Sjómannablaðið Víkingur - 01.04.2016, Blaðsíða 47

of skammt enda hafi verið horft til minni
skipasmíðastöðva og leysi á engan hátt
vanda stóru skipasmíðastöðvanna. Engin
smíði á gámaskipum eða tankskipum eru
í þessum áformum og muni þar af leið-
andi ekki koma þeim stóru til hjálpar.
Hyunday Heavy Industry Co. sem er
stærsta skipasmíðasamstæða heims til-
kynnti að þeir muni draga úr öllum öðr-
um rekstri en sem snýr að skipasmíði. Þá
hefur önnur stærsta stöðin, Daewoo
Shipbuilding & Marine Engineering Co.,
tilkynnt að þeir muni fækka störfum um
5.500 fram til ársins 2018. Skipasmíða-
iðnaðurinn þar í landi veitir 7,1% lands-
manna störf en þrjár stærstu skipasmíða-
stöðvarnar þurfa að segja upp 32% af
sínum starfsmönnum fyrir 2018 og draga
úr rekstri sem nemur 23% að því er fram
kemur í tilkynningu stjórnvalda.
Aldrei fyrr annað eins magn
Breski sjóherinn stöðvaði í apríl 2015 för
dráttarbáts, skráðum í Tansaníu, sem var
á siglingu um 100 sjómílur undan strönd
Bretlands í Norðursjó. Ferð dráttarbáts-
ins Hamal þótti grunsamleg en leiðar- og
véladagbækurnar sögðu að skipið hefði
siglt frá Tyrklandi og dvalið í Vestur-Afr-
íku um tíma. Gerð var leit um borð og
fannst leynirými þar sem komið hafði
verið fyrir 128 böllum af kókaíni en hver
þeirra var 25 kíló. Hér voru því samtals
3,2 tonn að götuverðmæti 71,8 milljarð-
ar íslenskra króna. Er þetta stærsti eitur-
lyfjafundur allra tíma í Bretlandi. Við
skoðun á siglingatækjum skipsins kom í
ljós að slökkt hafði verið á AIS kerfinu
um borð en án vitneskju áhafnar þá
hafði GPS í fartölvu um borð skráð ferðir
skipsins. Þar kom í ljós að skipið hafði
siglt frá Tenerife 8. mars 2015 og yfir
Atlantshafið en þeir komu til hafnar í
Georgetown í Gíneu 13 dögum síðar.
Fimm dögum síðar lagði skipið úr höfn
en tveimur dögum eftir brottför var ferð-
in stöðvuð í 12 til 15 tíma. Skipstjórinn
og stýrimaðurinn voru fundnir sekir,
fjórir skipverjar voru taldir saklausir en
3 aðrir voru sýknaðir.
Stuðningur við skipstjóra
Fulltrúar frá Evrópusamtökum útgerðar-
manna (ECSA) og Evrópsku flutninga-
verkasamtökunum (ETF) heimsóttu
skipstjórann Aspotolos Mangouras á
heimili hans í Aþenu þann 24. apríl sl.
í tilefni af Alþjóðadegi sjómanna. Man-
gouras var skipstjóri á olíuflutningaskip-
inu Prestige sem fórst undan strönd
Spánar fyrir 14 árum síðan. Nýlega felldi
Hæstiréttur Spánar tveggja ára fangelsis-
dóm yfir Mangouras fyrir að hafa með
kæruleysi valdið hörmulegum umhverf-
isskaða eftir að skip hans brotnaði í
óveðri. Snéri Hæstiréttur sýknudómi hér-
aðsdóms La Coruna öllum að óvörum.
Formaður ECSA, Tim Springett, sagði
að Mangouras skipstjóri væri nú gert
að greiða óásættanlegt verð fyrir fag-
mennsku sína, hugrekki og einurð sem
skipstjóri skips síns. Þessi dómur væri
nokkuð sem skipstjórinn ætti aldrei að
þurfa að sitja. Hann hafi hlotið órétt-
mæta meðferð allar götur frá því að skip
hans lenti í vandræðum í slæmu veðri
(sem oft hefur verið fjallað um á þessum
síðum síðustu fjórtán árin) sem endaði
með að það sökk.
Lýstu bæði samtökin því yfir að leið-
beiningum Alþjóðavinnumálastofnunar-
innar (ILO) og Alþjóðasiglingamálastofn-
unarinnar (IMO) um sanngjarna meðferð
á sjómönnum í kjölfar sjóslysa bæri að
fara eftir í máli Mangouras.
Alheimsdagur siglinga
Búið er að tilkynna um þema fyrir Al-
heimsdag siglinga ársins 2017. Að þessu
sinni verður athyglinni beint að því að
tengja skip, hafnir og fólk. Aðalritari Al-
þjóðasiglingamálastofnunarinnar, Kitack
Lim, tilkynnti þetta nýlega á þingi IMO.
Benti hann á mikilvægi þess að bæta
samskipti skipa og hafna til að auka
gæði, bæta öryggismál og verndarmál
auk þess að ná fram aukinni hagræð-
ingu.
Ákærður um manndráp
Brasilísk yfirvöld hafa ákært rússneskan
yfirvélstjóra fyrir manndráp eftir að tveir
fillippínskir skipverjar létust í lokuðu
rými um borð í þýska gámaskipinu Adri-
an en skipið var statt í höfn í Fazendinha
í Brasilíu. Samkvæmt heimildum þá
heldur saksóknari því fram að yfirvél-
stjórinn, Anton Shcherbak, hafa sýnt
vanrækslu í starfi þegar hann leyfði skip-
verjunum tveimur að fara inn í dælurými
án þess að hafa látið mæla loftgæðin
áður eða loftræsta það. Köfnuðu skip-
verjarnir í rýminu.
Dæmdir fyrir mengun
Tveir fillippínskir vélstjórar á stórflutn-
ingaskipinu Ocean Hope eiga yfir höfði
sér dóm allt að 20 ára fangelsi í Banda-
ríkjunum eftir að þeir urðu uppvísir að
fjölda glæpa við að losa olíusora í sjó.
Yfirvélstjórinn, Rustico Ignacio, og annar
vélstjóri, Cassius Samson, voru sakfelldir
fyrir að brjóta gegn lögum um mengun
frá skipum sem og að hindra réttvísi með
fölskum skráningum og röngum fram-
burði. Þá var eigandi útgerðar skipsins,
Oceanic Illsabe Ltd., ásamt útgerðar-
stjóra einnig sakfelldir fyrir sömu ástæð-
ur. Búist er við að þeir fái háar fjársektir.
Meðan á rannsókn málsins stóð kom í
ljós að vélstjórarnir losuðu olíusora í sjó-
inn svo þeir gætu notað olíusoratankinn
fyrir díselolíu sem þeir seldu síðan á
svörtum markaði.
Nýtt herskip
Nýlega hófust prufusiglingar nýs her-
skips bandaríska sjóhersins. Skipið telst
nú vart vera mikið augnayndi en sannar-
lega sérstakt í útliti. Herskipið sást ný-
lega undan Fort Lauderdale en það hefur
fengið nafnið USS ZUMWALT. Skipið
flokkast sem tundurspillir en það þykir
jafnfram vera eitt fullkomnasta og tækni-
legasta bardagaskip sem notað verður í
framlínu sjóhernaðar. Skipherra skipsins
heitir James A. Kirk og þykir það nokk-
uð skemmtileg tilviljun enda er James
T. Kirk vel þekktur meðal aðdáenda
Stjörnustríðsmyndanna sem skipherra
USS ENTERPRISE. Bent hefur verið á að
engin skyldleiki er á milli þessa tveggja
skipherra enda annar þeirra hugarsmíð.
Báðir eru þó að stjórna tæknivæddustu
farartækjum framtíðarinnar. Held þó að
Sjómannablaðið Víkingur – 47
FPSO Aces eftir sprenginguna.