Morgunblaðið - 25.04.2022, Side 2

2 FRÉTTIR
Innlent
MORGUNBLAÐIÐ MÁNUDAGUR 25. APRÍL 2022
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Gísli Freyr Valdórsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Winkel Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
EL PLANTIO GOLF RESORT
ÚRVAL ÚTSÝN HLÍÐASMÁRI 19, 201 KÓPAVOGUR SÍMI 585-4000 GOLF@UU.IS
ÆFÐU SVEIFLUNA Á BETRA VERÐI Í MAÍ
INNIFALIÐ Í VERÐI:
ÓTAKMARKAÐ GOLF
INNRITUÐ TASKA 20 KG OG HANDFARANGUR
GOLFBÍLL INNIFALINN
FLUTNINGUR Á GOLFSETTI
VAL UM MORGUNVERÐ EÐA HÁLFT FÆÐI
ÍSLENSK FARARSTJÓRN
AKSTUR TIL OG FRÁ FLUGVELLI
28. APRÍL - 03. MAÍ VERÐ FRÁ 167.900 KR.
Á MANN M.V. 4 FULLORÐNA MEÐ BÓKUNARAFSLÆTTI
03. - 10. MAÍ VERÐ FRÁ 209.500 KR.
Á MANN M.V. 4 FULLORÐNA MEÐ BÓKUNARAFSLÆTTI
10. - 17. MAÍ VERÐ FRÁ 209.500 KR.
Á MANN M.V. 4 FULLORÐNA MEÐ BÓKUNARAFSLÆTTI
17. - 24. MAÍ VERÐ FRÁ 209.500 KR.
Á MANN M.V. 4 FULLORÐNA MEÐ BÓKUNARAFSLÆTTI
24. - 31. MAÍ VERÐ FRÁ 209.500 KR.
Á MANN M.V. 4 FULLORÐNA MEÐ BÓKUNARAFSLÆTTI
Komdu með til Alicante, hitaðu upp fyrir sumarið á
Spáni. Í þessum ferðum til El Plantio getur þú ráðið
lengdinni á þinni ferð. Nýttu þér 10.000 kr. afslátt af
ferðinni í maí með kóðanum GOLF05
10.000 KR.AFSLÁTTUR Á MANNMEÐ KÓÐANUMGOLF05* AFSLÁTTURINN GILDIR TIL OG
MEÐ 30. APRÍL Á GOLF-
FERÐUM Í MAÍ
Urður Egilsdóttir
urdur@mbl.is
„Mér finnst mikilvægast að börn og
ungt fólk upplifi að þetta sé þeirra
menningararfur. Að þetta sé það að-
gengilegt að þau samsvari sig með
Íslendingasögunum,“ segir Lilja
Alfreðsdóttir, menningar- og
viðskiptaráðherra, en í laugardags-
blaði Morgunblaðsins skrifaði Lilja
um mikilvægi þess að gera Íslend-
ingasögurnar aðgengilegar fyrir
yngri kynslóðina.
Hún nefnir sem dæmi að strax sé
byrjað að kenna börnum í Banda-
ríkjunum um sögu ríkisins er þau
eru í leikskóla.
„Það verður til svo mikil sögu- og
menningarmeðvitund á jákvæðan
hátt,“ segir hún og bendir á að fyrstu
kynni íslenskra barna af Íslendinga-
sögunum séu oft ekki fyrr en á efsta
stigi í grunnskóla. Því vill hún að ís-
lensk börn kynnist menningararf-
inum miklu fyrr.
Lilja segir að málið liggi henni
nærri og nefnir að hún ætli að breyta
sjóðnum Auði, sem er fyrir barna- og
ungmennabókmenntir hjá miðstöð
íslenskra bókmennta, þannig að ein-
ungis verði styrktar bækur sem
miða að íslenskum fornbókmenntum
eða norrænni goðafræði til næstu
þriggja ára. „Ég mun taka skref sem
menningarmálaráðherra til þess að
fylgja þessari stefnu eftir.“
Hún segist hvetja útgefendur til
þess að endursegja sögurnar og gera
þær aðgengilegri. „Þó að við gerum
þær aðgengilegri þá erum við ekki
að gefa afslátt af menningararfinum.
Við erum frekar að dýpka skilning á
honum.“
Segir fínar útgáfur þegar til
Hildur Ýr Ísberg, íslenskukennari
við Menntaskólann við Hamrahlíð,
segir að mjög fínar skólaútgáfur séu
til af Íslendingasögunum sem hafa
verið færðar til nútímamáls og inni-
halda skýringar.
„Það er mjög mikið til af útgáfum
af Íslendingasögunum og sögurnar
eru alltaf það sem fólki dettur fyrst í
hug að gefa út ef það á að gefa út
miðaldaBókmenntir. Það er til svo
mikið af miðaldabókmenntum sem
er miklu minni útgáfusaga af, og
væri miklu verðmætara, að mínu
mati, að gefa út svo við getum haft
breiðari aðgang að miðaldabók-
menntum.“
Hildur hefur kennt Íslendingasög-
urnar bæði í háskóla og mennta-
skóla, og segir kennsluna hafa náð til
mjög margra nemenda. „Þetta eru
ævintýrasögur sem innihalda mjög
æsilega viðburði. Því hafa þeir nem-
endur sem lesa sögurnar yfirleitt
mjög gaman af þeim,“ segir hún og
bætir við að allur gangur sé á hvort
nemendurnir lesi sögurnar yfir höf-
uð. Innt eftir því hvort framhalds-
skólanemar tengi almennt við efni
sagnanna segir Hildur svo vera.
Nemendurnir geti sett sig í spor per-
sónanna og tengt við það mannlega.
Heiðar Ingi Svansson, formaður
Félags íslenskra bókaútgefenda,
kveðst vera sammála Hildi um að
endurútgáfa Íslendingasagnanna sé
ekki endilega stóra málið heldur
hvað sé hægt að gera til að halda
sagnaarfinum betur á lofti. Hann
nefnir að vandamálið er kemur að
grunnskólunum sé ríkiseinokun á út-
gáfu námsbóka, en menntamála-
stofnun sér um útgáfu á námsbók-
unum fyrir skólastigið. Það sé því
ákveðinn þröskuldur.
„Við komumst því lítið að þeim
markaði,“ segir Heiðar og nefnir að
bókaútgáfendur einblíni því heldur á
námsbækur fyrir framhalds-
skólanema.
Allt jákvætt sem veki áhuga
Lilja nefnir í þessu samhengi að
námsbækurnar séu endurgreiddar
um 25%. „Gallinn er að markaðurinn
er svo lítill fyrir námsbækur, og þær
eru svo mikið notaðar aftur, og því
eru minni tækifæri í þessu.“
Lilja, Hildur og Heiðar eru öll
sammála um að í grunninn sé allt
sem veki áhuga á íslenskum menn-
ingarbrunni jákvætt. Því sé mik-
ilvægt að styrkja gerð annars konar
efnis er kemur að sagnaarfinum, á
borð við tölvuleiki, hlaðvörp eða aðr-
ar leiðir til að miðla efninu til ungs
fólks.
Mikilvægt að sagna-
arfurinn nái til barna
- Menningarráðherra vill endurútgefa Íslendingasögurnar
Morgunblaðið/Hari
Kennsla Íslendingasögurnar hafa verið á aðalnámskrá skóla í háa herrans tíð.
Ari Páll Karlsson
ari@mbl.is
Hermann Valsson, svartbeltingur í
júdó sem slasaðist illa á júdóæfingu í
fyrra, hélt mótmæli einn síns liðs við
íþróttahúsið í Digranesi um helgina
þar sem fram fór Norðurlandamót í
júdó. Ástæðu mótmælanna segir
Hermann vera meinta gerenda-
meðvirkni júdódeildar Ármanns eftir
slysið en Hermann var látinn liggja
meðvitundarlaus í 48 mínútur á gólf-
inu áður en hringt var á sjúkrabíl.
Síðan þá segir Hermann að hann hafi
aðeins mætt köldu viðmóti frá deild-
inni, sem og Júdósambandi Íslands.
„Mistök geta alveg gerst. Ég er
ekki að kvarta yfir því. Ég vil bara að
þau viðurkenni mistökin og segi:
„okkur þykir þetta leitt“ og skrifi
rétta skýrslu til tryggingarfélag-
anna.“ Hann segir íþróttafélagið
hafa falsað skýrslu sem varð til þess
að hlaut ekki viðeigandi bætur en
Hermann var óvinnufær í ár.
„Þetta er gerendameðvirkni eins
og hún gerist best.“
Þá skýtur Hermann föstum skot-
um að Jóhanni Mássyni, formanni
Júdósambands Íslands, og segir
hann halda hlífisskildi yfir fram-
kvæmdastjóra sambandisins, Þor-
móði Árna Jónssyni, sem nýverið
var sakfelldur í Landsrétti fyrir lík-
amsárás sem átti sér stað árið 2018.
„Við stöndum fyrir hugrekki“
Hermann segir að slíkt stangist á
við siðareglur íþróttarinnar. „Fyrir
hvað stöndum við? Við stöndum
fyrir vináttu. Við stöndum fyrir hug-
rekki. Gerðu það sem er rétt,“ segir
Hermann. Hann vill þó ná sáttum
við JSÍ. „Ég sagði Jóhanni að við
gætum náð sátt. Þau þyrftu bara að
gangast við því mistök hefðu átt sér
stað og þau þyrftu að fordæma of-
beldi í júdó-íþróttinni.“
Jóhann Máson formaður JSÍ
sagðist, inntur eftir viðbrögðum,
ekki vilja tjá sig um málið. Hann
kvaðst þó sjálfur hafa boðið Her-
manni sáttarhönd á föstudag.
Íþróttadeild Ármanns hafi gefið út
tilkynningu vegna málsins. „Við
erum engir aðilar að þessu í sjálfu
sér.“
Morgunblaðið/Ari Páll
Mótmæli Hermann var látinn liggja í 48 mínútur áður en hringt var á
sjúkrabíl eftir að hann missti meðvitund. Hann vill að JSÍ fordæmi ofbeldi.
Mótmælir „yfir-
hylmingu“ í júdó
- Júdódeildin hafi snúið við sér baki
Veronika Steinunn Magnúsdóttir
veronika@mbl.is
Bryndís Haraldsdóttir, þingmaður
Sjálfstæðisflokksins og nefndarmað-
ur í fjárlaganefnd, segist hissa á
framgöngu bankasýslu ríkisins. For-
stjóri og stjórnarformaður banka-
sýslunnar hugðust mæta á opinn
fund nefndarinnar í dag en fundin-
um var seint í gærkvöldi frestað
fram á miðvikudag, þar sem banka-
sýslan var ekki tilbúin með minnis-
blað.
Fyrir fundinn óskaði nefndin eftir
minnisblaðinu sem inniheldur á
fjórða tug spurninga. Hafði banka-
sýslan ætlað að senda minnisblaðið á
föstudaginn, og síðan í gær, en
nefndarmönnum var tilkynnt sama
dag að minnisblaðið myndi ekki skila
sér í tæka tíð fyrir fundinn sem átti
að vera í dag.
Spyr fjárlaganefnd bankasýsluna
meðal annars um hvernig staðið hafi
verið að vali söluaðila á hlutabréfum
ríkissjóðs í Íslandsbanka, hvers
vegna fimm innlendir aðilar hafi ver-
ið á meðal þeirra og hvernig samið
hafi verið um þóknun til þeirra aðila.
Þá er að auki spurt um kostnaðar-
áætlun bankasýslunnar í þessari
umferð, með hvaða hætti fjárfestar
hafi verið valdir og hvort ráðuneytið
telji að jafnræðis hafi verið gætt í
lokaða útboðinu.
Bryndís Haraldsdóttir segir mið-
ur að minnisblaðinu hafi ekki enn
verið skilað. „Ég er mjög hissa á
framgöngu bankasýslunnar, þetta er
óásættanlegt með öllu,“ segir Bryn-
dís. Hún telur mikilvægt að öllum
spurningum sé svarað og að ferlið sé
gagnsætt, þegar um sölu ríkiseignar
sé að ræða.
Bankasýslan snúi út úr texta
Björn Leví Gunnarsson, þingmað-
ur Pírata, segir í samtali við Morg-
unblaðið að lögin séu almenns eðlis
hvað varðar framkvæmdina á sölu
bankans, hjá bankasýslunni. „Maður
sér að þessi útfærsla var ekki eitt-
hvað sem fólk var að búast við, miðað
við þau gögn sem liggja fyrir. Hins
vegar er alltaf hægt að lesa þann
texta og hægt að snúa út úr honum,
líkt og bankasýslan er að gera,“ seg-
ir hann. Mikilvægt sé að svör fáist
við spurningum nefndarmanna.
„Það sem eftir stendur er að fjár-
málaráðherra seldi pabba sínum.“
Fundi um banka-
söluna frestað
- Bankasýslan ekki klárað minnisblað