Morgunblaðið - 25.04.2022, Page 10

10 FRÉTTIR
Innlent
MORGUNBLAÐIÐ MÁNUDAGUR 25. APRÍL 2022
Skeifan 3 • 108 Reykjavík • Sími 581 2333 • rafver.is • rafver@rafver.is
K 7 Premium
Smart Control
Háþrýstidæla
Sigurður Bogi Sævarsson
sbs@mbl.is
„Bókin er fyrir fólk sem les og
labbar og vill kynnast landinu
sínu betur. Eftir eldgosið í Geld-
ingadölum á síðasta ári opnuðust
augu fólks betur fyrir því hvað
margt áhugavert er að sjá og
finna á Reykjanesi. Gönguleiðir
um áhugaverð svæði og náttúru
sem á sér óteljandi svipbrigði sem
oft koma á óvart,“ segir Jónas
Guðmundsson, leiðsögumaður og
ferðamálafræðingur.
Leiðir upp á fjöllin
og um hraun og dali
Í síðustu viku kom út hjá for-
laginu Sölku ný bók Jónasar,
Gönguleiðir á Reykjanesi. Þar er
að finna lýsingar á nærri 30
gönguleiðum á Reykjanesskag-
anum, svæði sem í kynningu for-
lagsins er lýst sem „fjársjóðskistu
útivistarfólks“. Nokkrar leiðanna
sem segir frá eru upp á fjöll, aðr-
ar um hraun og dalir en aðrar eru
á láglendi og þá gjarnan hring-
leiðir milli markverðra auðkenn-
andi staða.
Fyrsta kaflinn í bókinni
fjallar um þær slóðir sem höfund-
urinn kallar 100 gíga leiðina.
Upphafspunktur hennar er við
Gunnuhver sem er suður undir
hælnum á Reykjanesinu. Alls er
þessi leið um 12 km. hringur og á
fjögurra til fimm klukkustunda
göngu er gengið um hraun og að
gígum við Sýrfell, í Sýrfellshraun
og þar sem heita Stampar.
Leiðarlýsingar, kort og hnit
Gönguleiðir á Reykjanes-
skaganum henta öllum, segir Jón-
as. Hverri leið sem segir frá í bók
hans fylgir leiðarlýsing, kort og
GPS-hnit auk ljósmynda og upp-
lýsingar um staðhætti og að-
stæður. Þar er meðal annars til-
tekið hvort best sé að ganga
leiðina, hlaupa eða fara á reið-
hjóli. Einnig hvort viðkomandi
slóð henti börnum í fjölskyldu-
ferðum. Þá er í hverjum kafla
margvíslegur fróðleikur: saga og
landafræði.
„Ég er búinn að vera á ferða-
lagi og í göngum um Reykjanesið
í áratugi. Þekki svæðið og alla
staðhætti þar mjög vel meðal ann-
ars sem björgunarsveitamaður í
verkefnum sem upp hafa komið á
þessu svæði. Fyrir ári síðan, þeg-
ar ég byrjaði á þessari bók, fannst
mér þó mikilvægt að taka
ákveðna núllstillingu. Fór því að
nýju um allar leiðirnar sem sagt
er frá. Skráði þá eitt og annað hjá
mér, myndaði og mældi – og síð-
ast en ekki síst upplifði í stórbrot-
inni náttúrunni þarna sem sum-
staðar er engu öðru lík. Þarna
get ég til dæmis nefnt Ketilsstíg,
en þá er gengið frá hversvæðinu í
Seltúni við Krýsuvík yfir Sveiflu-
háls og þar inn til landsins. Komið
þar að gróinni hlíð sem kallast
skemmtilega á við gróðurvana
sandsléttu. Þetta er ótrúleg leið,
stutt og greið,“ segir Jónas sem
tekur einnig athygli á Dalaleið.
Sú er frá Kaldárseli ofan við
Hafnarfjörð, síðan vestan Helga-
fells um Skúlatúnshraun, að
Lönguhlíðum og svo austan Kleif-
arvatns suður að Grænavatni.
„Svona gæti ég haldið lengi
áfram og sagt frá gönguleiðum á
Reykjanesinu. Fjölbreytnin er
mikil og sumt kalla ég tvíbura-
leiðir, það er að í einum göngutúr
má taka tvö fjöll. Varla verður
betur boðið,“ segir Jónas sem á sl.
ári sendi frá sér bók um göngu-
leiðir í Friðlandi að Fjallabaki og
nærri Landmannalaugum. Sú bók
fékk góðar viðtökur og því var
ákveðið að halda áfram.
Góður göngutúr eftir vinnu
„Reykjanesskaginn með öll-
um sínum gönguleiðum er í út-
jaðri höfuðborgarsvæðsins og því
stutt að fara þangað fyrir stóran
hluta landsmanna. Ef fólk leggur
af stað eftir strax eftir vinnu síð-
degis má ná góðum göngutúr á
Suðurnesjunum og vera komin
heim á miðju kvöldi. Þá gætum við
verið að tala um göngur að Stað-
arborg á Vatnsleysuströnd, á
Vogastapa, við Garðskaga, að
Selatöngum eða Krýsuvík-
urbjargi. Allt eru þetta áhuga-
verðir staðir og leiðirnar yfirleitt
stikaðar og vel merktar. Reykja-
nesið og göngur þar eru nokkuð
sem ég mæli svo sannarlega með
rétt eins og bókin nýja sýnir og
segir vel.“
Gönguleiðir á Reykjanesi umfjöllunarefni í nýrri bók eftir Jónas Guðmundsson
Morgunblaðið/Sigurður Bogi
Göngugarpur Fjölbreytnin er mikil og sumt kalla ég tvíburaleiðir, það er að í einum göngutúr má taka tvö fjöll.
Varla verður betur boðið,“ segir Jónas Guðmundsson um Reykjanesskagann og útivistarmöguleikana þar.
Svipbrigði náttúrunnar koma á óvart
- Jónas Guðmundsson er
fæddur árið 1966. Leið-
sögumaður, landfræðingur og
ferðamálafræðingur að mennt
og hefur verið á ferð um landið
árum saman. Höfundur fjölda
greina og bóka um land og
ferðalög. Björgunarsveitamað-
ur í áratugi og nú verkefnis-
stjóri hjá Slysavarnafélaginu
Landsbjörg.
Hver er hann?
Ljósmynd/Jónas Guðmundsson
Sögusvið Horft frá Grænudyngju yfir Djúpavatn. Frá þessum stað segir í bókinni nýju og eins áhugaverðum
slóðum nærri hæl Reykjanesskagans. Þar er Gunnuhver og fleiri slíkir, margir öflugir svo jörð nánast kraumar.
Morgunblaðið/Sigurður Bogi
„Við vorum svolítið í byrjun árs að
finna taktinn og að ákveða hvað við
vildum gera,“ segir Vigdís Hafliða-
dóttir, söngkona hljómsveitarinnar
FLOTT, en hún og Ragnhildur Veig-
arsdóttir, hljómborðsleikari og
pródúsent sveitarinnar, voru gestir í
nýjasta þætti Dagmála.
Sveitin hefur vakið athygli undan-
farið og vann nýverið til tvennra
verðlauna á Íslensku tónlistarverð-
laununum: Bjartasta vonin og popp-
lag ársins fyrir lag sitt „Mér er drull“.
Vigdís segir að upprunalega hug-
myndin hafi verið að spila mikið á við-
burðum, vera nokkurs konar ball-
band með frumsömdum lögum.
Samkomubannið hafi þó sett strik í
reikninginn. „Svo náttúrulega fór allt
í lás þarna í mars, sælla minninga.“
Kannski mjög góð hugmynd í jan-
úar 2020?
„Já frábær hugmynd þá,“ segir
Ragnhildur. Vigdís tekur undir. „Þá
átti aldeilis að halda böll.“
Fókusinn hafi því breyst og lögin
orðið útvarpsvænni en lagt var upp
með í byrjun. ari@mbl.is
Morgunblaðið/Ágúst Óliver
Tónlist Vigdís og Ragnhildur skipa sveitina, sem nýverið vann til verðlauna.
FLOTT hljómsveit
- Stofnuðu ballband fyrir samkomu-
bann - Faraldurinn ýtti þeim í stúdíóið