Sjómannablaðið Víkingur - 01.02.2019, Page 24

24 – Sjómannablaðið Víkingur
Í öndverðum þessum mánuði flykktust stangveiðimenn
hvaðanæva að til Íslands og reyndu með sér norðan heiða í
strandstangaveiði. Um var að ræða Evrópumót og komu
keppendur frá sjö löndum, Írlandi, Skotlandi, Wales, Eng-
landi, Hollandi, Þýskalandi og svo auðvitað frá Íslandi – alls
55 talsins.
Mótið stóð yfir í þrjá daga. Fyrsta daginn var veitt af Akur-
eyrarbryggjum. Annan daginn var haldið út á Hjalteyri og sein-
asta daginn egndu stangveiðimennirnir fyrir fisk í Pollinum við
Drottningarbraut á Akureyri.
Skemmst er frá því að segja að Holland vann liðakeppnina en
stigahæsti einstaklingurinn var frá Írlandi, Stephen Glynn.
– Stephen vann tvo daga í röð, útskýrir Helgi Bergsson for-
maður íslandsdeildar Evrópusambands sjóstangaveiðimanna
(EFSA, European Federation of Sea Anglers) sem stóð fyrir
mótinu að þessu sinni.
Í hnotskurn fer keppnin þannig fram að hverju veiðisvæði er
skipt í fimm veiðihólf þar sem stangveiðimennirnir standa dag-
inn á enda. Dregið er um hólf og hverjir lenda í hverju. Daginn
eftir endurtekur sagan sig, svæðinu er skipt í hólf, dregið er um
hver lendir hvar og síðan veiðir hver í sínu hólfi daginn á enda.
Fiskarnir sem á land koma eru mældir og taldir og gefin stig
eftir lengd og fjölda og einnig eftir heildarframmistöðu. Þannig
fær sá ellefu stig sem ber hæstan hlut eftir daginn.
– Stephen Glynn var þó ekki aflahæsti einstaklingurinn, segir
Helgi. Mesta aflaklóin var frá Englandi, Stuart Jones, en hann
landaði 64 fiskum alls og munaði þar mest um daginn úti á
Hjalteyri þar sem Stuart dró 60 fiska.
Samtals drógu keppendur 1.183 fiska á land – mældust sam-
tals 43053 sentimetrar – sem greindust í átta tegundir, sandkola,
þorsk, skrápflúru, tindabikkju, rauðsprettu, steinbít, marhnút og
lýsu.
Myndir: Þorgeir Baldursson
Evrópumót í strandstangaveiði
Þriðja daginn var veitt nánast að
segja af Drottningarbrautinni á
Akureyri, utan frá Torfunefi inn undir
Höepfnerstanga – svo við flíkum nýju
örnefni en á tanganum slær hjarta
siglingaklúbbsins Nökkva.
Það verður að játast að matarkista
Akureyringa á liðnum öldum var ekki
útlátasöm að þessu sinni. Pollurinn
neitaði að sjá af fósturbörnum sínum.
Evrópumeistarinn, Stephen Glynn,
náði fimm fiskum, næsti maður
tveimur en fæstir urðu varir.
Helgi Bergsson, formaður íslandsdeildar Evrópusambands sjóstangaveiðimanna.