Skessuhorn - 23.03.2022, Blaðsíða 6

MIÐVIKUDAGUR 23. MARS 20226
Hrútur í skottinu
BORGARFJ: Síðasta laugar­
dag var bíll stöðvaður af lög­
reglunni skammt hjá Hvann­
eyri. Þar var farþegi með hrút
með sér í skotti bifreiðarinn­
ar en slíkt er með öllu ólöglegt.
Skýringin var sú að verið væri
að flytja hrút og var hrúturinn
fyrst aleinn í skottinu en hafði
stangað afturrúðuna úr bif­
reiðinni sem var Land Cruiser
jeppi. Því fór farþeginn afturí
til að halda í hrútinn svo hann
myndi ekki skemma bílinn
meira. Ekki urðu frekari eftir­
málar af þessu og líklegast að
hrútur og samferðamenn hafi
komist á leiðarenda í sátt og
samlyndi. -vaks
Leysa starf tóm-
stundafulltrúa
til sín
BORGARBYGGÐ: Á fundi
fræðslunefndar Borgarbyggðar
í síðustu viku kynnti sviðsstjóri
fjölskyldusviðs minnisblað um
endurskoðun á samstarfssamn­
ingi Borgarbyggðar og UMSB
um starf tómstundafulltrúa.
Fræðslunefnd samþykkti tillögu
sviðsstjóra sem snýr að því að
samningnum verði sagt upp og
að Borgarbyggð taki starf tóm­
stundafulltrúa aftur yfir til sín.
„Þau verkefni sem tómstunda­
fulltrúi hefur verið með hjá
UMSB eru vinnuskólinn, sum­
arfjör, frístund og félagsmið­
stöð. Gert er ráð fyrir því að
Borgarbyggð bjóði núverandi
tómstundafulltrúa hjá UMSB
tímabundna ráðningu og er
það hugsað til þess að sú fag­
lega starfsemi sem byggst hef­
ur upp færist farsællega yfir til
Borgarbyggðar. Það er mikil­
vægt fyrir Borgarbyggð að fá
aftur til sín starf tómstunda­
fulltrúa og sú fagþekking sé til
staðar hjá sveitarfélaginu. Það
er sérstaklega mikilvægt í ljósi
nýrra laga um samþætta þjón­
ustu en einnig til að tryggja
rödd tómstunda innan stjórn­
sýslu Borgarbyggðar,“ segir í
bókun nefndarinnar. -mm
Stjórnmálasamtök
þurfa að skrá sig
LANDIÐ: Ný kosningalög
tóku gildi í byrjun síðasta árs,
lög nr. 112/2021. Lögin gilda
um kosningar til sveitarstjórna
sem fram fara laugardaginn 14.
maí næstkomandi. Allnokkur
nýmæli er þar að finna. Með­
al annars þau að þegar fram­
boðslista er skilað til yfirkjör­
stjórnar skal honum fylgja stað­
festing á skráðu heiti og lista­
bókstaf nýrra stjórnmálasam­
taka. Um skráningu stjórnmála­
samtaka er fjallað í lögum um
starfsemi stjórnmálasamtaka
nr. 162/2006, þar sem segir að
ríkis skattstjóri skrái stjórnmála­
samtök og starfræki stjórnmála­
samtakaskrá. Hyggist stjórn­
málasamtök bjóða fram í sveit­
arstjórnarkosningunum 14. maí
þurfa þau að vera skráð í stjórn­
málasamtakaskrá. Allar upplýs­
ingar um umsóknarferlið er að
finna inn á vefsíðu ríkisskatt­
stjóra. Á vef skattstjóra kem­
ur fram að skráning í skrána sé
valkvæð fyrir stjórnmálasamtök.
Ætli samtök hins vegar að bjóða
fram í kosningum er þeim skylt
að vera skráð í stjórnmálasam­
takaskrá. -mm
Fleiri
vistvæna bíla
LANDIÐ: Stjórnvöld hafa
lagt til að fjölga rafmagnsbílum
sem geta fengið ívilnun í formi
niðurfellingar virðisaukaskatts
úr 15.000 bílum í 20.000. Frum­
varp þar að lútandi hefur verið
lagt fram í samráðsgátt stjórn­
valda. Ívilnanir hafa nú verið
nýttar fyrir um 12.300 bíla og
útlit fyrir að fjöldatakmörkun
náist að óbreyttu síðar á árinu.
Undanfarin tíu ár hafa stjórn­
völd stutt við kaup á vistvænum
bílum með skattaívilnunum fyr­
ir á þriðja tug milljarða króna.
Fyrir vikið hafa orkuskipti
fólksbílaflotans gengið hratt og
er Ísland á meðal fremstu þjóða
á heimsvísu í rafbílavæðingu.
-mm
Innkalla
kjúklingastrimla
LANDIÐ: Matvælastofnun
hefur fengið upplýsingar um
innköllun á Ali kjúklingastriml­
um sem Matfugl ehf. fram­
leiðir og er til í verslunum um
allt land. Innköllunin er vegna
þess að það greindist Listeria
monocytogenis í vörunni. Fyrir­
tækið hefur innkallað vöruna úr
verslunum og sent út frétta­
tilkynningu. Einungis er ver­
ið að innkalla eftirfarnar fram­
leiðslulotur undir heitinu „Ali
Salt og pipar kjúklingastriml­
ar“, lotunúmer 1737432101 og
1737432111 með síðasta notk­
unardegi merkt 04.04.2022 og
06.04.2022. -mm
Nú er að verða ljóst að ekki næst
að veiða úthlutaðar aflaheimild­
ir á loðnuvertíðinni sem raunar er á
lokametrunum. Hrygningartíminn
er hafinn og því verðminni loðnu að
fá og fer því að mestu til bræðslu. Á
mánudaginn voru flest loðnuskip­
in að veiðum vestan og síðan sunn­
an við Reykjanes, en aflinn var rýr.
Samkvæmt upplýsingum á vef Fiski­
stofu er búið að landa um 506 þús­
und tonnum á vertíðinni sem byrj­
aði í desember. Því eru um 180 þús­
und tonn eftir af 685 þúsund tonna
kvóta.
Bræla og ótíð hefur reynst skipun­
um erfið. Hafa þau leitað loðnu víða,
meðal annars á Breiðafirði, Faxaflóa,
norður með Vestfjörðum og svo
suður af Reykjanesi.
Á meðfylgjandi mynd er Víking­
ur AK sem kom inn til löndunar á
Akranesi seint á mánudagskvöldið. Í
gær, þegar fréttin er skrifuð, var Vík­
ingur kominn á miðin sunnan við
Reykjanes ásamt nokkrum öðrum
loðnuveiðiskipum. mm/ Ljósm. gsv
Vegurinn um Búlandshöfða á Snæ­
fellsnesi var lokaður í gærmorgun
eftir að snjóflóð féll þar um nóttina.
Þetta var þriðja flóðið sem féll þar
á einum sólarhring. Myndin var
tekin um níuleytið um morguninn
meðan beðið var eftir gröfu sem
stakk í gegnum flóðið. Töluvert af
bílum var þá beggja vegna flóðsins,
þar á meðal strætó.
þa
Snjóflóð
féll úr
Búlandshöfða
Líður að lokum loðnuvertíðar