Skessuhorn - 23.03.2022, Blaðsíða 16

MIÐVIKUDAGUR 23. MARS 202216
Bjarti Petersen og Idar Beck voru brosmildir eins og Færeyingum er tamt.
Áhugi Íslendinga á knattspyrn­
unni í Bretlandi hefur verið mikill
í gegnum tíðina og fjöldi einstak­
linga á sitt uppáhaldslið í breska
boltanum. Margir hafa gengið svo
langt að kalla bresku knattspyrnuna
þjóðaríþrótt okkar Íslendinga. Lið
á borð við Liverpool og Manchest­
er United eiga fjölmennustu stuðn­
ingsmannahópana hér á landi. Þá
eiga Arsenal, Chelsea, Tottenham
og jafnvel Leeds United dygga
stuðningsmenn. Þó að flestir sóp­
ist að áðurnefndum liðum leynast
nokkrir sem fara ekki troðnar slóð­
ir í leit að uppáhaldsliði sínu.
Á eignarhlut í félaginu
Einn knattspyrnuáhugamaður
hér á landi heldur með skoska 2.
deildarliðinu Stenhousemuir FC.
Er stoltur af og á meira að segja
tíu þúsund króna hlut í félaginu.
Þetta er Gísli Gíslason, fyrrum
bæjarstjóri og hafnarstjóri Faxa­
flóahafna og núverandi stjórnar­
formaður í Breið þróunarfélagi á
Akranesi. Gísli mætti á völlinn hjá
Stenhousemuir FC nú í lok febrú­
ar ásamt eiginkonu sinni, Hallberu
Fríði Jóhannesdóttur, syni sínum
Magnúsi Kjartani og Kjartani Olver
Ianto barnabarni sínu, en Magnús
Kjartan hefur verið búsettur í Glas­
gow síðastliðin 15 ár og er dósent
við Háskólann í Reykjavík. Saman
sáu þau Stenhousemuir FC leggja
Forfar Athletic að velli 2:0. Sten­
housemuir er rúmlega tíu þúsund
manna bær staðsettur nokkurn veg­
inn mitt á milli Glasgow og Edin­
borgar og er í útjaðri bæjarins Fal­
kirk.
Lékum undir merkjum
Stenhousemuir
„Forsaga þess að Stenhousemu­
ir varð mitt lið má rekja til áranna
í kringum 1969 og 1970 þegar
ég og vinur minn fengum mik­
inn áhuga á ensku knattspyrnunni.
Þá var hlustað á útsendingar BBC
World Service í útvarpinu og öll
úrslit skráð niður í öllum deild­
um í Englandi og Skotlandi og auk
þess þekktum við nánast öll nöfn
leikmanna í deildunum á þessum
tíma. Stenhousemuir FC styrkt­
ist enn í sessi þegar bekkurinn
minn og annar bekkur til í MR
lékum undir merkjum félagsins í
knattspyrnumótum skólans á árun­
um 1973 til 1976 og tengdust flestir
leikmenn liðsins strákum sem voru
úr KR á þeim árum og varð liðið
það sigursælasta í skólanum. Sten­
housemuir MR lék í Gróttubún­
ingunum og fór úrslitaleikur skóla­
mótsins ávallt fram á Melavellinum
en hinir leikirnir á perlumölinni á
Háskólavellinum. Þá voru mætt­
ar í skólann þær Hallbera Jóhann­
esdóttir og Erla Þorvaldsdóttir af
Skaganum og voru dyggir stuðn­
ingsmenn liðsins og mættu á alla
leiki þess og hvöttu okkur áfram.
En ég held að það sem kveikti
áhuga minn á félaginu hafi verið
nafnið sjálft og ég fór þá að kynna
mér merka sögu þess,“ segir Gísli.
Bærinn Stenhousemuir dreg­
ur nafn sitt af Stenhouse sem var
hlaðið steinhús sem var einskonar
gufubað fyrir Arthur konung þegar
hann var á ferðinni í Skotlandi,
en hann varði Bretland gegn inn­
rásarher Saxa á sjöttu öld. Talið
var að baðhúsið hafi staðið þar til
á átjándu öld þegar það var rifið.
Heimavöllur Stenhousemuir ber
nafnið Ochillview Park og dregur
nafn sitt af Ochil hæðum sem eru í
nágrenni bæjarins. Völlurinn getur
tekið við um 3.700 áhorfendum og
þar af 626 í sæti.
Litlu félögin
eru hornsteinninn
„Liðið hefur lengst af leikið í neðstu
eða næst­neðstu deild í Skotlandi.
En í mínum huga stendur liðið fyr­
ir svo margt sem ég tel mikilvægt
í grasrót hvers knattspyrnufélags.
Félagið er nærsamfélagi sínu mjög
mikilvægt. Styður æskulýðs­ og
uppeldisstarf og ekki síst samfélags­
verkefni. Allar þessar grunnstoð­
ir eru svo mikilvægar og í raun það
sama og allir hér á Akranesi þekkja
sem vinna fyrir íþróttahreyfinguna.
Við erum mikilvæg samfélagi okk­
ar. Því þrátt fyrir allt þá eru það
litlu félögin sem eru hornsteinn­
inn, eru grunnurinn að allri upp­
byggingu m.a. í því að búa til leik­
menn til framtíðar.“
Sem dæmi um samtakamátt­
inn í félaginu nefnir Gísli að þegar
Covid­19 gekk hvað harðast yfir þá
snéru liðsmenn og sjálfboðaliðar á
vegum Stenhousemuir FC, karl­
ar og konur, sér að samfélagsverk­
efnum. Fóru með mat til þeirra sem
veiktust og keyptu inn fyrir aðra og
aðstoðuðu þá sem þurftu aðstoð.
Í Stenhousemuir hitti Gísli
Íslandsvininn Marc Boal, sem kom
frá Aberdeen til að hitta Gísla og
mæta á leikinn, en Boal þessi er
mikill áhugamaður um íslenska
knattspyrnu og hefur skrifað tvær
bækur um knattspyrnuna á Íslandi.
Í annarri þeirra er góð umfjöllun
um Skagamenn þar sem hann ræðir
m.a. við Gísla, Jón Gunnlaugsson,
Sigurð Jónsson og fleiri, auk þess
sem fjallað er um Ríkharð Jónsson,
gullaldarliðið og spjöld sögunnar
sem Haraldur Sturlaugsson hefur
sett upp í Akraneshöllinni. Þá hef­
ur hann verið í samstarfi við Þrótt
frá Reykjavík og skipulagði fyrir
nokkrum árum ferð fyrir „old boys“
Þróttar til Skotlands og léku þeir
meðal annars gegn Steinhousemu­
ir í þeirri ferð. Nú stendur til að
fara aðra slíka ferð hjá Þrótti á vor­
mánuðum.
Í hópi með frægum
stuðningsmönnum
liðsins
Gísli segir það vera nokkuð
athyglis vert að það er hópur Norð­
manna og einhverjir Danir sem
eru öflugir stuðningsmenn félags­
ins og eiga þeir einhvern hlut í
félaginu og heitir aðalstúkan Nor­
egsstúkan (The Norway Stand).
Líklegt er að það tengist með
einhverjum hætti aðkomu þeirra
að félaginu. Til gamans má geta
þess að auk Norðmannanna og
Gísla eru tveir heimsfrægir leikar­
ar sem eru stuðningsmenn liðsins.
Þeir eru Sir Michael Palin, sem
var einn úr Monty Python grín­
leikarahópnum auk þess að vera
afkastamikill þáttagerðamaður í
sjónvarpi, en hinn er Isiah Whit­
lock Jr. einn aðalleikara sjónvarps­
þáttaraðarinnar The Wire.
„Það hafði alltaf verið á dag­
skrá hjá mér að fara á leik með
Stenhousemuir FC og loks tókst
það nú í febrúar síðastliðnum og
svo að sjálfsögðu fór ég þangað
til þess að fylgjast með hvernig
eignarhlutur minn í félaginu er að
ávaxtast,“ segir Gísli léttur í bragði
að endingu.
se
Færeyskt frystiskip með viðkomu í Ólafsvík
Færeyska frysti­ og línuveiðiskip­
ið Jogvan 1 frá Toftum í Færeyj­
um leitaði til hafnar í síðustu viku í
Ólafsvík vegna bilunar í beitningar­
vél. Biðu skipverjar eftir viðgerðar­
mönnum frá Mustad í Reykjavík,
umboðsmönnum beitningarvél­
anna.
Að sögn Bjarta Petersen á Jogv­
an eru þeir komnir með 100 tonn
af fiski um borð og ætla að ná
200 tonnum áður en þeir halda til
löndunar í Færeyjum. „Það er búið
að vera hræðilegt veður allan túrinn
svo við erum ánægðir með aflabrögð
miðað við veðuraðstæður,“ sagði
Bjarti í samtali við Skessuhorn. Um
borð í skipinu er 16 manna áhöfn.
Eins og vanalega þegar bátar
koma til hafnar vill vera mannmargt
á bryggjunni til þess að spjalla við
skipsverja. Einn þeirra sem mættu
á bryggjuna var Pétur Steinar
Jóhannsson, sem er ritstjóri Sjó­
mannablaðs Snæfellsbæjar. Hann
kom færandi hendi og fór um borð
til þess að gefa skipsverjum nokkur
gömul sjómannablöð. Voru þau vel
þegin af skipverjum. af
Jogvan 1 frá Færeyjum við bryggju í Ólafsvík.
Hallbera fagnar á leik með MR Sten-
housemuir.
Fer ekki troðnar slóðir í leit að að uppáhaldsliðinu sínu
Gísli er mikill stuðningsmaður Stenhousemuir FC í 2. deildinni í Skotlandi
Gísli, Hallbera, Kjartan Olver Ianto, barnabarn Gísla, og Magnús Kjartan sonur
Gísla fyrir utan leikvöll Stenhousemuir FC.
Gísli fagnar sínum mönnum þegar þeir
ganga til leiks á Ochillview Park.
Gísli ásamt Íslandsvininum Marc Boal
sem mætti á leikinn frá Aberdeen.
Leikurinn í gangi á Ochillview Park.
Sigurvegar í skólamóti. MR Stenhousemuir.