Sjómannablaðið Víkingur - 01.04.2016, Blaðsíða 49

Sjómannablaðið Víkingur – 49
Nú þegar jólin nálgast er ekki úr vegi að leiða hugann ögn að
inntaki trúarinnar, gildi dyggðanna og mikilvægi samhygðar
með náunganum.
∞
Erfiðustu stundir guðleysingjans eru þær þegar hann er barma-
fullur af þakklæti fyrir eitthvað en veit ekki hverjum hann á að
þakka.
∞
Á kirkjuhurð var eftirfarandi áletrun: „Þetta er leiðin til friðar.
Þetta er hlið himnaríkis.“
Fyrir neðan var festur lítill miði sem á stóð: „Lokað yfir
sumarmánuðina.“
M. G. Frost
∞
Guð er fyrsti auglýsandinn. Hann hengdi upp stjörnurnar til að
láta himnana boða dýrð guðs.
∞
Við verðum jafnvel að hafa meiri gát á okkur er við þykjumst
breyta rétt en þegar við erum að forðast lestina. Því í sinni
sönnu mynd er lösturinn svo ljótur að hann myndi naumast
freista okkar ef hann tæki ekki oft í fyrstu á sig ásýnd dyggðar-
innar.
Chesterfield lávarður
∞
Ekki er nein sú skylda til að vér verðum ekki sælli fyrir að
rækja hana, og engin sú freistni, að hún leyfi ekki einhverja
undankomu.
Seneca
∞
Dauðinn er léttari en fjöður, en skyldan er þyngri en nokkurt
fjall.
∞
Það væri æskilegt að við öguðum ekki síður anda vorn en lík-
ama og að við legðum jafnmikla áherslu á dyggðina eins og við
leggjum á nautnina.
Seneca
∞
Sá er ei vill sönsum taka
síðar mun sér iðrun baka.
∞
Þegar þú átt í baráttu við samvisku þína og tapar - vinnur þú.
∞
Hugulsöm, gömul kona hafði farið með hóp barna í sirkus.
Börnin voru af hæli - sum blind, önnur heyrnarlaus eða mál-
laus. Á leiðinni heim sagði drengurinn sem var blindur: „Mikið
eiga heyrnarlausu börnin bágt. Þau gátu ekki heyrt þegar
hljómsveitin spilaði, ljónin öskruðu og fólkið klappaði. Og þau
gátu ekki einu sinni heyrt þegar fílarnir þrömmuðu framhjá.“
∞
Sérhver maður skuldar náunga sínum - ekki síst ef honum líður
illa - dálítið af tíma sínum, tákn um velvilja sinn, þátttöku í
hugsunum sínum, vingjarnlegt handtak, bros, hlýtt orð, eitt-
hvað af efnum sínum.
∞
Samúð - þú kvöl hjarta míns.
Jess Lair
Ker Umbúðamiðlunar eru
eingöngu ætluð undir
matvæli.
Trú, dyggð og samhygð
Menn hafa þóst taka eftir því að lauf asparinnar titra alltaf, jafnvel þótt ekkert
annað bærist. Ein af elstu munnmælasögum í kristnum sið segir krossinn, sem
Kristur var krossfestur á, höggvinn úr ösp. Vegna þessarar þátttöku sinnar í
krossfestingunni skelfur lauf asparinnar æ síðan.