Skessuhorn - 23.03.2022, Blaðsíða 18

MIÐVIKUDAGUR 23. MARS 202218
Pennagrein
Pennagrein
Fimm manna erlend fjölskylda er á
ferð um Ísland og planið er að fara
í þjóðgarðinn Snæfellsnes, gista þar
í nágrenni eina nótt og eyða góðum
parti næsta dags á svæðinu. Kíkja á
Kirkjufellið og skoða Hólminn, en
aka svo Skógarströnd inn í Dali.
Hitta þar fólk og dýr, njóta útiveru
og gista þar næstu nótt. Halda svo
áfram norður yfir Laxárdalsheiði
og í nágrenni Blönduóss er næsta
stopp.
Svona eru margir sem skipuleggja
ferð sína um Ísland. Á sumrum ekur
fjöldinn allur af ferðamönnum yfir
Laxárdalsheiði og Skógarströnd
til að komast á milli Norðurlands
og Vesturlands, ekki vegna þess að
þetta er stysta leiðin, heldur vegna
þess að á leiðinni er margt að sjá og
skoða.
En nú er vetur og þessir veg­
ir ekki þjónustaðir nema með allra
mesta lágmarki og alls ekki um
helgar. Það var einmitt í dag sunnu­
daginn 20. mars sem við áttum von
á hópi íslenskra nema í Leiðsögu­
skólanum, en þeir voru að koma frá
Stykkishólmi og ætluðu um Skógar­
strönd. Kynna sér lítillega hvað er
í boði í Suðurdölum, hitta fólk á
Eiríksstöðum og Erpsstöðum. Veð­
ur er dásamlegt, en ófært um Álfta­
fjörð og Skógarströnd. Starfsmenn
Vegagerðarinnar treysta sér ekki til
að mæla með leiðinni í dag, því það
er ekki hreinsað um helgar. Ekkert
annað að gera en að aka sem leið
liggur beint heim aftur frá Stykk­
ishólmi og framtíðar leiðsögu­
menn læra í ferðinni að það sé ekki
á Dalina að treysta.
Við markaðssetningu ferðafyrir­
tækja í Dölunum fáum við líka
mjög oft þau svör hjá ferðaskrif­
stofum að þær geti ekki tekið áhætt­
una af því að skipuleggja ferð sem
inniheldur Skógarströndina. Þrátt
fyrir spennandi afþreyingu í Döl­
um verða til slæmar minningar á
Skógarströnd og draga niður upp­
lifun gesta.
Svo er verið að tala um mikil­
vægi þess að efla samgöngur inn­
an svæða, en eins og oft áður, þá
eru Dalirnir afgangs stærð. Hér
er ótryggt rafmagn, ótryggt fjar­
skiptanet, ótryggar samgöngur inn­
an héraðs. Hins vegar jafnan gott
veður, gott fólk, góðar sögur og
góður ís.
Anna Sigríður Grétarsdóttir,
Dalakoti
Bjarnheiður Jóhannsdóttir,
Eiríksstöðum
Guðrún Björg Bragadóttir,
Dalahyttum
Þorgrímur Einar Guðbjartsson,
Erpsstöðum
Það er vetur á Íslandi
í mars 2022
Nýverið bættist Grundarfjarðarbær
í hóp þeirra sveitarfélaga sem vinna
að því að verða barnvænt sveitarfé­
lag. Á fundi sínum í janúar síðast­
liðnum ákvað bæjarstjórn að inn­
leiða verkefnið í starfsemi bæjarins.
Björg Ágústsdóttir bæjarstjóri og
Ólafur Ólafsson íþrótta­ og tóm­
stundafulltrúi tóku þátt í kynn­
ingarfundi 11. mars síðastliðinn
fyrir barnvæn sveitarfélög á veg­
um UNICEF á Íslandi, sem hafa
umsjón með verkefninu á landsvísu.
Alls eru nú tuttugu sveitarfélög sem
hafa hlotið staðfestingu sem Barn­
vænt sveitarfélag eða vinna að því.
Þetta kom fram á vefsíðu Grundar­
fjarðarbæjar.
Barnvæn sveitarfélög er verk­
efni sem styður sveitarfélög við að
innleiða Barnasáttmála Sameinuðu
þjóðanna í alla sína stjórnsýslu
og starfsemi. Verkefnið byggir
á alþjóðlegu verkefni UNICEF,
Child Friendly Cities Initiative
(CFCI), sem hefur verið innleitt
í þúsundum sveitarfélaga út um
allan heim frá árinu 1996. Verk­
efnið byggir jafnframt á efni frá
umboðsmönnum barna í Noregi
og Svíþjóð og UNICEF í Finn­
landi. UNICEF á Íslandi hefur
umsjón með verkefninu en verk­
efnið er stutt af mennta­ og barna­
málaráðuneyti.
Sveitarfélög sem taka þátt og inn­
leiða Barnasáttmálann hljóta viður­
kenningu sem Barnvæn sveitarfé­
lög þegar innleiðingu er lokið. Inn­
leiðingarferlið tekur að minnsta
kosti tvö ár og skiptist í átta skref
sem sveitarfélag stígur með það
að markmiði að virða og uppfylla
réttindi barna. Sveitarfélögin munu
þannig innleiða Barnasáttmálann
með markvissum hætti í alla sína
stjórnsýslu og starfsemi með stuðn­
ingi frá UNICEF á Íslandi. vaks
Frá undirritun 11. mars. Fulltrúar Grundarfjarðarbæjar, Múlaþings og Stranda-
byggðar, sem bættust í hóp sveitarfélaga sem vinna að því að verða Barnvæn
sveitarfélög. Ljósm. af vef Grundarfjarðarbæjar.
Grundarfjörður
verður barnvænt
sveitarfélag
Kæri frambjóðandi!
Nú fer að líða að sveitarstjórnar­
kosningum og þú hefur ákveðið að
gefa kost á þér sem fulltrúi samfé­
lagsins sem þú býrð í. Þér finnst þú
í stakk búinn til þess að geta bor­
ið hagsmuni íbúana í samfélaginu
fyrir brjósti þér. Hjá þér brennur
áhugi og dyggð að gera gott sam­
félag enn betra. Þú hefur ákveðið
að berjast fyrir ákveðnum málefn­
um sem þér finnst megi standa bet­
ur að. Tilgangur minn hér í dag er
að vekja athygli þína á mjög mik­
ilvægu málefni. Málefni sem snert­
ir börnin í samfélaginu, börnin sem
þurfa á aðstoð að halda í skólanum.
Að vera með barn í fyrsta bekk,
sem segist ekki langa í skólann því
það sé ekki gaman, tekur ótrúlega
mikið á. Barn sem er á biðlista eftir
greiningu vegna ADHD sem tekur
12 til 14 mánuði. Barn sem finnur
sig ekki í skólakerfinu og gengur illa
að aðlagast skólanum og skólakerf­
inu. Vissulega hefur verið reynt að
finna lausn með sjónrænu skipulagi
og umbunarkerfi. Þar að auki var
lausn skólans að setja barnið í auð­
veldara námsefni. En hvað svo?
Ekki er starfandi þroskaþjálfi eða
iðjuþjálfi við skólann til þess að
geta aðlagað umhverfið að barninu.
Leiðbeint kennara og verið til halds
og traust fyrir barn og kennara svo
barninu líði vel. Skólasálfræðing­
ur kemur inn í skólann í mýflugu­
mynd, með þeim afleiðingum að
ekki er fræðilegt fyrir barnið að
komast að. Því hann kemur í stutt­
an tíma og er hlaðinn verkefnum.
Hver einasti morgunn er einn
kvíðahnútur í maga foreldra og
barns. Foreldrar gera sitt allra besta
til að upphefja skólann. Barnið er
farið að gera upp veikindi, maga­
verk eða talar um að hafa kastað
upp. Fylgja barninu í skólann af
hræðslu við að einn daginn fari það
ekki inn og tekur upp á því að fara
annað. Að standa í anddyri skól­
ans og láta starfsfólk rífa barnið úr
fanginu á sér hágrátandi. Að labba
til vinnu með hnút í maga, tár­
in í augum og sting í hjarta. Vera í
vinnu eins og þú hefur verið kýldur
fast í maga.
Já, barnið er aðeins í 1. bekk.
Hvað er fram undan næstu 10 ár
ef þetta er staðan í dag? Barn sem
finnur sig ekki í nýju umhverfi
vegna þess að því líður eins og það
passi ekki inn, því líður illa. Er
utanvelta frá samnemendum sínum
og á í hættu að flosna upp úr námi.
Kvíði sem byggist upp við að fara í
skólann eykst og þróast meira með
hverjum degi. Það er hlutverk skól­
ans að passa upp á að allir fái jafnt
tækifæri til að láta ljós sitt skína. Ef
barni gengur illa á einhverju sviði
þá þarf það betra utanumhald og
stuðning.
Þá kemur að tilgangi mínum með
ofangreindum upplýsingum kæri
frambjóðandi. Það er mikilvægt að
horfa til skólamála í sveitarfélögum.
Í skóla án aðgreiningar er talað um
jöfnuð. Hvar er jöfnuður fyrir nem­
endur með sértækar þarfir ef það er
bara einn kennari með heilan bekk
af börnum og fær jafnvel ekki nema
einn starfsmann sér til stuðnings,
því ekki er til fjármagn fyrir fleiri
stöðugildum. Tveir starfsmenn
þurfa að vera til staðar og aðstoða
alla nemendur, jafnvel á sama tíma.
Ofan á það bætist að þurfa að sinna
1 til 4 börnum með sértækar þarf­
ir með mismunandi greiningar og
námsörðugleika.
Einmitt á þessum tíma þarf að
kafa vel ofan í menntamál sveitar­
félagsins og finna lausn hvern­
ig skólinn ætlar að koma til móts
við börnin svo að þeim líði vel
í skólaumhverfinu. Ekki aðlaga
barnið að umhverfinu heldur að
aðlaga umhverfið að barninu. Ég
get sagt þér kæri frambjóðandi
að dæmisagan hér að ofan er ekki
einstakt tilvik, hef ég heyrt þær
margar. Nú hvet ég þig kæri fram­
bjóðandi, íhugaðu hvernig mennta­
málin eru í þínu sveitarfélagi og
hvernig ætlar þú að gera betur fyr­
ir börn með sértækar þarfir. Koma
í veg fyrir að börn finni fyrir kvíða
að mæta í skólann. Hvernig ætlar
skólinn að koma til móts við fjöl­
skyldur? Koma í veg fyrir að for­
eldrar fari frá börnum til vinnu
með kvíðahnút í maganum?
Það sem þú getur gert kæri fram­
bjóðandi er að þú getur breytt
aðstæðum í þínu sveitarfélagi með
því að hefja frumgreiningu strax á
leikskólaaldri, í stað þess að byrja á
því þegar barn byrjar í grunnskóla
eða rétt í lok leikskólans þegar það
er stutt í sumarfrí. Með því ertu
að flýta fyrir ferlinu og hugsan­
lega gæti barn verið byrjað í með­
ferð áður en grunnskólastigið hefst.
Sem gerir það að verkum að barnið
hefur náð tökum á því sem er að
hrjá það. Skólaumhverfið er reiðu­
búið að taka á móti barninu og
aðlaga sig að því.
Því ég er viss um að með sam­
hentri vinnu sé hægt að gera betur
gagnvart þessum börnum. Saman
getur sveitarfélagið, skólastjórn­
endur og fjölskyldur unnið saman
að börnunum líði vel í skólanum
þrátt fyrir greiningar og námsörð­
ugleika.
Virðingarfyllst,
Stefanía Björg Jónsdóttir kjósandi
Áskorun til væntanlegra frambjóðenda