn á hon­
um þegar verið var að
ryðja. Bíllinn var óökufær
eftir áreksturinn en engin
slys urðu á fólki. -vaks
Mér finnst rigningin góð seg-
ir í gömlu dægurlagi frá hljóm-
sveitinni Grafík. Eftir snjómikinn vet-
ur á vestur horninu er útlit fyrir að
rigningin hafi betur næstu daga og
hjálpi til við að losa okkur við snjó-
inn sem margir eru orðnir þreytt-
ir á. Snjórinn er fínn til að lýsa upp
skammdegið en nú líður að vori
og þá viljum við finna lyktina af
nýslegnum túnum og velta okkur
upp úr dögginni. Þó er aldrei að vita
nema Vetur konungur banki aftur
upp á og minni á sig enn á ný.
Á fimmtudag er útlit fyrir suðvest-
an 8-15 m/s og rigningu eða slyddu
með köflum, en þurrt á Austur-
landi. Hiti 1 til 6 stig. Norðlægari
og kólnar seinnipartinn með snjó-
komu á norðanverðu landinu, en
rofar til sunnanlands. Á föstudag
snýst í austan og suðaustan 8-13, en
13-18 með suðurströndinni. Rigning
eða slydda sunnan- og vestan til á
landinu og snjókoma í uppsveitum,
hiti 0 til 4 stig. Þurrt og bjart norð-
austanlands með frosti að 7 stigum.
Á laugardag má búast við sunnan og
suðvestan 5-10 og rigningu eða súld
í flestum landshlutum. Hiti 2 til 7 stig.
Á sunnudag er gert ráð fyrir breyti-
legri átt og dálítilli vætu á sunnan-
verðu landinu með hita að 7 stigum,
en slydda eða snjókoma norðan til
og hiti kringum frostmark.
Í síðustu viku var spurt á vef Skessu-
horns: „Hvar horfir þú mest á
afþreyingarefni?“ Mikill meirihluti
eða 57% sögðu „Í sjónvarpi,“ 27%
sögðu „Á streymisveitum,“ 12%
sögðu „Í gegnum Internetið“ og 4%
sögðu „Ekkert af þessu.“
Í næstu viku er spurt:
Hvert er leiðinlegasta húsverkið?
Leiklistaklúbburinn Melló frumsýn-
ir á morgun söngleikinn Útfjör í Bíó-
höllinni á Akranesi. Það er loksins
komið að því að þau geta sýnt eftir
tvö ár í heimsfaraldri. Meðlimir Melló
eru Vestlendingar vikunnar.
Spurning
vikunnar
Til minnis
Vestlendingur
vikunnar
Veðurhorfur
Á bæjarstjórnarfundi Stykkis­
hólmsbæjar 24. febrúar var lögð
fram tillaga að deiliskipulagi fyrir
Súgandisey um heildarskipulag og
útsýnissvæði á eyjunni. Tillagan
byggir m.a. á niðurstöðum úr hug­
myndasamkeppni um skipulag og
hönnun á útsýnissvæði á Súgandis­
ey og skipulagið á að móta ramma
fyrir útivistarsvæði á eyjunni og
tryggja einnig öryggi sjófarenda
með þar til gerðum mannvirkjum.
Bæjarstjórn hefur falið
skipulagsfulltrúa að senda svör
við þeim athugasemdum sem bár­
ust á þeim tíma sem skipulagið
hefur verið unnið, frá því það var
fyrst auglýst í maí á síðasta ári.
Þá var skipulagsfulltrúa einnig
falið að senda tillöguna til yfir­
ferðar Skipulagsstofnunar og
birta auglýsingu um samþykki
deiliskipulagsins í B­deild Stjórn­
artíðinda. arg
Á fundi Skipulags­ og umhverfis­
ráðs Akraneskaupstaðar 14.
mars voru opnuð tilboð í verk­
ið „Íþróttahús ­ Uppsteypa og
ytri frágangur“ að Jaðarsbökk­
um. Tvö tilboð bárust í verkið og
voru þau annars vegar frá Alefli
ehf. og hljóðaði upp á 1.451 millj­
ón króna og hins vegar frá Flot­
gólfi upp á 1.212 milljónir króna.
Kostnaðaráætlun var 1.088 millj­
ónir. Skipulags­ og umhverfisráð
fól sviðsstjóra að ganga til samn­
inga við lægstbjóðenda sem fel­
ur í sér að þessi verkþáttur við
bygginguna verður 124 milljón­
um krónum hærri en áætlað hafði
verið.
Jarðvegsskipti og breytingar á
lögnum hefur verið í gangi frá því
í haust og annast Vélaleiga Hall­
dórs Sigurðssonar þann verkþátt.
Byggt verður fjölnota íþrótta­
hús og verður það einn áfangi af
mörgum í áframhaldandi upp­
byggingu íþróttamannvirkja á
svæðinu. Húsið samanstendur
af fjölnota íþróttasal og hliðar­
byggingu á tveimur hæðum fyrir
ýmis fylgirými. Íþróttasalurinn er
50 metrar að lengd og 38,5 metrar
á breidd að innanmáli, alls 1.925
fermetrar. Í kjallara eru búnings­
herbergi fyrir íþróttasalinn, Akra­
neshöllina, Akranesvöll, æfinga­
svæðið og önnur útisvæði.
Húsið er ætlað fyrir iðkend­
ur ýmissa greina íþrótta; svo sem
knattspyrnu, körfubolta, hand­
bolta og blak, sem og fyrir nem­
endur Grundaskóla í skólaleik­
fimi. Búningsherbergin eru fyr­
ir alla iðkendur á svæðinu, jafnt
innandyra sem utan. Einnig er
gert ráð fyrir fjölbreyttum uppá­
komum sem geta farið fram í sal
íþróttahússins, svo sem samkom­
ur, tónleikar og svo framvegis.
Samtals verður mannvirkið ríf­
lega 5.300 fermetrar og leggst
annars vegar að norðurgafli Akra­
neshallarinnar og tengist sund­
laugarbyggingu til vesturs hins
vegar, eins og sjá má á meðfylgj­
andi útlitsteikningu.
vaks
Það þykir með tíðunum sæta þegar
stór flutningaskip liggja við fest­
ar á víkinni fyrir framan Ólafs­
vík. Þar lá næstsíðasta mánudag
við festar sænska flutningaskip­
ið Sunnanvík, en samkvæmt sigl­
ingaleið skipsins hafði það farið
suður fyrir Öndverðarnes en snúið
þar við og haldið inn á víkina. Skip­
ið er 124 metra langt, 18 metra
breitt og 9.100 tonn að stærð. Að
sögn hafnarvarðar hafði skipstjór­
anum ekki litist á veðrið og öldu­
hæðina sem var á þessum slóðum
þennan dag, en í suðvestan áttinni
var mikill sjór og ekki bætir ef skip­
ið er tómt, þá veltur það enn meira
í svona hamagangi. Á annarri með­
fylgjandi mynda má sjá Sunnanvík
liggja við festar og dragnótarbátinn
Steinunni SH í forgrunni, en fáir
bátar voru á sjó þennan dag vegna
veðurs, en afli Steinunnar var engu
að síður 18 tonn í þessum róðri.
af
Flotgólf bauð lægst í uppsteypu
íþróttahúss á Jaðarsbökkum
Íþróttasvæðið á Jaðarsbökkum eftir að fyrsta áfanga verksins verður lokið.
Teikning: ASK arkitektar.
Deiliskipulag samþykkt
fyrir Súgandisey
Steinunn SH
og fjær er
Sunnanvík.
Liggja við festar þar til
veðrin ganga niður
Á fimmtudaginn mátti m.a. sjá togarana Málmey SK (á myndinni) og loðnubátinn
Hoffell SU halda sjó fyrir utan Ólafsvík vegna veðurs.