Morgunblaðið - 21.04.2022, Side 16

16 FRÉTTIR
Innlent
MORGUNBLAÐIÐ FIMMTUDAGUR 21. APRÍL 2022
Atli Vigfússon
laxam@simnet.is
Þ
að er skemmtilegt að gera
vefnaðarlistaverk því efnin,
áferðin og hvernig áferðin
mótar formin er það sem
gerir þetta svo spennandi. Ég er bæði
með stól og einfaldan ramma og uppi-
staðan er oftast hör. Ég nota aðallega
ullargarn, gamla Gefjunargarnið sem
er mjög gott og svo lita ég sumt sjálf,“
segir Hólmfríður Bjartmarsdóttir,
fyrrverandi myndmenntarkennari í
Hafralækjarskóla í Aðaldal, en nú er
uppi sýning í Safnahúsinu á Húsavík
þar sem hún sýnir nokkuð mörg vefn-
aðarlistaverk sem vakið hafa athygli
og góða umsögn gesta.
Hólmfríður hefur tekið þátt í
mjög mörgum sýningum um dagana
eða allt frá því að hún var um þrítugt.
Hún er menntuð frá Myndlista- og
handíðaskólanum en hefur auk þess
sótt margs konar námskeið í list-
greinum.
Hugmyndirnar koma víða að
Hún segir að hugmyndirnar að
verkum hennar komi dálítið mikið
sjálfar til hennar, en hún fæst bæði
við landslagsmyndir og fólk. Hún seg-
ir að tæknilega séð sé fólkið vanda-
samara, en hins vegar séu fjöllin
flóknari í litbyggingu. Hún sækir efni-
við í goðafræðina og hjá henni má sjá
Frigg, Freyju og Hel, einnig má sjá
ýmsar aðrar gyðjur og huldufólk. Þá
birtast í myndum hennar draugar og
tröll svo efniviðurinn er margbreyti-
legur.
Nýjar myndir á hverjum degi
Landslagsmyndirnar eru mest
úr Aðaldal og skipa Kinnarfjöllin þar
veglegan sess. Þó má sjá aðrar mynd-
ir eins og nokkur önnur fjöll sem gefa
sýningunni meiri vídd. Hólmfríður,
sem býr á Sandi í Aðaldal, segir það
mjög skapandi og hvetjandi að búa í
svona stórbrotinni náttúru þar sem
gróðurinn, hraunið og Kinnarfjöllin
taka á sig nýjar myndir allt eftir veðri
og birtu.
„Maður sér nýja mynd á hverj-
um degi bara út um gluggann,“ segir
Hólmfríður en það er þetta sérstaka
umhverfi sem kallar á hana til þess að
skapa þessa list.
Fæst við margar listgreinar
Vefnaðarlist er ekki eina list-
greinin sem Hólmfríður fæst við þó
auðvitað sé sú list í uppáhaldi. Hún
hefur fengist við myndlist með nem-
endum sínum í áratugi og var óþreyt-
andi að koma upp sýningum með
krökkunum sem kunnu vel að meta.
Allt var það mikil hvatning og á öllum
skólasamkomum voru listaverk víða
um veggi. Þá var hún ómissandi við að
mála og móta sviðsmyndir þegar kom
að leiklistinni í skólanum og oft voru
margir með pensla á lofti þegar mikið
stóð til. Hólmfríður er hlédræg þegar
rætt er um málaralistina og segist
ekki ná alveg sambandi við efnið. Hins
vegar hefur hún teiknað og málað
myndir í nokkrar barnabækur með
góðum árangri svo það má segja að
verkefnin séu mörg. Þá skal geta þess
að fyrir utan vefnaðarlistina hefur
hún verið virkur þátttakandi í félagi
hagyrðinga í Þingeyjarsýslu og hvað
er skemmtilegra en yrkja um Kinnar-
fjöllin, vefa þau, teikna og mála?
En þótt aldurinn færist yfir þá er
Hólmfríður hvergi hætt og nú, þegar
hún hefur hætt kennslu og farið á
eftirlaun, gefst e.t.v. meiri tími til þess
að gera vefnaðarlistinni meiri skil.
Hún er ánægð með sýninguna í
Safnahúsinu á Húsavík og hlakkar til
að takast á við ný verkefni sem tengj-
ast þessari skemmtilegu og verulega
spennandi listgrein.
Annars heims Reisn er yfir þessum dularfullu konum sem eru gyðjum líkar
og nokkuð samvaxnar trjágreinum. Konur eru oft í verkum Hólmfríðar.
Tröllkonur Hólmfríður segir þessar konur vera tröllkonur og að tæknilega sé
mun vandasamara að vefa manneskjur en fjöll. Litbygging fjalla er flóknari.
Tunglkonur Þess-
ar rauðhærðu og
stórskornu konur
eru eflaust undir
áhrifum tunglsins,
kannski að þær
séu huldukonur.
Vefnaðarlist er
verulega spennandi
Hinni hagmæltu Hólm-
fríði á Sandi er margt til
lista lagt og er vefnaður
þar á meðal. Hún sækir
efnivið í goðafræðina og
hjá henni má sjá Frigg,
Freyju og Hel og ýmsar
gyðjur og huldufólk. Í
myndum hennar birtast
draugar og tröll. Sýning
á verkum hennar stendur
nú yfir á Húsavík.
Morgunblaðið/Atli Vigfússon
Sandshjón Hólmfríður og Sigurður Ólafsson. Stórt verk af Kinnarfjöllum.
Atli Ingólfsson, tónskáld og prófess-
or við LHI, ætlar að kynna bók sína
Veðurskeyti frá Ásgarði – Ferða-
handbók um tónverk, nk. laugardag,
23. apríl, í Bókakaffinu á Selfossi. Í
tilkynningu kemur fram að bók Atla
hverfist í kringum tónverkið Elsku
Borga mín, sem er verk fyrir 24 radd-
ir. Textar verksins eru upp úr sendi-
bréfum Lilju Magnúsdóttur til dóttur
sinnar Guðborgar Aðalsteinsdóttur,
rituð 1948 og ’49.
Verkið myndar einn stóran hljóð-
flöt þar sem margvíslegar hugleið-
ingar Lilju birtast og hverfa í alls kyns
umhverfi, draumkenndu, áköfu, hik-
andi, glaðlegu eða ísmeygilegu.
Atli segir í stuttu máli frá verkinu
og útskýrir nokkur atriði í byggingu
þess. Síðan býður hann gestum að
hlusta á upptökuna sem er 25 mín-
útur. Að því loknu svarar hann spurn-
ingum ef einhverjar eru. Þetta er liður
í baráttu Atla Ingólfssonar fyrir því
að hljómgæði og innileg hlustun fái
aftur þann sess sem þau höfðu áður.
Viðburðurinn hefst kl. 17 og er hluti
af menningarhátíðinni Vor í Árborg.
Aðgangur er ókeypis og öllum
heimill meðan húsrúm leyfir.
Veðurskeyti frá Ásgarði í Bókakaffinu á Selfossi
Textar verks eru upp úr sendi-
bréfum móður til dóttur
Ljósmynd/Kristinn Ingvarsson
Atli Vill að hljómgæði og innileg hlustun fái aftur þann sess sem þau höfðu.
SPORTÍS SKE I FAN 1 1
1 0 8 REYKJAV ÍK
S POR T I S . I S
520-1000
SVÍFÐU YFIR JÖRÐINA
Í HOKA UTANVEGASKÓM!