Fréttablaðið - 13.10.2022, Blaðsíða 28

Það er alltaf gaman
ef maður veit að í
smástund lét maður
fólki líða vel, fékk það til
að hlæja og hugsa.
Vilhelm Anton Jónsson
Vilhelm Anton Jónsson,
einnig þekktur sem Villi
naglbítur eða Vísinda-Villi,
hefur unnið sem skemmti-
kraftur og veislustjóri í
mörg ár. Hann hefur unnið á
ófáum jólahlaðborðum og á
skemmtilegar sögur af þeim.
sandragudrun@frettabladid.is
Spurður að því hver helsti munur-
inn sé á að skemmta eða veislu-
stýra á jólahlaðborðum og í öðrum
veislum segir Villi að lykilatriðið
í þessari spurningu sé orðið hlað-
borð.
„Þau eru alltaf aðeins öðruvísi
en þar sem fólk situr við borð og er
þjónað til borðs. Það reynir aðeins
meira á skipulagið að veislustýra
jólahlaðborði. En það er alltaf
gaman, ef hópurinn er góður. Það
er alltaf stuð þegar gott fólk hittist
og fær sér gott að borða og drekka.
Jólahlaðborðin eru kannski öðru-
vísi að því leyti að fólk keyrir hratt
í síldina og rjómann og ákavítið,
sem kemur svo aftan að manni
seinna um kvöldið,“ segir hann.
Villi segist verða að vinna á
nokkrum jólahlaðborðum í ár en
er þó ekki með það á hreinu hvað
þau eru mörg.
„Það er alltaf best að bóka
snemma. En um að gera að hafa
bara samband og athuga. Jólahlað-
borð eru líka ekki alltaf á laugar-
dögum. En það má bara senda póst
á moðurskipid@modurskipid.is
sem er umboðsskrifstofan mín og
athuga hvort ég sé laus. Það getur
alltaf eitthvað dottið út eða eitt-
hvað breyst,“ segir hann.
„Ég hef verið að vinna sem
veislustjóri og skemmtikraftur í
mörg ár. Ég man ekki alveg hvernig
þetta byrjaði, eiginlega hef ég bara
alltaf verið í einhverju svona. Það
getur verið mjög mikið að gera um
jólin. Ef maður er að gefa út bók
líka eru jólin eins langt frá því að
vera frí og hægt er.“
En hefur þú þá einhvern tíma
í desember til að slaka á og fara
kannski sjálfur á jólahlaðborð?
„Já, já. Ég passa mig á því. Ég veit
að ég er að minnsta kosti að
fara á eitt jólahlaðborð þar
sem ég er ekki að vinna og
get bara setið og kjamsað
á síld og fleski-steik,“
svarar hann hlæjandi.
Ákavítið lykilbreytan
Villi segist almennt
ekki tjá sig sérstak-
lega um það sem
gerist þegar hann
er að vinna, enda
er það bara á milli
hans og þeirra sem
eru í salnum.
„En ég man alveg
eftir því hjá einu fyrir-
tæki að sumir lásu ekki
alveg nógu vel á áka-
vítis-flöskuna og van-
mátu sennilega áfengis-
magnið í henni. Þau
komu svo upp með atriði
sem við skulum segja að
hafi verið stórbrotinn gjörningur
sem endaði á hlaðborðinu sjálfu.
Ég er nokkuð viss um að það var
ekki planið. Held
að ákavítið
hafi verið
lykilbreyta í
útkomunni.
Ég átti fullt í
fangi með að
skilja atriðið
eins og allir
hinir og ég er
nokkuð
viss um að
þau hafi ekki getað rifjað það upp
og útskýrt inntakið fyrir vinnu-
félögunum daginn eftir. Eiginlega
100 prósent viss.“
Hann segir að þetta sé senni-
lega það óvenjulegasta sem hann
hefur orðið vitni að á jólahlað-
borði.
„Ég hef aldrei séð fólk uppi á
hlaðborðinu sjálfu. Enda fór
það í gólfið fljótlega. Þetta
voru greinilega ekki burðar-
þolsverkfræðingar, svo það sé
tekið fram.“
Hollt að hlæja upphátt
Villi segist alltaf ræða það
við gesti á jólahlaðborðum
þegar hann er veislustjóri að
hann og gestirnir ætli að vera
til fyrirmyndar og skemmta
sér vel.
„Fólk sem kemur illa fram við
þjóna og starfsfólk fer mikið í
taugarnar á mér og ég hef þurft
að skipta mér af því. En þetta á
að vera gaman. Ekki leiðinlegt.
Fyrirmyndargestir koma vel fram
hver við annan og vilja skemmta
sér og eru kurteisir. Þá er alltaf
gaman í vinnunni,“ segir hann.
„Ókurteisi, fordómar, áreitni
og frekja eiga aldrei við. Hvorki
á jólahlaðborði né í lífinu sjálfu.
Tilætlunarsemi er leiðinleg. Svo er
fínt að drekka ekki í sig kjark til að
segja eitthvað. Best að segja það
bara snemma ef þig langar upp á
svið.“
Villi segist sem betur fer sjaldan
hafa lent í óþægilegum gestum en
hann hafi aftur á móti oft hitt sér-
lega skemmtilega og jákvæða gesti
sem hrósa honum.
„Það er alltaf gaman ef maður
veit að í smástund lét maður fólki
líða vel, fékk það til að hlæja og
hugsa. Það er gríðarlega hollt að
hlæja upphátt með vinum sínum.
Ég held að það sé vanmetið hvað
þetta er hollt fyrir okkur. En það
er alltaf gaman að fá hrós. Sama
hvort það er fyrir veislustjórn,
tónleika, bók, fyrirlestur eða hvað
sem er,“ segir hann.
„Auðvitað er stundum ókurteist
fólk inni á milli. Eins og hvar sem
er þegar tugir koma saman. Ég bið
fólk bara kurteislega um að virða
það að ég sé í vinnunni. Annars
getur bros og að hlusta á fólk gert
kraftaverk. Þetta snýst allt um að
stýra veislunni vel svo allir labbi
glaðir út og að einhver leiðindi
hafi sem minnst áhrif. Best að
koma bara í veg fyrir þau strax,
frekar en að díla við þau.“ n
Stórbrotinn gjörningur á hlaðborðinu
MYND/SAGA SIG
Sýningareldhús - Draghálsi 4 - 110 Reykjavík - Sími: 535 1300 - verslun@verslun.is Ta
kt
ik
5
73
4
#
Allt fyrir veitingahús- atvinnueldhús og kaffihús
Kælar & frystarlar frystar Húsgögnúsgögn
Stál vinnuborðStál vinnuborð Kæliborðliborð
Ofnarfnar
Uppþvottavélarppþvottavélar
Handvagnar StólarlGastro
8 kynningarblað 13. október 2022 FIMMTUDAGURJÓLAHLAÐBORÐ