Skessuhorn - 23.03.2022, Blaðsíða 11

MIÐVIKUDAGUR 23. MARS 2022 11

AUGLÝSING UM SKIPULAG
Í samræmi við 1. mgr. 31. gr. skipulagslaga nr. 123/2010 eru hér með auglýstar tillögur að breytingu
á Aðalskipulagi Borgarbyggðar 2010-2022.
Aðalskipulagsbreyting – Jarðgerðarmiðstöð á Hvanneyri.
Sveitarstjórn Borgarbyggðar samþykkti þann 10. febrúar 2022 að auglýsa tillögu að breytingu á
aðalskipulagi á Hvanneyri í Borgarbyggð.
Sett er fram stefna um að breyta landnotkun á 1,9 ha svæði á Hvanneyri úr landbúnaði í þjónustu-
stofnun. Þjónustusvæði (Þ1) á Hvanneyri er stækkað úr 1,1 ha í 3 ha þar sem fyrirhugað er að reisa
nýja Jarðræktarmiðstöð Landbúnaðarháskólans. Nýtingarhlutfall er jafnframt hækkað úr 0,05 í
0,35.
Aðalskipulagsbreyting – frístundasvæði í Urriðaárlandi í Borgarbyggð.
Sveitarstjórn Borgarbyggðar samþykkti þann 10. febrúar 2022 að auglýsa tillögu að breytingu á
aðalskipulagi á frístundasvæði í Urriðaárlandi í Borgarbyggð.
Sett er fram stefna um að breyta landnotkun á 12 ha svæði í Urriðaárlandi úr landbúnaði í
frístunda byggð. Frístundabyggð (F11) er stækkuð úr 11,4 ha í 23,4 ha þar sem fyrirhugað er að
breyta legu vegar, auka á frístundalóðir um 17 og leiðrétta ytri mörk svæðis. Aðkoma er um
Snæfells nesveg (54) um tvær vegtengingar, Brókarstíg og Klettastíg.
Í samræmi við 1. mgr. 41. gr. og 1. mgr. 43. gr. skipulagslaga nr. 123/2010 eru hér með auglýstar
tillögur að nýju deiliskipulagi og að breytingu á deiliskipulagi í Borgarbyggð.
Deiliskipulag – frístundabyggð í landi Urriðaár við Klettastíg og Birkistíg
Sveitarstjórn Borgarbyggðar samþykkti þann 10. febrúar 2022 að auglýsa tillögu að nýju
deiliskipulagi frístundabyggðar í landi Urriðaár við Klettastíg og Birkistíg í Borgarbyggð.
Deiliskipulagið tekur til 9,4 ha svæðis innan frístundabyggðar (F11) í landi Urriðaár. Tekur skipu-
lagið til 15 nýrra frístundalóða. Aðkoma að lóðum verður um Brókarstíg og Klettastíg sem tengjast
Snæfellsnesvegi (54). Gerð er breyting á Aðalskipulagi Borgarbyggðar 2010-2022 samhliða.
Breyting á deiliskipulagi – frístundabyggð í landi Urriðaár
Sveitarstjórn Borgarbyggðar samþykkti þann 10. febrúar 2022 að auglýsa tillögu að breytingu
deiliskipulags frístundabyggðar í landi Urriðaár í Borgarbyggð.
Breytingin tekur til vegtengingar innan svæðis og að Snæfellsnesvegi (54), afmörkun skipulags-
svæðis er breytt ásamt lóðamörkum og byggingarreitum. Jafnframt eru skilgreindar 2 nýjar lóðir,
breyting gerð á göngustígum og opnum svæðum. Aðkoma að lóðum verður um Brókarstíg og
Klettastíg sem tengjast Snæfellsnesvegi. Gerð er breyting á Aðalskipulagi Borgarbyggðar 2010-
2022 samhliða.
Ofangreindar skipulagsáætlanir eru aðgengilegar á heimasíðu Borgarbyggðar www.borgarbyggd.
is frá 23. mars til og með 5. maí 2022. Ef óskað er eftir nánari kynningu á ofangreindum tillögum
þarf að panta tíma hjá skipulagsfulltrúa.
Hverjum þeim aðila sem telur sig eiga hagsmuna að gæta er gefinn kostur á að gera athugasemd
við auglýstar skipulagstillögur og er frestur til að skila inn athugasemdum til 5. maí 2022.
Athugasemdum skal skila skriflega í Ráðhús Borgarbyggðar, Bjarnabraut 8, 310 Borgarnesi, b.t.
skipulagsfulltrúa eða á netfangið skipulag@borgarbyggd.is eða thjonustuver@borgarbyggd.is .
Í samræmi við 1. mgr. 30. gr. skipulagslaga nr. 123/2010 eru hér með auglýstar skipulagslýsingar
að breytingu á Aðalskipulagi Borgarbyggðar 2010-2022.
Lýsing að breytingu aðalskipulags – Húsafell í Borgarbyggð.
Sveitarstjórn Borgarbyggðar samþykkti þann 10. mars 2022 að auglýsa lýsingu að breytingu á
aðalskipulagi fyrir frístundasvæðið Litlu-Tunguskógur í Húsafelli í Borgarbyggð.
Fyrirhugað er að breyta landnotkun landsvæðis Litlu-Tunguskóga (L219075) í Húsafelli úr
frístunda byggð í íbúðarsvæði. Svæðið er staðsett 600m austan þjónustumiðstöðvarinnar í
Húsafelli, á milli Hálsasveitarvegar og Hvítár. Í gildi er deiliskipulag frá árinu 2007 sem gerir ráð
fyrir 54 frístundalóðum og einni þjónustulóð. Gerð verður breyting á deiliskipulagi samhliða. Þar
verði gert ráð fyrir að 40 lóðir verði að íbúðahúsalóðum en 14 lóðir austast á svæðinu verði áfram
skilgreindar sem frístundalóðir. Aðkoma er um Hálsasveitarveg (518).
Lýsing að breytingu aðalskipulags – Breiðabólsstaður 2 í Borgarbyggð.
Sveitarstjórn Borgarbyggðar samþykkti þann 10. febrúar 2022 að auglýsa tillögu að breytingu á
aðalskipulagi fyrir íbúðabyggð á Breiðabólsstað 2 í Reykholti, Borgarbyggð.
Fyrirhugað er að breyta landnotkun svæðis í landi Breiðabólsstaðar úr landbúnaðarlandi (L) og
athafnasvæði (A1) í íbúðarsvæði (Í4). Breytingin á við um 30,5 ha svæðis og mun þéttbýlissvæði
Reykholts stækka sem um þessu nemur. Stefnt er að því að á svæðinu verði 85-100 einbýlis-,
par- og raðhúsalóðir auk einnar lóðar fyrir verslun og þjónustu (S2) á þegar skilgreindum reit á
aðalskipulagi. Aðkoma er um Hálsasveitarveg (518).
Ofangreindar lýsingar eru aðgengilegar á heimasíðu Borgarbyggðar www.borgarbyggd.is frá 23.
mars til og með 10. apríl 2022. Ef óskað er eftir nánari kynningu á ofangreindum skipulagslýs-
ingum þarf að panta tíma hjá skipulagsfulltrúa.
Hverjum þeim aðila sem telur sig eiga hagsmuna að gæta er gefinn kostur á að koma með
ábendingar við auglýstar skipulagslýsingar og er frestur til að skila inn ábendingum til 10. apríl
2022. Ábendingum skal skila skriflega í Ráðhús Borgarbyggðar, Bjarnabraut 8, 310 Borgarnesi,
b.t. skipulagsfulltrúa eða á netfangið skipulag@borgarbyggd.is eða
thjonustuver@borgarbyggd.is.
Borgarbyggð, 23. mars 2022
Skipulagsfulltrúi Borgarbyggðar
Gísli Marteinsson sjómaður í Ólaf­
vík var glaður í bragði á laugar­
daginn þegar hann kom að landi á
báti sínum Glaði SH. Eftir langan
óveðursafla komust smærri bát­
ar loks á sjó og var afli góður hjá
þeim bátum sem róa á handfærum.
Gísli var með þrjú tonn af flottum
þorski. Handfærabáturinn Hilmir
SH var með 1,5 tonn og Katrín II
SH með um eitt tonn.
Hins vegar var lítið hjá línubát­
um og kenna menn um að mik­
ið af loðnu er nú í Breiðafirði og
lítur þorskurinn því ekki við beit­
unni. Netabáturinn Bárður SH
heldur áfram að mokfiska og land­
aði 70 tonnum á laugardag í tveim­
ur löndunum. Vonast sjómenn nú
eftir því að veður fari að skána og
segja að nóg sé komið af ótíð í bili.
af
Gott á handfærum
en slakt á línu
Gísli Marteins var glaður með afla dagsins.
Sími 433 5500 • skessuhorn.is
Starf blaðamanns
á Skessuhorni
Skessuhorn – fréttaveita Vesturlands, auglýsir starf
blaðamanns laust til umsóknar.
Viðkomandi þarf að hafa áhuga á umfjöllun um líf og störf íbúa á
Vesturlandi, en starfssvæðið nær frá Hvalfirði í suðri, um Akranes,
Borgarfjörð, Snæfellsnes og Dali og í Reykhólasveit. Aðalskrifstofan
er á Akranesi, en til greina kemur að viðkomandi hafi búsetu á
öðrum stöðum innan starfssvæðisins.
Skessuhorn ehf. rekur samnefnt vikublað og vef. Miklar breytingar
eru framundan á fréttavef okkar og felur starfið m.a. í sér umsjón
með honum, auk almennra fréttaskrifa og viðtala.
Umsækjendur þurfa að hafa gott vald á íslensku máli í ræðu og
riti, sem og staðgóða kunnáttu í ensku og notkun samfélagsmiðla.
Þá þurfa umsækjendur að geta unnið sjálfstætt, hafa áhuga á
málefnum líðandi stundar, hafa góða samskiptahæfileika, sýna
frumkvæði og metnað.
Umsóknir sendist á netfangið; skessuhorn@skessuhorn.is
fyrir 27. mars nk. Ráðið verður í starfið við fyrsta hentugleika.
Nánari upplýsingar veitir Magnús Magnússon ritstjóri í
síma 894-8998.