Morgunblaðið - 02.04.2022, Qupperneq 20

20 FRÉTTIR
Innlent
MORGUNBLAÐIÐ LAUGARDAGUR 2. APRÍL 2022
ÚR BÆJARLÍFINU
Ólafur Bernódusson
Skagaströnd
Íbúum á Skagaströnd fjölgaði um
2,8% á síðasta ári. Það er nokkuð yf-
ir landsmeðaltali sem er 2,0%. Þetta
eru ánægjuleg tíðindi því fjölgunin á
Norðurlandi vestra í heild var ekki
nema 0,07% en það er sá landhluti
þar sem fölgunin varð minnst á
árinu. Þörfin fyrir aukið íbúðar-
húsnæði er því sífellt meira knýjandi
og þess vegna er í pípunum að ráð-
ast í smíði sex nýrra íbúða á staðn-
um. Tvær þeirra byggir sveitarfé-
lagið í samvinnu við Húsnæðis- og
mannvirkjastofnun, tvær verða
byggðar af leigufélaginu Bríeti og
tvær er áætlað að verktakinn byggi.
Íbúðir sveitarfélagsins og Bríetar
verða leiguíbúðir en verktakaíbúð-
irnar verða til sölu. Líklega verður
hér um þrjú parhús að ræða og þess-
ar sex íbúðir ættu að leysa hluta
húsnæðisvandans í bili.
- - -
Lárus Ægir Guðmundsson gaf
nýlega út bókina Kaupmennirnir á
Skagaströnd frá 1586. Þar fjallar
hann um sögu kaupmanna á Skaga-
strönd í rúmlega 400 ár eins og titill-
inn ber með sér. Er þetta hin eigu-
legasta bók, fróðleg og skemmtileg.
Í henni rekur Lárus sögu verslunar
á Skagaströnd allt frá 1586 eða svo
langt aftur sem öruggar heimildir
eru til um. Þó er talið að verslun hafi
hafist fyrr, en heimildir um það eru
óljósar. Bókin er ríkulega mynd-
skreytt og allur frágangur hennar á
besta máta. Þetta er reyndar tíunda
bókin sem Lárus gefur út en allar
fjalla þær á einn aða annan hátt um
sögu Skagastrandar. Þar má t.d.
finna ýtarlega bók um sjósókn og
vélbáta frá Skagaströnd á árunum
1908 til 2010. Í henni eru m.a. mynd-
ir af öllum vélbátum sem gerðir hafa
verið út frá staðnum á þessu árabili
ásamt ýmsum fróðleik um hvern bát.
Í annarri bók rekur hann sögu
kirkna á Skagaströnd og svo eru
bækur um ýmis félög sem lengst
hafa starfað á staðnum. Allar bæk-
urnar eru mikill fengur í varðveislu
sögu Skagastrandar. Lárus hefur
sjálfur gefið allar bækurnar út á síð-
ustu 12 árum.
- - -
Sveitarfélagið auglýsti nýlega
eftir tilboðum í umsjón með æðar-
varpi á ákveðnu svæði í sveitarfé-
laginu. Þar hefur Ólafur Ingibjörns-
son byggt upp töluvert varp með
elju og yfirlegu á undanförnum ár-
um. Hér er um talsverða hagsmuni
að ræða því varpið hefur gefið af sér
nokkrar og vaxandi tekjur árlega.
Þrír aðilar buðu í umsjónina, þeirra
á meðal var Ólafur og var samið við
hann af sveitarstjórn eftir opnun til-
boðanna.
- - -
Aðalskipulagi bæjarins 2019 –
2035 var breytt lítillega nú fyrr í vet-
ur vegna fyrirhugaðra baðlóna á
Hólanesinu. Áður höfðu sveitarstjóri
og forstjóri Rarik skrifað undir
samning um heitt vatn til baðanna.
Samningurinn gerir ráð fyrir opnun
þeirra 2024 og þá mun Rarik hafa
nægt heitt vatn til reiðu. Til þess að
geta staðið við það þarf fyrirtækið
að vera búið að finna meira vatn því
heitavatnsskortur er að verða til-
finnanlegur þannig að veitan getur
ekki útvegað heitt vatn í atvinnu-
húsnæði á svæðinu fyrr en og ef
meira finnst við boranir.
- - -
Fráveituframkvæmdir fyrir
víkina og vestur fyrir hafnarmann-
virkin voru boðnar út í byrjun febr-
úar. Sjö aðilar fengu útboðsgögnin
en 1. mars voru opnuð tilboð frá
þeim tveimur aðilum sem skiluðu inn
tilboðum. Kostnaðaráætlun var upp
á tæplega 104 milljónir en bæði til-
boðin voru langt yfir henni, annað
upp á 140 milljónir en hitt 146 millj-
ónir. Báðir tilboðgjafar eru með
sama undirverktaka í pípulagna
hlutanum. Vegna þessa var báðum
tilboðunum hafnað á fundi hrepps-
nefndarinnar 22. mars en sveitar-
stjóra falið að kanna hugsanlegt
áframhald verkefnisins með tilboðs-
gjöfunum.
- - -
Krakkarnir í Höfðaskóla mega
sannarlega vera ánægð með sig.
Þeir sigruðu í keppni minni skóla í
Samrómi með því að lesa flestar
setningar á landinu, að vísu með
hjálp foreldra og annarra í skóla-
hverfinu. Fyrir það afhenti forseti
Íslands fulltrúum nemenda skólans
viðurkenningu á Bessastöðum á
dögunum. Þá sungu þrjár ungar
stúlkur sig áfram í úrslit í söng-
keppninni NorðurOrg sem verður til
þess að þær fá að syngja í sjónvarp-
inu í stóru söngkeppni Samfés sem
fram fer 30. apríl. Á dögunum kíkti
svo sveitarstjórinn okkar, Alexandra
Jóhannesdóttir, í heimsókn í skólann
og skrifaði þar undir samning, í við-
urvist yngstu krakkanna í skólanum,
við UNICEF og mennta- og barna-
málaráðuneytið um að Skagaströnd
verði barnvænt sveitarfélag.
- - -
Framkvæmdir við Þverárfjalls-
veg og Skagastrandarveg frá
Blönduósi og út fyrir Laxá í Refa-
sveit ganga nokkurn veginn eftir
áætlun. Nú er verið að byrja á smíði
nýrrar 106 metra langrar brúar yfir
ána með tilheyrandi tengingum við
gamla hluta Skagastrandarvegar
norðan við Höskuldsstaði. Það er
fyrirtækið Skagfirskir verktakar
ehf. á Sauðárkróki sem sér um fram-
kvæmdirnar en tilboð þeirra í verk-
ið, sem opnað var 17. ágúst 2021, var
upp á tæplega 1.500 milljónir. Auk
brúarinnar inniber verkið 8,5 km
langan veg sunnan Laxár og 3,3 km
norðan hennar auk 4,5 km af nýjum
tengingum og heimreiðum. Verkinu
skal að fullu lokið fyrir 1. nóvember
2023.
- - -
Vegagerðin ætlar líka á þessu
ári að auka grjótvörn við víkina
norðan við Höfðann og tengja þann-
ig saman núverandi varnargarða við
Réttarholt frá 2017 og þess við Sól-
vang.
Þrátt fyrir óvissu með markaði
og lágt verð fyrir grásleppuafurðir á
þessu vori verða tíu bátar gerðir út á
grásleppu frá Skagaströnd. Kall-
arnir eru þessa dagana í óða önn við
að gera sig klára og koma netunum í
sjóinn. 25 veiðidögum er úthlutað að
þessu sinni en reynslan sýnir að oft
hefur dögunum verið fjölgað þegar á
líður.
Íbúum fjölgar á Skagaströnd
Morgunblaðið/Ólafur Bernódusson
Skagaströnd Til að koma frárennslisrörum fyrir þarf landfyllingu framan við Strandgötuna.
BækurÞað er dágóður bunki af fróðleik sem Lárus Ægir Guðmundsson hef-
ur tekið saman um sögu Skagastrandar frá ýmsum hliðum.
Sigtryggur Sigtryggsson
sisi@mbl.is
Borgarráð samþykkti á fundi sínum
á fimmtudaginn tillögu borgar-
stjóra um uppfærða áætlun um
lóðaúthlutun til 2030 til svokallaðra
óhagnaðardrifinna húsnæðisfélaga.
Meirihlutaflokkarnir samþykktu
tillöguna en borgarráðsfulltrúar
Sjálfstæðisflokksins sátu hjá við af-
greiðslu málsins.
Lóðirnar sem um ræðir eru víðs
vegar í Reykjavík. Athygli vekur að
lóðum verður úthlutað á tveimur
umferðarstokkum sem til stendur
að byggja í borginni, þ.e. Miklu-
brautarstokk og Sæbrautarstokk.
Áætlað er að úthlutun lóða á stokk-
unum hefjist árið 2026. Borgar-
stjóri hefur boðað að Miklubraut-
arstokkur gæti verið tekinn í
notkun á árunum 2025-2026 og bíla-
umferð verði þá komin í jörðu. Þá
stendur til að úthluta lóðum í nýju
hverfi við flugvöllinn í Skerjafirði.
Afgreiðsla lóðarvilyrða og vilja-
yfirlýsinga til fimm óhagnaðar-
drifinna félaga verður sem hér seg-
ir:
- Að teknu tilliti til þeirra lóða
sem Bjarg, íbúðafélag verkalýðs-
hreyfingarinnar, hefur þegar feng-
ið úthlutað eða vilyrði fyrir er gert
ráð fyrir að Bjarg geti á næstu ár-
um byggt allt að 905 íbúðir á um 17
reitum víðs vegar um borgina.
- Gert er ráð fyrir að Bygging-
arfélag námsmanna geti byggt allt
að 205 íbúðir á fjórum lóðum.
- Gert er ráð fyrir að Fé-
lagsbústaðir geti byggt íbúða-
kjarna með um 151 íbúð.
- Gert er ráð fyrir að Fé-
lagsstofnun stúdenta geti byggt allt
að 361 stúdentaíbúð á næstu árum.
- Gert er ráð fyrir að Búseti geti
byggt um 335 íbúðir á næstu árum.
Borgarráðsfulltrúar Samfylking-
arinnar, Viðreisnar, Pírata og
Vinstri grænna lögðu fram svo-
hljóðandi bókun á fundinum:
„Hér er verið að kynna áform um
2.000 íbúðir á ári sem er talsverð
aukning í fjölda íbúða sem byggðar
eru í Reykjavík. Reykjavík hefur
staðið fyrir á bilinu 40-50% af heild-
arfjölda íbúða á landinu undanfarin
fjögur ár. Fjölgun í Reykjavík hefur
verið gríðarleg og hefur íbúum
fjölgað um meira en 10.000 á kjör-
tímabilinu.“
Morgunblaðið/Kristinn Magnússon
Miklabrautin Bílaumferðin fer í stokk í framtíðinni og þá verður hægt að byggja íbúðarhús ofan á stokknum.
Borgin lofar lóðum á umferðarstokkum
- Óhagnaðar-
drifin húsnæðis-
félög fá vilyrði
fyrir lóðum