Skessuhorn - 23.03.2022, Blaðsíða 7

MIÐVIKUDAGUR 23. MARS 2022 7
Starfsmaður á höfn
Grundarfjarðarhöfn óskar eftir að ráða starfsmann í afleysingar hið fyrsta.
Leitað er að áhugasömum starfsmanni með ríka þjónustulund og metnað til að skila góðu starfi
Grundarfjarðarbær
SK
ES
SU
H
O
R
N
2
02
2
Starfsmaðurinn sinnir hafnarvörslu, vigtun sjávarafla, hafnarvernd, ásamt almennum viðhalds- og þjónustuverkefnum
hafnarinnar og öðrum þeim verkefnum sem yfirmaður felur honum.
Starfshlutfall er 100%, í samræmi við opnunartíma hafnar og vinnufyrirkomulag. Starfsmaður getur þurft að sinna útköllum
utan opnunartíma.
Gert er ráð fyrir að viðkomandi fari á vegum hafnarinnar á námskeið til löggildingar sem vigtarmaður, ef viðkomandi hefur
þau réttindi ekki fyrir.
Hæfniskröfur:
• Viðkomandi þarf að vera ábyrgur, lipur í samskiptum, stundvís og hafa góða þjónustulund
• Sjálfstæð vinnubrögð og frumkvæði í starfi
• Þarf að hafa bílpróf
• Skipstjórnarmenntun er kostur og viðkomandi þarf að vera kunnugur staðháttum
• Enskukunnátta æskileg
• Almenn færni í tölvum og áhugi á að setja sig inní þau forrit sem höfnin notar
Starfsmaður starfar undir verkstjórn hafnarstjóra.
Ráðið er í starfið frá apríl til október.
Hjá Grundarfjarðarhöfn starfa nú tveir starfsmenn. Í undirbúningi er nýtt vaktafyrirkomulag og ráðning
í viðbótarstarf á höfninni.
Launakjör eru samkvæmt kjarasamningi Sambands íslenskra sveitarfélaga og viðkomandi stéttarfélags.
Umsóknarfrestur er til og með þriðjudeginum 5. apríl 2022.
Upplýsingar um starfið veitir Hafsteinn Garðarsson hafnarstjóri í síma 8649225 eða gegnum hofn@grundarfjordur.is
Sótt er um starfið gegnum vef Grundarfjarðarbæjar, undir Laus störf.
Hafnarstjóri Grundarfjarðarhafnar
Eftir mikla snjókomu síðustu daga
var aftur hægt að ræsa skíðalyftuna
í Grundarfirði sunnudaginn 20.
mars. Fólk þyrptist í brekkuna enda
veður með eindæmum gott. Ágætis
hiti og sól fyrri hluta dags. Einnig
var opið mánudaginn 21. mars þó
að veðrið hafi verið aðeins lakara.
Það er um að gera að nýta hvern
dag sem býðst enda sólin að hækka
á lofti og vorið skammt undan.
tfk
Skammhlaup Fjölbrautaskólans á
Akranesi verður haldið á ný í dag,
miðvikudag, en því hefur ver­
ið frestað síðustu tvö ár vegna far­
aldursins. Tveir kennarar skól­
ans, þau Finnbogi Rögnvalds­
son og Aldís Ýr Ólafsdóttir, eru
í skipulagsnefnd þetta árið ásamt
stjórn nemendafélagsins. Þau segja
að Skammhlaup hafi fyrst ver­
ið haldið árið 1999 og megintil­
gangurinn hafi alltaf verið sá að
brjóta upp kennsluna í skólanum
og hafa smá fjör og gaman í bland
við fíflagang. Alls keppa í ár sex
lið nemenda og eru um 50 manns
í hverju liði. Hópstjórar hvers liðs
eru útskriftarnemar skólans og þeir
passa upp á að allir taki þátt.
Fjörið hefst á hádegi að þessu
sinni með skrúðgöngu nemenda í
lögreglufylgd frá skólanum niður
í íþróttahúsið við Vesturgötu þar
sem keppnin hefst. Meðal greina
þar má nefna sipp, kaðlaklifur, reip­
tog, stígvélaspark og limbó. Að því
loknu verður farið aftur upp í skóla
þar sem alls kyns þrautir verða
lagðar fyrir nemendur og end­
ar keppnin á sal þar sem Finnbogi
spyr þau spjörunum úr og þau taka
þátt til að mynda í planki, að verpa
eggjum, „silly walk“ og örleikriti.
Finnbogi og Aldís Ýr segja að
lokum að krakkarnir séu mjög
spenntir fyrir þessu öllu saman og
þá munu kennarar taka þátt í fjör­
inu og klæða sig í búninga til að
auka stemninguna. Í kvöld verður
svo ball á Gamla Kaupfélaginu til
að ljúka Skammhlaupinu með stæl.
vaks
Frá keppni í limbói í Skammhlaupi
árið 2018. Ljósm. úr safni
Skammhlaup 2022 í FVA í dag
Finnbogi og Aldís Ýr, kennarar í FVA. Ljósm. vaks
Séð yfir brekkuna fögru.
Mikið fjör á skíða-
svæði Snæfellinga
Júlíus Már Freysson geysist hér framhjá ljósmyndara Skessuhorns og rann fimlega
niður brekkuna.
Einhverjir renna sér út af troðnu brautunum og leggja smá krók á leið sína niður
að lyftunni aftur.
Það snjóaði aðeins á skíðaiðkendur á mánudaginn síðasta en það spillti ekki
gleðinni hjá skíðagörpum.