Sjómannablaðið Víkingur - 01.03.2016, Qupperneq 35

Sjómannablaðið Víkingur – 35
Lesandi góður, sýningin er að opna í
Laugardalshöll, já núna miðviku-
daginn 28. september. Allt það
nýjasta á einum stað, hátækni fisk-
vinnsluvélar, siglingatæki, báta- og
skipsvélar, toghlerar, öryggisbúnaður
af öllu tagi svo eitthvað sé nefnt af því
sem meira en 100 fyrirtæki ætla að
sýna gestum sem leggja leið sína í Laug-
ardalshöllina dagana 28. til 30. septem-
ber. Munið að sjón er sögu ríkari.
Við grípum Ólaf M. Jóhannesson,
framkvæmdastjóra sýningarinnar, þar
sem hann er á harðahlaupum að leggja
lokahönd á undirbúning.
„Jú, blessaður vertu, ég er með þetta í
blóðinu, fæddur austur á Norðfirði og
hef alltaf haft áhuga á sjónum. Við vilj-
um hafa sýninguna faglega en þó með
léttu yfirbragði svo engum þurfi að leið-
ast.
Meginmálið er þó auðvitað að hér
munu allir sem stunda sjó og vinnslu
sjávarfangs finna það sem er nýjast í
þeim efnum.
Það skiptir líka máli að menn blandi
geði og finni á eigin skinni hvað ná-
unginn er að glíma við – eða getur boðið
upp á. Þú ert kannski í vandræðum með
eitthvað sem annar er löngu búinn að
finna ráð við. Við þurfum ekki öll að
finna upp hjólið, þú veist. Sýningin okk-
ar verður þessi vettvangur þar sem vörur
og þjónusta, sem sjávarútvegnum standa
til boða, verða kynnt á einum stað.
- Og hvers vegna veljið þið Laugardals-
höllina?
- Einmitt til að ná þessum markmið-
um sem allra best. Hér er gott aðgengi
fyrir bíla og gangandi. Stór bílastæði og
síðast en ekki síst er Laugardalshöllin
ekki aðeins íþróttahús, hún er einnig sér-
hönnuð sem sýningarhúsnæði.
- En varla standið þið ein í þessu, eða
hvað?
- Fyrirtæki mitt, Ritsýn sf., hefur
starfað í 19 ár og fengist við margvísleg
verkefni. En nei, það er rétt, við erum
ekki ein að verki. Upphafið var þegar all-
mörg fyrirtæki ýttu hugmyndinni að
mér. Mörg félög innan geirans sýndu
málinu líka áhuga og gerðust stuðnings-
aðilar sýningarinnar. Hér ræðir um Sjó-
mannasamband Íslands, Samtök fyrir-
tækja í sjávarútvegi, Landssamband
smábátaeigenda, Félag vélstjóra og
málmtæknimanna, Samtök fiskframleið-
enda og útflytjenda og Íslenska sjávar-
klasann. Og það er gaman að segja frá
því að klukkan tvö miðvikudaginn 28.
september munu þessi samtök veita sér-
stakar viðurkenningar til þeirra sem
skarað hafa fram úr innan sjávarútvegs-
geirans. Klukkutíma síðar, eða klukkan
þrjú, munum við svo opna sýninguna
með formlegum hætti.
Auðvitað er staðreyndin sú að svona
viðamikil sýning getur aldrei komist á
koppinn nema fjölmargir leggi þar hönd
á plóg.
- Og hvernig verður háttað opnunar-
tíma ?
- Eins og ég sagði áðan verður sýn-
ingin opnuð klukkan þrjú, eða 15, mið-
vikudaginn 28. september og opin til 19
þann dag. En daginn eftir og á föstu-
daginn er sýningin opin frá 10 til 18
báða dagana. Og það þori ég að fullyrða
að þarna mun ýmislegt koma á óvart,
meðal annars veitingahúsið okkar sem
verður á pöllunum milli sýningarsvæða.
En auðvitað eru það allir hinir fjöl-
mörgu sýningarbásar fyrirtækjanna sem
mesta athygli munu vekja. Þar munum
við sjá svart á hvítu hina miklu grósku
sem er í sjávarútvegi þjóðarinnar en þar
stöndum við án nokkurs vafa í fremstu
röð þjóða heimsins í dag.
SJÁVARÚTVEGUR
Í LAUGARDALSHÖLL
Stórsýningin, Sjávarútvegur 2016, hefst mið-
vikudaginn 28. september kl. 15. Þar verður í
brennipunkti gróskan í íslenskum
sjávarútvegi.
Mynd: Davíð Már Sigurðsson