Fréttablaðið - 13.10.2022, Blaðsíða 27

Það er einstaklega
kósí að tylla sér inn
á Bryggjuna yfir góm-
sætum jólalegum réttum
og njóta útsýnis yfir
Gullborgina og sjóinn.
Jóel Salómon Hjálmarsson
Því fylgir töfrandi jóla-
stemning að njóta dýrindis
jólahlaðborðs á Bryggjunni
Brugghúsi með útsýni yfir
hafið og höfnina.
„Heima er alltaf borðaður ham-
borgarhryggur á aðfangadagskvöld
og ég geri mikið úr meðlætinu með
honum. Ég laga heimagert rauðkál,
brasserað rósakál með beikoni,
eplasalat og sykurbrúnaðar kart-
öflur upp úr púðursykri. Svo er
heimagerði jólaísinn með Toble-
rone og Daim algjörlega ómissandi,
en á gamlárskvöld fer ég í enn fínni
búning og töfra fram þriggja rétta
máltíð fyrir gesti, en þar má yfirleitt
finna innbakaða humarhala, grill-
aðar hreindýralundir og súkkulaði-
mús yfir skaupinu,“ segir Hjálmar
Jakob Grétarsson, yfirkokkur og
annar eigenda Bryggjunnar Brugg-
húss, spurður um sinn eftirlætis
jólamat.
Hjálmar er kominn í jóla-
skap enda í óðaönn að undirbúa
dýrindis jólahlaðborð Bryggjunnar
í félagi við Jóel Salómon Hjálmars-
son, en saman keyptu þeir rekstur
Bryggjunnar Brugghúss í sumar.
Þetta rómaða og geysivinsæla
veitingahús við Reykjavíkurhöfn
hefur verið starfrækt frá árinu 2015
og er með fyrstu handverksbrugg-
húsum landsins.
„Við höfum báðir starfað í
veitingageiranum síðan á ungl-
ingsárunum. Hjálmar Jakob lærði
matreiðslu á Hótel Borg og hefur
verið yfirkokkur á fjölmörgum veit-
ingastöðum í Reykjavík, en ég lærði
hótelstjórnun í Sviss og hef unnið
fyrir hótelkeðjur, til að mynda
Marriot Hotels og Icelandair Hotels,
ásamt því að fást við kennslu og
ráðgjöf,“ upplýsir Jóel Salómon.
Skötuveisla á Þorláksmessu
Saman sjá þeir mikil tækifæri á
Bryggjunni Brugghúsi og fram
undan er skemmtilegur stemn-
ingstími þegar glæsilegt jólahlað-
borð verður sett upp á Bryggjunni.
„Í aðdraganda jóla verður nóg
um að vera á Bryggjunni. Jóla-
hlaðborðið verður á sínum stað á
föstudags- og laugardagskvöldum
frá miðjum nóvember og fram að
jólum, og fer hver að verða síðastur
að tryggja sér borð. Einnig bjóðum
við upp á margrétta jólamatseðil
á virkum kvöldum, ásamt því sem
ljúffeng skötuveisla Bryggjunnar
verður á sínum stað á Þorláks-
messu þar sem hinn bráðfyndni
Jógvan Hansen sér um veislustjórn
og skemmtiatriði,“ segir Hjálmar
Jakob og þeir Jóel Salómon hlakka
mikið til.
„Aðventan er einstaklega
skemmtilegur tími á Bryggjunni og
mikil eftirvænting eftir jólunum
hjá starfsfólkinu okkar. Mikil og
lífleg ös er hjá okkur frá miðjum
nóvember og nær jólaundirbún-
ingurinn hámarki með skötu-
veislunni á Þorláksmessu en eftir
hana fær starfsfólk Bryggjunnar
verðskuldað frí þar sem lokað
er á Bryggjunni yfir hátíðarnar.
Þrátt fyrir að vera veitingastaður
reynir Bryggjan Brugghús eftir
fremsta megni að vera fjölskyldu-
vænn vinnustaður og því er lokað
á aðfangadagskvöld, jóladag,
annan í jólum og gamlárskvöld
svo að starfsfólkið okkar geti notið
hátíðanna með sínum nánustu,“
greinir Jóel Salómon frá.
Handbruggaður jólabjór
Bruggsalur Bryggjunnar tekur allt
að 90 manns í sæti og hentar ein-
staklega vel fyrir tónleika, böll og
aðra viðburði.
„Viðburðir á Bryggjunni eru
einstaklega vinsælir meðal stærri
hópa, líkt og vinnustaðahópa
og vinahópa enda er Bryggjan
vel í stakk búin til að taka á móti
hópum upp í 220 manns. Bryggjan
skiptist þó upp í þrjú mismunandi
rými og er einstaklega kósí fyrir
fjölskyldur og minni hópa að sitja
á veitingastaðnum með útsýni
yfir Gullborgina og sjóinn. Yfir
árið gæti ég trúað að viðskipta-
vinir Bryggjunnar séu til jafns
Íslendingar og erlendir ferðamenn
og það er líka staðan í desember,
þótt jólahlaðborðin séu ívið vin-
sælli hjá Íslendingum,“ segir Jóel
Salómon.
Á Bryggjunni er starfrækt full-
komið handverksbrugghús og
iðulega boðið upp á þrjá til fjóra af
handverksbjórum hússins á krana.
„Jólabjórinn er þar engin undan-
tekning. Í ár verður hann milli-
dökkur lagerbjór með ferskum
appelsínuberki og kardimommum
sem setja tóninn fyrir jólahátíðina.
Við bjóðum upp á úrval bjóra á
krana, bæði úr okkar eigin brugg-
húsi sem og öðrum íslenskum
brugghúsum,“ upplýsir Jóel
Salómon.
Jólamatur og djössuð jólalög
Jólaveislan á Bryggjunni Brugghúsi
hefst fimmtudaginn 17. nóvember
og stendur til og með laugardeg-
inum 10. desember.
„Jólaseðill verður einnig í boði
öll virk kvöld frá 17. nóvember og
fram að jólum. Undir borðhaldinu
verður lifandi tónlist með áherslu
á djössuð jólalög og skemmtiat-
riðin halda áfram fram á kvöld
þótt borðhaldinu ljúki,“ segir
Hjálmar Jakob.
Þá býður Bryggjan Brugghús
Jóel Salómon
Hjálmarsson og
Hjálmar Jakob
Grétarsson
eru eigendur
Bryggjunnar
Brugghúss þar
sem er starf­
rækt fullkomið
handverks­
brugghús. Jóla­
bjórinn í ár verð­
ur millidökkur
lagerbjór með
ferskum appels­
ínuberki og
kardimommum:
ekta jóla jóla.
FRÉTTABLAÐIÐ/
VALLI
Bragð af jólum við höfnina
Svona er jólahlaðborðið
Í forrétt verður:
Villisveppasúpa (vegan),
reyktur og grafinn lax,
piparrótarsósa, graflaxsósa,
reykt nautatunga, innbakað
sveitapaté, villibráðarpaté,
síldarsalöt, andasalat, rauð­
rófusalat (vegan), tvíreykt
húskarlahangikjöt, súrdeigs­
brauð, rúgbrauð, laufabrauð,
flatbrauð.
Í aðalrétt verður:
Hamborgarhryggur, puru­
steik, kalkúnabringa með fyll­
ingu, nautalund, kalt hangi­
kjöt, vegan­Wellington.
Meðlæti verður:
Kartöflur og uppstúf, sykur­
brúnaðar kartöflur, sætkart­
öflumús, rauðkál og grænar
baunir, eplasalat, rósakál,
ristað spergilkál, villi sveppa­
sósa, rauðvínsgljái.
Og þessir eftirréttir:
Ris a la mande með kirsu­
berjasósu, súkkulaðikaka
með hindberja­coulis,
marengsterta með rjóma og
berjafyllingu, konfekt og smá­
kökur, kaffi og te.
VERÐ: 12.900 Á MANN
Sjö rétta jólaseðill
n Gæsasúpa, gráðaostur, villi­
sveppir,
n Grafin gæs með portvíns­
sultuðum rauðlauk, kletta­
salati og bláberja­vinaig­
rette.
n Tvíreykt hangikjöts­tartar
með rauðrófu, epli, skar­
lottulauk, chili og laufa­
brauði,
n Hreindýra­tataki með
granatepli, karamelluðum
pekanhnetum, stökkum
ostrusveppum og Feyki.
n Reykt ýsa með chorizo, epli,
jarðskokkamauki, salt­
hnetum og dilli.
n Tartaletta með hamborgar­
hrygg, sykurbrúnuðum
kartöflum og villi sveppa­
sósu.
n Jólaís með saltkaramellu­
sósu.
VERÐ: 9.900 Á MANN. EINUNGIS BORIÐ
FRAM FYRIR ALLT BORÐIÐ
Það fer vel um gesti í glæsilegum salarkynnum Bryggjunnar Brugghúss sem
taka allt að 90 manns í sæti, en líka hópa upp í 220 manns. MYND/AÐSEND
upp á ríkulega gleðistund (e.
happy hour) fyrir jólahlaðborðin.
„Því er hentugt fyrir vinahópa
og vinnustaði að hittast á Bryggj-
unni til að smakka handverksbjór-
ana okkar eða sötra ljúffenga kok-
teila. Hið víðfræga skötuhlaðborð
verður svo haldið á Þorláksmessu,
bæði í hádeginu og um kvöldið,“
greinir Hjálmar Jakob frá.
En hvaða jólalegu réttir munu
freista gesta á jólahlaðborði
Bryggjunnar í ár?
„Sjálft jólahlaðborðið verður
fremur hefðbundið en á jólaseðl-
inum á virkum kvöldum fær mat-
reiðsluteymi Bryggjunnar lausan
taum og töfrar fram kræsingar
eins og tartar úr tvíreyktu hangi-
læri með eplum og rauðrófum,
reykta ýsu með chorizo, jarð-
skokkamauki og rúgbrauðs-
kurli, og hreindýra-tataki með
granateplum og karamelluðum
pekanhnetum,“ svarar Hjálmar
Jakob og hlakkar mikið til að
útbúa gómsæta jólarétti fyrir gesti
Bryggjunnar Brugghúss. n
Bryggjan Brugghús er á Granda­
garði 8. Sími: 456 4040. Netfang:
bryggjan@bryggjanbrugghus.is.
Sjá meira á bryggjanbrugghus.is
Bryggjan Brugghús er gullfallegur staður sem rammar vel inn umgjörð
jólanna og heldur hlýlega utan um gesti sem njóta þar matar og dekurs.
kynningarblað 7FIMMTUDAGUR 13. október 2022 JÓLAHLAÐBORÐ