Austurglugginn - 18.11.2004, Blaðsíða 10

10 AUSTUR • GLUGGINN
Fimmtudagur 18. nóvember
MENNING
Umsjón: jonknutur@agt.is
í bland með börnum
Dagar myrkurs
Vafejiaiímkr Hsaímarís®íi
I' Bi A\l) MEÐ BÖRM >f
Út er komin 16. bók Vil-
hjálms Hjálmarssonar frá
Brekku „ í bland með börn-
um.“ í bókinni segir Vilhjálm-
ur ffá reynslu sinni sem bama-
kennari við Barnaskóla Mjóa-
tjarðar á árunum 1936-47 og
1956-67. Mikill fjöldi mynda
prýðir bókina og stór hluti les-
máls er kominn frá börnunum
sem Vilhjálmur sagði til. Vil-
hjálmur hætti þingmennsku
árið 1979 og kom fyrsta bók
hans út árið 1981 en sem fyrr
segir er þessi sú sextánda í röð-
inni. Dreifingarmiðstöðin,
Garðabæ sér um dreifingu á
bókinni.
Tónleikar í safnaðar-
heimilinu
Næstkomandi sunnudags-
kvöld verða tónleikar í safnað-
arheimili Norðfjarðarkirkju
með Sigurði Flosasyni, saxó-
fónleikara, og Gunnari Gunn-
arssyni, organista en Austur-
glugginn sagði frá komu þeirra
fyrir nokkru.
Tónleikarnir eru á vegum
Brján og á þeim munu félag-
arnir spila lög af geisladiskn-
um Draumalandið sem er ný-
kominn út. A disknum eru
fluttar nýjar útsetningar á ís-
lenskum ættjarðarlögum.
Morfís að nýju
Menntaskólinn á Egilsstöð-
um mun keppa við Mennta-
skólann í Kópavogi í Mælsku-
og rökræðukeppni framhalds-
skólanna á íslandi í sal
Menntaskólans á Egilsstöðum
í kvöld. Nokkurt hlé hefur
verið á þátttöku M.E. í keppni
þessari en 7 ár eru liðin frá síð-
ustu keppni þeirra.
Dagur íslenskrar
tungu
Síðastliðinn þriðjudag, 16
nóvember var dagur íslenskrar
tungu haldinn hátíðlegur. Ekki
virtist mikið um dýrðir í
grunnskólum þeim sem haft
var samband við enda nýhafin
kennsla eftir verkfall en þó er
upphafsdagur stóru upplestrar-
keppninnar þennan dag. Meiri
dagskrá mun hafa verið í leik-
skólum á Austurlandi en þar
fóru börnin með þulur og
sungu í tilefni dagsins.
Hátíðin Dagar myrkurs verður í
fjórða skipti á Austurlandi nú um
helgina en hún hefst í dag og stend-
ur til sunnudags. Dagskrá hátíðar-
innar er mjög fjölbreitt og nær um
mest allt Austurland. Meðal
þátttakenda eru skemmti- og veit-
ingastaðir sem m.a. bjóða svarta
drykki á hálfvirði og halda myrkra-
böll, myrkir dagar eru í skólum
víða um fjórðunginn, göngur og
hlaup eru á dagskrá s.s. afturganga,
faðrivorhlaup og kyndilganga, í-
þróttamiðstöðvar taka þátt og halda
„kósíkvöld“ og matarveislur ýmis-
konar verða vítt og breitt um fjórð-
unginn. Auk þessa verða messur,
kertafleytingar, sálarrannsóknir,
dansleikir og fleira en nákvæma
dagskrá má nálgast á heimasíðu
Markaðsstofu Austurlands,
www.east.is en Markaðsstofan hef-
ur séð um umgjörð hátíðarinnar.
Allir dagskrárliðir koma frá heima-
mönnum og er fólk hvatt til að upp-
lifa myrkrið, skoða skugga, eiga
notalegt kvöld við kertaljós eða
skoða draugalegu hliðna á tilver-
unni.
bvg@agl.is
Þær ætla að siðmennta
jólaköttinn
Á Egilsstöðum vinna handverkskonurnar Anne Kampp
og Guðrún Sigurðardóttir hörðum höndum að því að und-
irbúa jólin. Þær móta með höndunum jólaketti og skreyta
með þeim bolla, skálar, súkkulaðikönnur, kertastjaka o.fl.
Einnig framleiða þær dansandi engla, ljósengla með börn
og gömlu íslensku jólasveinana.
„Þetta er listgrein“ útskýrir Guð-
rún en við erum stödd inni á verk-
stæðinu þar sem þær vinna „þetta
er framleiðsla úr leir en við erum
ekki að fjöldaframleiða þessa gripi.
Þetta er allt unnið í höndunum og
engir tveir hlutir eru eins.“
Guðrún Sigurðarsóttir að skreyta.
Dulúð jólakattarins
Þema þeirra þessi misserin er
jólakötturinn eins og sjá má á með-
fylgjandi myndum. Þær segjast
vera að breyta ímynd hans. „Einu
sinni var hann sólginn í börn en
núna eiga allir krakkar nóg af fot-
um þannig að enginn fer í jólakött-
inn. En hann verður að lifa á ein-
hverju og í dag finnur hann ilm af
súkkulaði, ávöxtum, kleinum og
jólagrautnum sjálfum," segir Guð-
rún og sýnir blaðamanni fallega
skál fyrir konfekt. „Þessi jólakött-
ur sem við erum að búa til er tákn
velmegunar en ekki fátæktar. Við
erum að siðmennta köttinn.“
Anne sest við rennibekkinn og
rennir eina skál svo blaðamaður
sjái hvernig skál verður til. „Aðal-
atriðið hjá okkur er að koma lífi í
leirinn og gera eitthvað sem ekki
hefur sést áður“ segja þær. „Það er
að verða sífellt algengara að fólk
kunni að meta handunna vöru.
Hópurinn stækkar smám saman
sem gerir mun á handverki og
fjöldaframleiðslu."
List í leir
Það segir sig sjálft að þegar hver
gripur er einstakur - hefur sinn
Anne að renna skál.
karakter, þá þarf andinn að vera
yfir handverksmanninum í hvert
skipti sem nýr gripur verður til.
Anne segir misjafnt hvernig andinn
kemur. „Stundum kemur stemmn-
ingin til min en stundum kemur
hún frá einhverjum öðrum. Eg
man að það var einhverju sinni á
Ormsteiti að ég var að móta engla-
skál úr leir. Unglingar voru að
giettast fyrir framan mig og áður en
ég vissi af voru þeir orðnir fyrir-
myndir að púkum“ segir Anne „og
þá varð til skógarpúkaskál."
„Þetta skapandi ferli veitir manni
ríkulega lífsfyllingu og þar sem við
viljum fólki vel, þá má geta þess að
Þemað í ár er jólakötturinn eins og
sést á þessum könnum.
við bjóðum upp á námskeið“ segja
þær en námskeiðin hafa tekist vel
og eru eins konar „ævintýraferð"
svo orð Anne séu notuð.
JKÁ
Því miður þekkti enginn manninn okkar í síðasta blaði en við reynum
aftur með mynd frá Bjarghildi Sigurðardóttur á Egilsstöðum. Ef einhver
kannast við þessa konu má sá hinn sami hafa samband við Arndísi hjá
Héraðsskjalasafni Austurlands í síma 471-1417