Morgunblaðið - 25.04.2022, Page 7

FRÉTTIR 7Innlent
MORGUNBLAÐIÐ MÁNUDAGUR 25. APRÍL 2022
FRAMTÍÐIN
VAR Í GÆR
TÍMI AÐGERÐA ER NÚNA
Morgunverðarfundur
í Silfurbergi, Hörpu
Flestar raunhæfar lausnir á loftslags-
vandanum byggja á nýtingu og miðlun
rafmagns.
Á vorfundi Landsnets verður mikilvægi
flutningskerfisins í orkuskiptum til
umfjöllunar. Svo orkuskipti geti átt sér
stað er ekki nóg að vinna raforku, heldur
verður hún að skila sér með öruggum
og hagkvæmum hætti til notenda.
Á fundinum verður leitað svara við því
hvaða afleiðingar veikt flutningskerfi getur
haft og kosti þess að styrkja kerfið. Öflugt
flutningskerfi er grundvallarforsenda
græns hagkerfis og það er kominn tími
til aðgerða.
Guðlaugur Þór Þórðarson
Umhverfis-, orku- og
loftslagsráðherra
Opnunarávarp
Guðmundur Ingi Ásmundsson
Forstjóri Landsnets
Framtíðin var í gær
Ari Trausti Guðmundsson
Jarðeðlisfræðingur
Áskoranir í orkumálum
Írís Baldursdóttir
Ráðgjafi stýrihóps um stefnu-
mótun hjá ENTSO-E
Á tímum umbreytinga
– evrópsk raforkuflutnings-
fyrirtæki í miðjum orkuskiptum
Sigrún Jakobsdóttir
Stjórnarformaður Landsnets
Tími aðgerða er núna
Fimmtudaginn 28. apríl nk.
kl. 8.30 – 10.30
Skráning á landsnet.is
Verið öll velkomin.
Dóra Ósk Halldórsdóttir
doraosk@mbl.is
Krafa Kolbrúnar Baldursdóttir, odd-
vita Flokks fólksins, um að finna
lausnir á hávaðamengun og sóða-
skap í miðbænum hefur vakið umtal,
en hún segir borgaryfirvöld ekki
sinna þessu máli.
„Ég er sammála því að það er óvið-
unandi að íbúar þurfi að þola ómenn-
ingu og hávaða í miðborginni. Slíkt
skerðir lífsgæði fólks. Heimildir eru
til staðar og það á að beita þeim. Það
þarf því að herða eftirlitið og fylgja
því sem þegar er samþykkt,“ segir
Líf Magneudóttir, oddviti Vinstri
grænna í borgarstjórn. Hún segir að
þrátt fyrir nokkra leit hafi hún ekki
fundið tillögu Kolbrúnar frá því í
nóvember 2018.
Sýnileg löggæsla hefði áhrif
„Ég hef fengið þær upplýsingar að
öllum kvörtunum sem berast til
Heilbrigðiseftirlitsins er sinnt en oft
berast þær utan vinnutíma og þá
tekur lögreglan við.“ Líf bætir við að
sumir staðir séu ekki hannaðir fyrir
háværa tónlist eða mannfjölda og þá
þurfi að gera kröfur um breytingar á
þeim og jafnvel stytta opnunartíma
staða sem eru mjög nálægt heimilum
eða gististöðum, en því þurfi að
breyta í skipulagi. Hún bendir einnig
á að öflug og sýnileg löggæsla í mið-
bænum gæti haft jákvæð áhrif.
Næturlífsstjóri ekki lausnin
Hún telur lausnina ekki fólgna í
því að búa til „party zone“ í útjaðri
byggðar. „Það gæti jafnvel skapað
enn önnur vandamál. Mér finnst hins
vegar að við ættum að skoða vand-
lega þau úrræði sem borgin hefur yf-
ir að ráða eða getur fengið með laga-
og reglugerðabreytingum svo það sé
hægt að uppræta ofbeldi og hávaða
þar sem það er mest.“
Meira á frjálsræðisvagninum
„Við fylgjumst alltaf vel með stöð-
unni í miðbænum,“ segir Pawel Bar-
toszek, borgarfulltrúi Viðreisnar í
borgarstjórn og annar maður á lista
flokksins. „Í miðbænum starfa mörg
öflug fyrirtæki og ég tel ekki rétt að
veita þeim náðarhöggið með því að
hóta miklum breytingum og óráðlegt
að skapa óvissu hjá fyrirtækjum í
bænum,“ segir Pawel og kveðst ekki
myndu styðja styttan opnunartíma
skemmtistaða eins og staðan er
núna. „Þessi fyrirtæki eru núna fyrst
að rétta úr kútnum eftir erfiða tíma
samkomutakmarkanna,“ segir hann.
„Það er okkar skoðun í Viðreisn að
það sé rétt að móta stefnuna og
skoða umhverfi miðbæjarins með
íbúum og fyrirtækjum með tilliti til
samgangna og öryggis, en ég sjálfur
er meira á frjálsræðisvagninum í
þessum efnum og myndi ekki kom-
ast að sömu niðurstöðu og Kolbrún
Baldursdóttir í þessu máli.“
Hann bendir líka á að sumir velji
miðborgina einmitt vegna þess ið-
andi mannlífs sem þar er. „En ég skil
alveg stöðu fjölskyldufólks og það
þarf að skoða allar hliðar málsins.“
Morgunblaðið/Ari Páll
Djammið Flestir skemmtistaðir borgarinnar eru á litlu svæði í miðbænum.
„Óráðlegt að skapa óvissu
hjá fyrirtækjum í bænum“
Líf
Magneudóttir
Pawel
Bartoszek
- Ekki allir sam-
mála um málefni
miðbæjarins
Flugsveit ítalska flughersins kemur
til landsins í dag með fjórar F-35
orrustuþotur og 135 liðsmenn, til
að gæta loftrýmisins við Ísland á
vegum Atlantshafsbandalagsins.
Þetta er í sjötta sinn sem Ítalir
leggja bandalaginu til flugsveit
vegna verkefnisins en síðast voru
þeir hér fyrir tveimur árum.
Gert er ráð fyrir aðflugsæfingum
að varaflugvöllum á Akureyri og
Egilsstöðum frá 26. apríl til 6. maí.
Í tilkynningu frá Landhelgisgæsl-
unni segir að fyrirkomulagið sé
með sama hætti og síðustu ár og í
samræmi við áætlun bandalagsins
fyrir Ísland, en Gæslan annast
verkefnið í samvinnu við Isavia.
Flugsveitin hefur aðsetur á ör-
yggissvæðinu á Keflavíkurflugvelli
en þar dvelja einnig flugsveitir
bandaríska sjóhersins við kafbáta-
eftirlit. Loftrýmisgæslunni lýkur í
lok júní.
Ítölsk flugsveit gæt-
ir loftrýmis Íslands