Sjómannablaðið Víkingur - 01.03.2016, Side 45

Sjómannablaðið Víkingur – 45
þar sem skipið Vasa átti að verða mest og
best. Sumarið 1628 var skipið komið á
flot, býsna óárennilegt, að minnsta kosti
fyrir verðandi óvini. En ekki var allt sem
sýndist. Skipið var stöðugleikaprófað
með því að láta 30 karla hlaupa frá síðu
að síðu á efsta dekki en eftir aðeins þrjú
hlaup karlanna voru þeir stöðvaðir af
óttaslegnum skipasmiðum sem sáu ekki
fram á annað en að skipinu myndi hvolfa
ef fram færi sem horfði.
En kóngi lá á. Hann stóð í hernaði við
Pólverja og sendi hvert bréfið á fætur
öðru heim að reka á eftir sjósetningu
Vasa er eina 17. aldar skipið sem varðveist hefur svo til í heilu lagi fram á okkar dag. Árið 1961 hófst björg-
un þess og til ársins 1988 var það geymt í Wasaarvet í Stokkhólmi og gestum boðið að skoða það úr fimm
metra fjarlægð. Þetta breyttist heldur betur þegar núverandi Vasasafn var opnað. Að vísu er engum hleypt
um borð en maður kemst engu að síður í nánast snertingarfjarlægð við skipið. Auk þess að geta skoðað það
á alla kanta, botninn líka.
Sjórinn hefur þvegið alla litadýrð af Vasa. Þessi
eftirgerð bætir úr.