Skólavarðan - 2021, Blaðsíða 18

18 SKÓLAVARÐAN VOR 2021
KENNARASAMBANDIÐ / Faggreinafélög
Pallborðið
Formenn faggreinafélaga segja frá áhrifum COVID-19 en horfa um leið til framtíðar.
Birgir U. Ásgeirsson, formaður Félags
raungreinakennara
 X Við erum ánægð. Þátttaka í viðburðum
er mismikil og margt sem hefur áhrif hverju
sinni. Þrátt fyrir það er mikilvægt að stuðla að
framboði á endurmenntun annars vegar og
skapa vettvang fyrir samskipti meðal kennara
hins vegar. Meðan kennarar halda áfram að
láta sjá sig getum við vel við unað.
Fjóla Þorvaldsdóttir, formaður
Faghóps um skapandi skólastarf
 X Það hefur gengið vel að ná til félagsmanna,
og við vorum svo heppin að það var hægt að
halda upp á 20 ára afmæli Faghópsins og
aðalfund í júní 2020. Við það tilefni hélt Berg-
rún Íris Sævarsdóttir barnabókahöfundur og
teiknari frábært erindi. Við opnuðum líka nýja
og fallega heimasíðu. Haustið 2020 höfum við
svo verið með frábæra netviðburði. Við höfum
haldið okkar striki með fréttabréfið okkar, það
kom út í nóvember að vanda. Við verðum svo
með netviðburði í hverjum mánuði núna á
vorönn 2021.
Hólmfríður Sigþórsdóttir, formaður
Samlífs, samtaka líffræðikennara
 X Fjöldi félagsfólks og virkni er sögð vera
með því besta en tengingu við nýútskrifaða
kennara á öllum skólastigum er ábótavant. Til
fyrirmyndar væri ef skólastjórnendur kæmu
á sambandi við faggreinafélög þar sem virkni
í fagfélögum er liður í símenntun sem styrkir
fagvitund.
Stjórn Samlífs hefur áhyggjur af hversu fáir
kennarar útskrifast af sviði náttúruvísinda.
Styrkja þarf starfandi náttúrufræðikennara í
grunnskólum og bæta starfsskilyrði þeirra og
samvinnu þeirra á milli.
 X Hætta þurfti við viðburði. Faraldurinn
var þó í lægð sl. sumar og því var unnt að
halda árleg sumarnámskeið. Störf sem snúa
að þróun náms og kennslu verða ekki fyrir
áhrifum. Hvað varðar félagslega þáttinn þá
horfir öðruvísi við. Í sumum skólum eru
raungreinakennarar fámennir og því skortur á
faglegu samtali. Það hefur gengið verr á tímum
samkomutakmarkana að skapa þann vettvang
þvert á skóla.
 X Helstu áhrif eru þau að við getum ekki
viðhaldið viðburðunum Skapandi leikskóla-
starf úti í leikskólum, en Faghópurinn hefur
verið með slíka viðburði mánaðarlega í mörg
ár. Í staðinn höfum við fengið frábært fólk til
að halda afar áhugaverða fyrirlestra á netinu
sem hafa verið ótrúlega vel sóttir.
Almennt er leikskólafólk afar hugmyndaríkt
og lætur COVID-19 hafa sem minnst áhrif á
listalíf skólans.
 X Einu áhrif á starfsemi félagsins eru að
ákveðnir viðburðir eru rafrænir. Félagsfólk
Samlífs er á öllum skólastigum svo áhrifin
eru breytileg. Fyrir framhalds- og háskóla
var verst að missa verklegar æfingar. Sýni- og
heimatilraunir geta aldrei komið í staðinn fyrir
verklegar æfingar sem eru mikilvægar til að
dýpka þekkingu á viðfangsefnum líffræðinnar.
Nemendur brugðust við með mikilli að-
lögunarhæfni og menntun er því sambærileg
og í eðlilegu árferði.
Hvernig gengur að ná til kennara fyrir hönd þíns félags?
Hver eru helstu áhrif COVID-19 á starfsemi félagins og fagið?
Hvernig sérðu starfsemina fyrir þér á árinu 2021?
 X Viðburðir á fyrri hluta árs falla niður eða
færast á rafrænt form. Tvíæringurinn Ráð-
stefna um náttúrufræðimenntun í mars verður
t.a.m. rafræn (malthing.natturutorg.is). Það er
áskorun. Undirbúningur árlegra sumarnám-
skeiða er með hefðbundnu sniði. Við stefnum
að námskeiðum um veðurfræði og nýjungar í
jarðrækt og jarðvegstilraunum. Tíminn verður
svo að leiða í ljós hvernig málin þróast. Við
horfum þó bjartsýn fram á veginn.
 X Meginmarkmiðið er að styrkja kennslu í
líffræði á öllum skólastigum. Félagið fagnaði
fjölgun kennslustunda á unglingastigi og
ítrekað hefur verið óskað eftir fundi með
menntamálaráðherra um stöðu náttúrufræði-
menntunar. Starfsemin verður að mestu
með hefðbundnum hætti. Helstu viðburðir
eru fræðsluerindi á aðalfundi, þriggja daga
endurmenntunarnámskeið, samlífssveppamór,
þátttaka í málþingi um náttúrufræðimenntun
og Líffræðiráðstefnunni.
 X Starfið verður gróskumikið á komandi
vori. Við verðum með netviðburði í hverjum
mánuði og fréttabréfið okkar mun koma út í
mars að venju. Í mars fáum við líka umræðu
um heimspeki með leikskólabörnum, þar sem
þau Helga María Þórarinsdóttir og Ingi Jóhann
Friðjónsson segja okkur frá heimspekistarfinu
í leikskólanum Lundarseli. Það verður einnig
fyrirlestur um skapandi efni og notkun þess
í leikskólastarfi. Það eru bjartir tímar fram
undan hjá Faghópnum.