Skessuhorn - 23.03.2022, Blaðsíða 23

MIÐVIKUDAGUR 23. MARS 2022 23
Borgfirskt körfuboltafólk var
sannarlega í eldlínunni í körfubolt­
anum um helgina. Bjartmar Þór
Unnarsson frá Kleppjárnsreykjum
og félagar hans í Fjölni kepptu til
úrslita í Bikarkeppni KKÍ og enduðu
með silfrið. Heiður Karlsdóttir frá
Laugarvöllum varð bikarmeistari
með Fjölni í unglingaflokki kvenna
og Arnar Guðjónsson frá Reykholti
varð þrefaldur bikarmeistari sem
þjálfari; í meistaraflokki karla, 9.
flokki kvenna og 10. flokki kvenna.
mm/ Samsett mynd/GG
Skagamenn léku á mánudaginn
gegn Sindra í 1. deild karla í
körfuknattleik í síðasta heimaleik
liðsins í vetur. Leikurinn byrjaði
rólega en síðan tóku gestirnir fljótt
yfirhöndina og leiddu með ell­
efu stigum við lok fyrsta leikhluta,
15:26. Gestirnir gáfu síðan Skaga­
mönnum engin grið í öðrum leik­
hluta og voru komnir með 31 stigs
forystu þegar flautað var til hálf­
leiks, 25:56.
Áfram héldu Sindramenn að bæta
við forskotið í þriðja leikhluta og
hreint ótrúleg staða þegar bjallan
gall við lok hans, staðan 37:91 fyr­
ir Sindra. Sindramenn stigu held­
ur ekkert af bensíngjöfinni í fjórða
leikhlutanum og unnu að lokum
stórsigur, 56:120.
Stigahæstir hjá ÍA voru Cristoph­
er Clover með 24 stig, Lucien
Christofis með 8 stig og Aron Elvar
Dagsson með 6 stig. Hjá Sindra var
Detrek Browning með 36 stig og 10
fráköst, Patrick Simon með 20 stig
og Ismael Gonzalez með 14 stig.
Næsti leikur Skagamanna og síð­
asti leikur þeirra á tímabilinu er
gegn Fjölni föstudaginn 25. mars í
Grafarvogi og hefst klukkan 19.15.
vaks
Snæfell og Breiðablik mættust
síðastliðinn fimmtudag í undan­
úrslitum VÍS bikars kvenna í
körfuknattleik og fór leikurinn
fram í Smáranum í Kópavogi.
Jafnt var á með liðunum fyrstu
mínúturnar og staðan 8:10 fyrir
Breiðablik eftir fimm mínútna leik.
Úrvalsdeildarliðið úr Kópavogi var
líklegra til afreka og leiddi með sjö
stigum eftir fyrsta leikhluta. Í öðr­
um leikhluta jókst munurinn jafnt
og þétt, reyndar náði Snæfell að
minnka muninn í fimm stig, 30:35,
þegar þær skoruðu tíu stig gegn
tveimur um rúmlega miðjan leik­
hlutann en síðan gerði Breiðablik
nánast slíkt hið sama og náði 13­2
áhlaupi, staðan í hálfleik 33:48.
Í þriðja leikhluta var þetta á
svipuðum nótum, Snæfellskonur
reyndu hvað þær gátu en komust
lítt áleiðis og Breiðablik hafði leik­
inn í höndum sér, staðan 46:71 fyrir
síðasta fjórðunginn. Skondið atvik
átti sér stað í byrjun fjórða leikhluta
þegar leikmaður Breiðabliks virt­
ist vera eitthvað áttavillt þegar hún
tók skot að sinni eigin körfu en hitti
ekki og slapp við það að gera sjálfs­
körfu. Þetta sló Breiðablikskonur
þó ekki út af laginu, Snæfell náði
aðeins að skora fjögur stig á sjö
mínútna kafla og heimakonur héldu
áfram sína leið að úrslitaleiknum og
unnu að lokum stórsigur, 55:89.
Það sást í leiknum að það er mik­
ill getumunur á liðunum. Breiða­
blik er í sjötta sæti í Subway
deildinni og Snæfell nýbúnar að
missa af sæti í úrslitakeppni fyrstu
deildar. Hið unga lið Snæfells er
ekki með mikla breidd og það kom
berlega í ljós þegar líða tók á leik­
inn. Þær mega þó eiga það að þær
voru mættar í Smárann til að njóta
augnabliksins og ljóst að þessi leik­
ur var eftirminnileg stund fyrir
yngri leikmenn Snæfells sem munu
taka við keflinu á næstu árum.
Stigahæstar í liði Snæfells voru
þær Preslava Koleva með 14 stig,
Rebekka Rán Karlsdóttir var með
12 stig og Dagný Inga Magnús­
dóttir með 9 stig. Hjá Breiðabliki
var Michaela Kelly með 20 stig,
Isabella Ósk Sigurðardóttir með
19 stig og 17 fráköst og Birgit Ósk
Snorradóttir með 15 stig.
Snæfell hefur því lokið keppni
þennan veturinn og upp­
byggingarferli þjálfarans Baldurs
Þorleifssonar heldur áfram á næsta
tímabili. Þessi vetur hefur verið
lærdómsríkur fyrir leikmenn Snæ­
fells og ljóst að þær munu vafa­
laust mæta sterkari til leiks á næsta
keppnistímabili.
vaks
Kári tók á móti KH í B deild
karla í riðli 1 í Lengjubikarn­
um í knattspyrnu á laugardaginn.
Magnús Óliver Axelsson kom KH
yfir á 70. mínútu en Sveinn Þor­
kell Jónsson varð fyrir því óláni að
skora sjálfsmark fimm mínútum
fyrir leikslok og jafna leikinn fyr­
ir Kára. Það var síðan annað sjálfs­
mark KH sem tryggði sigur Kára í
leiknum þegar Daði Kárason varð
einnig fyrir því óláni á 88. mínútu
og lokastaðan 2­1 fyrir Kára. Arnar
Már Guðjónsson lék sinn fyrsta leik
fyrir Kára gegn KH en hann hefur
ákveðið að taka slaginn með Kára
í 3. deildinni í sumar og er eflaust
mikill liðsstyrkur fyrir Kára.
Víkingur Ólafsvík og Víðir léku á
laugardaginn á Domusnova vellin­
um í Breiðholti í sama riðli og lauk
leiknum með jafntefli 3­3. Ekki
var komin leikskýrsla á vef KSÍ en
mörk Víkings í leiknum skoruðu
þeir Emmanuel Eli Keke, Kristófer
Máni Atlason og Bjartur Bjarmi
Barkarson.
Reynir Hellissandi lék á Vivaldi
vellinum á Seltjarnarnesi á laugar­
daginn í C deild í riðli 3 gegn liði
Kríu og varð að sætta sig við stór­
tap. Kría skoraði sex mörk í fyrri
hálfleik áður en Ingvar Freyr Þor­
steinsson skoraði fyrir Reyni á
lokamínútu fyrri hálfleiks. Bene­
dikt Björn Ríkharðsson skoraði
annað mark fyrir Reyni fljótlega í
seinni hálfleik en síðan skoraði Kría
fjögur mörk það sem eftir lifði leiks
og lokastaðan 10­2 fyrir Kríu. Vil­
helm Bjarki Viðarsson, leikmaður
Kríu, var í miklu stuði og á eldi því
hann skoraði alls sjö mörk í leikn­
um.
Skallagrímur tók á móti Stokks­
eyri í Akraneshöllinni á laugar­
daginn í C deild í riðli 5 og vann
stórsigur. Pétur Lárusson kom
Skallagrími yfir á 10. mínútu og
Óttar Bergmann Kristinsson bætti
við tveimur mörkum fyrir hálf­
leik. Snorri Kristleifsson, leikmað­
ur Skallagríms, fékk að líta rauða
spjaldið fljótlega í seinni hálfleik en
það kom ekki að sök. Hlöðver Már
Pétursson og Viktor Ingi Jakobs­
son úr víti komu Skallagrími í 5­0 á
68. og 72. mínútu og skömmu síð­
ar missti Stokkseyri mann af velli
með rautt spjald. Elís Dofri Gylfa­
son bætti við sjötta og síðasta marki
heimamanna undir lokin og loka­
staðan 6­0 fyrir Skallagrími. vaks
Íslandsmót einstaklinga í keilu
fer fram þessa dagana í Egils­
höll í Reykjavík. Á mánudags­
kvöldið setti Ísak Birkir Sævars­
son úr Keilufélagi Akraness met í
flokki 17 til 18 ára þegar hann náði
1423 pinnum í sex leikjum. Þetta
átti sér stað í milliriðli en úrslitin
fóru fram í gær. Þar átti ÍA tvo
keppendur, Ísak Birki og Magnús
Sigur jón Guðmundsson en keppni
var ekki lokið þegar Skessuhorn fór
í prentun.
vaks
Vesturlandsliðin léku í
Lengjubikarnum um helgina
Byrjunarlið Kára gegn KH á laugardaginn. Ljósm. af facebook síðu Kára.
Liðið að leik loknum ásamt þjálfara sínum, Baldri Þorleifssyni. Ljósm. Þorsteinn Eyþórsson.
Snæfell úr leik í VÍS bikarnum
eftir tap gegn Breiðabliki
Borgfirðingar í
eldlínunni í körfu
Ísak Birkir ánægður með metið. Ljósm. gs
Ísak Birkir setti
Íslandsmet í keilu
Úr leik ÍA og Skallagríms á dögunum.
Ljósm. vaks
Skagamenn töpuðu stórt
fyrir Sindra